مزن وزیر شہباز شریف ءَ باجوڑ   ءَ فتنہ الخوارج ءِ ناشرکارانی اُرش ءِ کوشست ءِ مذمت

لندن۔17فروری  (اے پی پی): مزن وزیر محمد شہباز شریف ءَ ضلع باجوڑ  ءَ فتنہ الخوارج ءِ ناشرکار آنی نیمگ ءَ یکجائی سیکورٹی ءُ کانود ءِ نفاذ ءِ پوسٹ ءِ سر ءَ اُرش ءِ کوشست ءِ سک باز مذمت کتگ ءُ 11 ناشرکار ءُ شہری سیکورٹی ءِ شہادت ءِ سر ءَ دلپدردی درشان کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شہید آنی ریک آنی برز کنگ ءِ واستہ دعا کتگ ءُ آوانی گس آنی گوما دلپدردی ءِ درشانی کتگ۔ مزن وزیر ءَ اے اُرش ءَ ٹپیگیں مردمانی زوت جان سلامتی ءِ دعا ھم کتگ ۔ آئی ءَ گوشت کہ سیکورٹی فورسز ءَ وھد ءِ سر ءَ کارروائی کتگ ءُ فتنہ الخریج ءِ 12 ناشرکار کشتگ انت ۔ آئی ءَ گوشت کہ جزم ءُ استحکام ءِ وژن ءِ چیر دستی ءَ سیکورٹی فورسز ناشرکاری ءِ ھلاپ ءَ مزنیں سوبمند بوھگ ءَ انت۔ ناشرکاری ءِ ھلاپ ءَ اے جنگ ءَ سرجمیں راج پاکستانی لشکر ءِ ھمراھی ءَ اوشتاتگ۔ مزن وزیر ءَ ملک ءَ چہ ھرچ وڑیں ناشرکاری ءَ را سرجمی ءَ ھلاس کنگ ءِ جزم ءِ ھم درشان کت۔