مزن وزیر شہباز شریف ءَ آئی اے ای اے ءِ ڈائریکٹر جنرل رافیل ماریانو گروسی ءَ گوں گند ءُ نند

ویانا۔17فروری  (اے پی پی): مزن وزیر محمد شہباز شریف ءَ کینسر ءِ ٹپاس ءُ درمان، ایٹمی بجلی ءِ پیداوار ءُ صنعتی ایپلی کیشنز ءِ پڑ ءَ ایٹمی ٹیکنالوجی ءِ ذمہ واریں رنگ ءَ کارمردی ءِ دیمروئی ءِ تہ ءَ میاں اوستمانی ایٹمی توانائی ایجنسی ءِ کرد ءِ واستہ پاکستان ءِ حمایت ءِ یک رندے پدر کت۔ مزن وزیر محمد شہباز شریف ءَ ویانا ءِ میاں اوستمانی مرکز ءَ میاں اوستمانی ایٹمی توانائی ءِ ادارگ ءِ ڈائریکٹر جنرل رافیل ماریانو گروسی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُ درئی کارانی وزیر جناب محمد اسحاق دار، اھوالکاری ءُ شنگکاری ءِ وزیر عطا اللہ ترار، مزن وزیر ءِ ھاسیں کمکار سدا طارق فاطمی ءُ درئی کارانی وزیر آمنہ بالو ءَ گشتگ۔ مزن وزیر ءَ کینسر ءِ ٹپاس ءُ درمان، کشت ءُ کشاری، ایٹمی بجلی ءِ پیداوار ءُ صنعتی ایپلی کیشنز ءِ وڑیں شوبگ آنی تہ ءَ ایٹمی ٹیکنالوجی ءِ ذمہ واریں رنگ ءَ کارمردی ءَ را دیمروئی دیگ ءِ تہ آئی اے ای اے ءِ کرد ءِ واستہ پاکستان ءِ حمایت ءِ یک رندے پدا گوشت۔ آئی ءَ پاکستان ءُ آئی اے ای اے ءِ نیام ءَ مھکمیں شریکداری ءِ ساڑات ءُ گوشت کہ پاکستان آئی اے ای اے ءِ تکنیکی کمک پروگرام ءَ چہ نہ ایوک ءَ سیت چست کنگ ءَ اِنت بلکیں آئی اے ای اے ءِ ماہرین آنی پجارینگ ءُ آئی اے ای اے ءِ باسکیں ملک آنی واستہ میاں اوستمانی تربیت ءِ برجم دارگ ءِ وسیلگ ءَ آئی اے ای اے ءِ کار آنی تہ ءَ ھم کمک کنگ ءَ اِنت۔ ڈائریکٹر جنرل گروسی ءَ ایٹمی ٹیکنالوجی ءِ پرامن کارمردی ءِ تہ ءَ پاکستان ءِ تجربگ ءُ مہارت ءُ ایشی ءِ انجینئر، سائنسدان ءُ ٹیکنیشن آنی مزنیں معیار ءِ منگ کت۔ آئی ءَ دگہ چیز آنی ھوار ایٹمی ایمنی ءُ ایمنی ءِ شوبگ آنی تہ ءَ آئی اے ای اے ءِ کار آنی تہ ءَ پاکستان ءِ کمک ءَ را ساڑات۔ آئی ءَ گیش گوشت کہ پاکستان یک لائکیں ملکے کہ آئی اے ای اے ءِ ایندگر باسکیں ملک آناں ایٹمی ٹیکنالوجی ءِ پرامن کارمرد کنگ ءِ واستہ کمک بہ کنت۔ آئی ءَ مارچ 2026 ءَ فرانس ءِ میزبانی ءَ بوھوکیں ایٹمی توانائی ءِ سروک دیوان ءَ پاکستان ءِ سرگرمیں بھر زوری ءِ واھشت مند بوتگ۔پدا ایٹمی طب ءُ آنکولوجی ءِ ادارگ لاہور ءَ را آئی اے ای اے ءِ کمکی مرکز ءِ رنگ ءَ نامینگ ءِ واستہ یک معاہدے ءِ سر ءَ دستخط کنگ بوتگ۔ اے معاہدے ءِ سرا پاکستان ءُ آئی اے ای اے ءِ نیمگ ءَ بالترتیب نائب مزن وزیر ءُ دری کارانی وزیر واجہ محمد اسحاق ڈار ءُ ڈی جی گروسی ءَ دستخط کتگ۔