چین ءِ اقتصادی دیمروئی ءِ راز وانگ ءُ زانگ، مہارت ءُ ٹیکنالوجی ءِ تہا اِنت، وفاقی وزیر برائے بورڈ آف انویسٹمنٹ

اسلام آباد۔17فروری  (اے پی پی): سرمایہ کاری بورڈ ءِ وفاقی وزیر قصر احمد شاخی ءَ چین ءِ حکومت ءُ الس ءَ را ”اسپ ءِ سال“ ءِ آیگ ءِ مبارک بات داتگ۔ آئی ءَ اے گپ سئے شمبے ءِ روچ ءَ ھاسیں مہمان ءِ بستار ءَ بہار ءِ میلہ گالا ءَ بھر زوری کنان ءَ کت کہ چین میڈیا گروپ ءُ راجی زبان ءِ دیمروئی ءِ محکمہ ءِ کمک ءَ اسلام آباد ءَ برجم دارگ بیت۔ مراگش ءَ گوں گشتانک دیان ءَ وفاقی وزیر قصر احمد شاخی ءَ گوشت کہ اسپ جزم، مھکم، ترندی، مھکم ءُ سوبمندی ءِ نشان اِنت ءُ ائید ءِ مراگش الس ءِ نیام ءَ سیادی ءُ دود ءُ ربیدگی یکوئی ءَ را مھکم کنگ ءَ ھاسیں کرد پیلو کن اَنت۔ وفاقی وزیر ءَ گوشت کہ پاکستان ءُ چین ءِ آہنی برات اَنت ءُ دوئیں ملک آنی نیام ءَ سیادی وت مہ وتی بھروسہ ءُ دائمی دوستی ءِ بنیات اِنت۔ آئی ءَ گوشت کہ چین ءَ دیمروئی ءُ اقتصادی برجائی ءِ رد ءَ لچک ءِ کامیابی رستگ اَنت ءُ ایشی ءِ اقتصادی دیمروئی ءِ راز کوالٹی ءِ وانگ ءُ ھنر ءُ ٹیکنالوجی ءِ تہ ءَ اِنت۔ قصر احمد شخام ءَ گوشت کہ دود ءُ ربیدگی تبادلہ تجارت ءُ سرمایہ کاری ءِ دیمروئی ءِ واستہ کمکی ثابت بوھگ ءَ انت وھدیکہ مھکمیں دود ءُ ربیدگ ءِ سیادی پائیدار اقتصادی شریکداری ءِ بُن ھشت انت۔ آئی ءَ وتی جزم ءِ درشان کت کہ بورڈ آف انویسٹمنٹ پاک چین ءِ اقتصادی کمک ءَ را دیمروئی دیگ ءِ واستہ جزمیگ انت۔