ویانا ۔16فروری (اے پی پی): آسٹریا ءِ فیڈرل چانسلری ءَ مزن وزیر محمد شہباز شریف ءَ را آسٹریا ءِ فیڈرل چانسلری ءَ وش آتک کنگ بوت۔ آسٹریا ءِ چانسلری ءَ مزن وزیر ءِ شرپ ءَ باقاعدہ استقبالیہ مراگش برجم دارگ بوت کہ ایشی ءِ بندات دوئیں ملک آنی راجی سوت آنی توار کنگ ءَ چہ بوت۔ آسٹریا ءِ چانسلر کرسچن اسٹاکر ءَ مزن وزیر محمد شہباز شریف ءَ را گوں …
آسٹریا ءِ فیڈرل چانسلری ءَ مزن وزیر محمد شہباز شریف ءَ را گرمیں وش اتک کت، آسٹریا ءِ چانسلر کرسچن اسٹاکر ءَ مزن وزیر ءَ را پر مڈائیں وش آتک کت
گیشتریں ھال
ویانا ۔16فروری (اے پی پی): آسٹریا ءِ فیڈرل چانسلری ءَ مزن وزیر محمد شہباز شریف ءَ را آسٹریا ءِ فیڈرل چانسلری ءَ وش آتک کنگ بوت۔ آسٹریا ءِ چانسلری ءَ مزن وزیر ءِ شرپ ءَ باقاعدہ استقبالیہ مراگش برجم دارگ بوت کہ ایشی ءِ بندات دوئیں ملک آنی راجی سوت آنی توار کنگ ءَ چہ بوت۔ آسٹریا ءِ چانسلر کرسچن اسٹاکر ءَ مزن وزیر محمد شہباز شریف ءَ را گوں دلجمی ءَ وش اتک کت ءُ وش آتک کت۔ دوئیں رہشوناں دست ءُ دیم کت ءُ وشیں گپ ءُ تران کت۔ آسٹریا ءِ سلاہ بندیں اُرد ءِ دستہ ءَ مزن وزیر محمد شہباز شریف ءَ را گارڈ آف آنر ءِ دات۔ مزن وزیر ءَ آسٹریا ءِ چانسلر ءِ گوما گارڈ آف آنر ءِ چار ءُ تپاسی کت۔ آسٹریا ءِ چانسلر ءَ کابینہ ءِ باسک آناں مزن وزیر محمد شہباز شریف ءَ گوں پجار کتگ وھدیکہ مزن وزیر ءَ وتی ڈل ءِ باسک آسٹریا ءِ چانسلر کرسچن اسٹاکر ءَ گوں پجار کتگ انت۔ مزن وزیر محمد شہباز شریف ءَ ہم مہمان کتاب ءِ تہا وتی تاثر ریکارڈ کتگ انت۔ مزن وزیر محمد شہباز شریف آسٹریا ءِ چانسلر کرسچن اسٹاکر ءَ گوں دو نیمگی ءُ ڈل ءِ تک ءَ گند ءُ نند کنت۔ مزن وزیر ءُ آسٹریا ءِ چانسلر دوئیں ملک آنی نیام ءَ سرمایہ کاری ءَ را گیش کنگ ءِ واستہ نامداریں کاروباری مردم آنی دیوان ءِ یکجاھیں سروکی ءَ کن اَنت۔ مزن وزیر پاکستان آسٹریا بزنس فورم ءَ بہر زوریت ءُ گشتانک دنت۔ مزن وزیر محمد شہباز شریف اقوام متحدہ ءِ چیردستی ءَ ویانا ءَ برجم داشتگیں ’’جدیدیت ءِ دیمروئی، جھان ءِ امن ءُ وشھالی ءِ راہ‘‘ ءِ بنگپ ءِ سر ءَ ھاسیں مراگش ءَ ھم گشتانک دنت۔ ایشی ءَ ابید مزن وزیر محمد شہباز شریف ءَ میاں اوستمانی ایٹمی توانائی ءِ ادارگ ءِ ڈائریکٹر جنرل ءَ گوں ھم گند ءُ نند کنت۔\932
