فیلڈ مارشل عاصم منیر امارات ءِ ایمنی ءُ استحکام پاکستان ءِ ایمنی ءِ یک المی ئیں بہراِت

راولپنڈی ۔ 16فروری  (اے پی پی): آرمی چیف و چیف آف ڈیفنس فورسز فیلڈ مارشل سید عاصم منیر   ءَ گوشت کہ متحدہ عرب امارات ءِ ایمنی ءُ برجائی پاکستان ءِ ایمنی ءِ تہ ءَ المی اِنت۔ آئی ایس پی آر ءِ رد ءَ فیلڈ مارشل عاصم منیر  ءَ ابوظہبی ءَ امارات ءِ نائب حاکم ءُ راجی سلامتی ءِ وزیر شیخ طحنون بن زاید النہیان  ءَ گوں گند ءُ نند کتگ۔ گند ءُ نند ءِ ساھت ءَ وت مہ وتی کمک ھاسیں رنگ ءَ معیشت، سرمایہ کاری ءُ ایمنی ءِ پڑ ءَ گپ ءُ تران کنگ بوت ءُ دوئیں سروک آنی تہ ءَ دمگی جاور ھال، امن ءُ ایمنی ءِ دیمروئی ءِ واستہ برجاھیں رابطہ آنی سر ءَ زور پر دات۔ فیلڈ مارشل ءَ پاکستان ءِ برجاھیں کمک ءِ سر ءَ امارات ءِ شگر ءُ منت گپت ءُ گوشت کہ اے کمک دوئیں براتیں ملک آنی نیام ءَ جہلیں جڑیں دوستی ءِ آدینک اِنت۔ فیلڈ مارشل ءَ پاکستان ءَ اقتصادی ءُ چاگردی دیمروئی ءِ دیمروئی ءِ واستہ اماراتی سروکی ءِ جوڑیشت ءِ کرد ءَ را ساڑات ءُ گوشت کہ دوئیں ملک آنی نیام ءَ دیریں راجدپتری سیادی ءُ مھکمیں اسٹریٹجک شراکت داری است انت۔ دفاعی اُرد ءِ سروک فیلڈ مارشل عاصم منیر  ءَ گوشت کہ امارات ءِ ایمنی ءُ برجائی پاکستان ءِ ایمنی ءِ یک جتائیں بہرے انت۔