وزیراعظم شہباز شریف نا جسٹس خلیل الرحمان خان نا کزیت آ ہڑزخواہی نا درشان

لندن ۔ 17 فروری (اے پی پی) وزیراعظم شہباز شریف سپریم کورٹ آف پاکستان نا مسکوہی جج و مسکوہی چیف جسٹس لاہور ہائی کورٹ جسٹس خلیل الرحمان خان نا کزیت آ ڈکھیائی و است ہسونی نا درشانی ءِ کرسا پارینے کہ اونا شمار ملک انا سینئر و آزموندہ کار جج آتیٹی مسکہ۔ سے شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم پارے کہ جسٹس خلیل الرحمان خان نا شمار فرض شناس جج آتیٹی مسکہ ہرا غٹ وئی عدل وانصاف کن کاریم کرے۔ وزیراعظم جسٹس خلیل الرحمان خان نا خاہوت تون ہڑزخواہی نا درشانی ءِ کرسا دعاکرے کہ اللہ تعالیٰ جسٹس خلیل الرحمان خان ءِ جنت الفردو س اٹی بڑزکو ہند اس عطاکے و اونا درجہ غاتے بڑز کے۔