نائب مزن وزیر سینئر محمد اسحاق ڈار ءَ ویانا ءَ مزن تک ءِ مراگش ءَ گوں تران کنان ءَ پاکستان ءِ اقوام متحدہ ءِ منشور ءُ کثیر جہتی ءِ سرا مھکمیں جزم ءِ درشان

ویانا ۔17فروری  (اے پی پی): اقوام متحدہ ءِ کارگس ءَ   نائب مزن وزیر ءُ دری کارانی وزیر محمد اسحاق ڈار ءَ اقوام متحدہ ءِ کارگس ءَ ’’پائیدار دیمروئی: گیشیں امن ءُ وشھالی ءِ راہ‘‘ ءِ سرھال ءَ مزن تک ءِ مراگش ءَ گوں تران کت۔ آئی ءَ امن ءُ دیمروئی ءِ نیام ءَ ناگزیریں سیادی ءِ سر ءَ زور پر دات ءُ اقوام متحدہ ءِ منشور ءُ کثیر جہتی ءِ سر ءَ پاکستان ءِ مھکمیں عزم ءِ سر ءَ زور پر دات۔ مراگش ءَ میاں اوستمانی گلانی سروک، سفارتی کور ءِ باسک، تھنک ٹینک ءُ رسانکدر ءِ نمائندہ آں بھر زوری کتگ۔ نائب مزن وزیر ءَ میاں اوستمانی ایٹمی توانائی ءِ ادارگ، اقوام متحدہ ءِ صنعتی دیمروئی ءِ گل، اقوام متحدہ ءِ منشیات ءُ جرم ءِ کارگس ءُ اقوام متحدہ ءِ خلائی کارانی کارگس ءِ ھاسیں کرد ءِ توسیپ کت کہ پاکستان ءِ امن ءُ ایمنی ءِ دیمروئی ءِ تہ ءَ یکوئی ءَ را گیش ءُ گیوار کنگ ءَ انت۔ اے ادارہانی گوما تعاون ءَ را مھکم کنت۔