چانسلر کرسچن اسٹاکر ءِ گوما سک باز وشیں ءُ پائدگ مندیں گند ءُ نند بوتگ، اقتصادی کمک ءُ سرمایہ کاری ءَ ھوار جتا جتائیں شعبہ آنی تہ ءَ کمک ءِ دیمروئی ءِ جزم ءِ درشان ، مزن وزیر شہباز شریف

ویانا۔16فروری  (اے پی پی): مزن وزیر محمد شہباز شریف ءَ آسٹریا ءِ تر ءُ تاب ءَ را ھاسیں ارزشت ءِ لیکگ ءَ گوشت کہ آئی ءَ چانسلر کرسچن اسٹاکر ءِ گوما سک باز وشیں ءُ پائدگ مندیں گند ءُ نند کتگ، اقتصادی کمک، آئی ٹی ءُ سرمایہ کاری ءَ ھوار جتا جتائیں شوبگ آنی تہ ءَ کمک ءِ دیمروئی ءِ جزم ءِ پدا پدر کتگ۔ سوشل نیٹ ورکنگ ویب سائٹ ایکس ءِ سر ءَ وتی کلوہ ءِ تہ ءَ مزن وزیر ءَ گوشت کہ اے دہسال ءَ چہ گیش وھد ءِ پد ءَ آسٹریا ءِ مزن تک ءِ تر ءُ تاب اِنت۔ اے تر ءُ تاب پاکستان ءُ آسٹریا ءِ نیام ءَ سفارتی سیادی ءِ برجائی ءِ 70 سال ءِ روچ ءَ ھم ھمگرنچ اِنت۔ آئی ءَ گوشت کہ آئی ءَ چانسلر کرسچن اسٹاکر ءِ گوما سک باز وشیں ءُ پائدگ مندیں گند ءُ نند کتگ، ایشی ءِ تہ ءَ آھاں اقتصادی کمک، تجارت ءُ سرمایہ کاری، سیل ءُ سواد، مہمان نوازی، وانگ ءُ زانگ، آئی ٹی، جان سلامتی، انسانی وسائل ءِ دیمروئی ءُ کارکن آنی دیمروئی ءَ ھوار جتا جتائیں شوبگ آنی تہ ءَ دو نیمگی سیادی آناں گیش کنگ ءِ واستہ وت مہ وتی کمک ءِ دیمروئی ءِ وتی جزم ءِ پدا زور دات۔