مزن وزیر شہباز شریف ءُ آسٹریا ءِ چانسلر کرسچن اسٹاکر ءَ تجارت، وت جوڑیشتی ھیل کاری ءُ ڈیٹا ٹیکنالوجی ءُ ایندگر اولی ترجی ءِ شوبگ آنی تہ ءَ کمک ءَ را دیمروئی دیگ ءِ مزنیں اوست  آنی سر ءَ ھیال ریچی

ویانا۔16فروری  (اے پی پی): مزن وزیر محمد شہباز شریف ءُ جمہوریہ آسٹریا ءِ وفاقی چانسلر کرسچن اسٹاکر ءَ تجارت، وت جوڑیشتی ھیل کاری ءُ ڈیٹا ٹیکنالوجی ءُ ایندگر اولیت ءِ شوبگ آنی تہ ءَ کمک ءِ دیمروئی ءِ مزنیں امکانات آنی سر ءَ زور پر دات وھدیکہ مزن وزیر ءَ آسٹریا ءِ کاروبار آنی تہ ءَ پاکستان ءِ تہ ءَ گیشی ءُ کمپنی سرمایہ کاری ءِ تہ ءَ گیشی ءِ دعوت دات۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءُ آسٹریا ءِ چانسلر ءَ آسٹریا ءُ پاکستان ءِ نامداریں کمپنی آنی چیف ایگزیکٹو آفیسر آنی فورم ءِ سروکی ءَ فیڈرل چانسلری ءَ کتگ۔ سی ای اوز ءِ فورم ءِ تہ ءَ نمائندگی کنوکیں کمپنی آنی تہ ءَ قابل تجدید توانائی، توانائی ءِ کارکردگی، صنعتی پیداوار ءُ دیمروئی، انفارمیشن ٹیکنالوجی، ٹیکسٹائل، سرجیکل آلات، چمڑہ ءُ کھلونہ، جان سلامتی، سیل ءُ سواد ءُ مہمان نوازی، ءُ وردن ءُ زرعی صنعت ءِ شوبگ آنی تہ ءَ کار کنوکیں کمپنی ھوار اَنت۔ اے موہ ءِ سر ءَ دوئیں رہشون آناں تجارت ءِ تہ ءَ گیشی ءِ واستہ مزنیں گنجائش ءِ سر ءَ زور پر دات، ایشی ءِ تہ ءَ وت جوڑیشتی ھیل کاری ءُ ڈیٹا ٹیکنالوجی ءَ ھوار ایندگر ترجیحی شوبگ آنی تہ ءَ کمک ءَ را دیمروئی دات۔ مزن وزیر ءَ آسٹریا ءِ کاروباری ادارگ ءُ کمپنی آناں پاکستان ءَ سرمایہ کاری ءَ را گیش کنگ ءِ دعوت دات ھاسیں رنگ ءَ ھما ترجیحی شوبگ آنی تہ ءَ کہ اودا دوئیں ملک آنی نجی شوبگ آنی نیام ءَ وت مہ وتی فائدہ مندیں شریکداری ءَ را دیمروئی دیگ بوت کنت۔ مزن وزیر ءَ آسٹریا ءِ کمپنی آناں پاکستان ءِ تر ءُ تاب کنگ ءُ یورپی یونین پاکستان بزنس فورم ءَ بھر زوری ءِ ھم دعوت دات کہ اے سال ءِ اپریل ءَ اسلام آباد ءَ برجم دارگ بیت۔ ایشی ءَ پد مزن وزیر ءَ آسٹریا ءِ چیمبر آف کامرس ءِ نیمگ ءَ برجم داشتگیں پاکستان ءُ آسٹریا بزنس فورم ءَ گشتانک دات۔