مزن وزیر شہباز شریف ءَ آسٹریا ءِ کاروباری براتی ءَ را پاکستان ءِ جتا جتائیں شوبگ آنی تہ ءَ سرمایہ کاری کنگ ءِ دعوت

ویانا۔16فروری (اے پی پی): مزن وزیر محمد شہباز شریف ءَ آسٹریا ءِ کاروباری براتی ءَ را کشت ءُ کشاری، آئی ٹی، معدنیات ءُ کان کنی، سیل ءُ سواد، ٹیکسٹائل ءُ چمڑہ، قابل تجدید توانائی، انجینئرنگ ءِ جتا جتائیں شوبگ آنی تہ ءَ سرمایہ کاری ءِ دعوت داتگ ءُ گوشت کہ پاکستان ءَ آسٹریا ءِ سرمایہ کار آناں دو کمک کنت۔ دو نیمگی تجارت ءِ حجم ءَ چہ گیش بوتگ۔ اے ھیالانی درشانی آئی ءَ ادا پاکستان ءُ آسٹریا بزنس فورم ءَ گوں تران کنان ءَ کت۔ اے موہ ءِ سر ءَ نائب مزن وزیر ءُ دری کارانی وزیر اسحاق ڈار، وفاقی وزیر ءِ ھال ءُ اھوال عطا اللہ ترار، ھاسیں کمکار طارق فاطمی ءُ دوئیں ملک آنی نامداریں کاروباری مردم ھم ساڑی اتنت۔ مزن وزیر ءَ مھکمیں بنیات آنی بنیات ءَ دوئیں ملک آنی نیام ءَ دیریں دوستی ءِ سیادی ءِ ذکر کنان ءَ گوشت کہ آسٹریا ءِ کمپنی پاکستان ءَ دہ سال ءَ چہ کار کنگ ءَ اَنت بلے گوستگیں وھد آنی تہ ءَ ایشی ءِ تہ ءَ کمیگ بوتگ۔ آسٹریا ءِ بازیں کمپنی پاکستانی شریک آنی گوما قابل تجدید توانائی، کان کنی ءُ تعمیراتی پڑ ءَ کار کنگ ءَ انت۔ آئی ءَ چانسلر کرسچن اسٹاکر ءِ گوما دو نیمگی ءُ ڈل ءِ تک ءِ گپ ءُ تران ءَ را سک باز جوانیں ءُ جوڑیشت لیک اتگ ءُ گوشت کہ اے گند ءُ نند آنی تہ ءَ پیسلہ بوتگیں جیڈھ آناں دیم ءَ برگ بیت۔ آئی ءَ گوشت کہ پاکستان ءُ آسٹریا ءِ نیام ءَ دیریں دوستی ءِ سیادی است انت، دوئیں ملک آنی نیام ءَ سیادی راستی آنی سر ءَ بنیات انت ءُ دہائی آنی بنیات ءَ انت، قابل تجدید توان ءُ کان کنی ءِ شوبگ ءَ آسٹریا ءِ کمک ستا کرز انت۔ مزن وزیر ءَ گوشت کہ پاکستان ءِ آبادی ءِ 60 درسد ورنا آنی سر ءَ جوڑ کنگ بوتگ، مئے ورنا باھند انت، حکومت ءَ آئی ٹی شوبگ ءِ دیمروئی ءِ واستہ بازیں گامگیج کتگ، ما آئی ٹی ءِ وانگ ئُُ تربیت ءِ واستہ صوبائی حکومت آنی گوما کار کنگ ءَ آں، ورنا آنی دیمروئی ءِ واستہ بازیں منصوبگ بندات کنگ بوتگ۔ مزن وزیر ءَ گوشت کہ ما یورپی شریک آنی گوما غیر قانونی مہاجر آنی جیڈھ ءِ سر ءَ کار کنگ ءَ آں۔ آئی ءَ گوشت کہ پاکستان ءِ معیشت ءِ مستریں انحصار کشت ءُ کشاری ءِ سر ءَ اِنت، 60درسد آبادی میتگ ءُ دمگ آنی تہ ءَ نندوک اِنت، کشت ءُ کشاری ٹیکنالوجی ءِ دیمروئی ءُ گندم، مکئی ءُ گنی ءِ وڑیں ھاسیں فصل آنی فی ایکڑ پیداوار ءَ را گیش کنگ ءِ واستہ کوشست کنگ بوھگ ءَ اِنت، ما آسٹریائی تجربہ ءِ دیمروئی ءِ واستہ آسٹریا ءِ کمک ءَ را وش آتک کن ایں ءُ اے پڑ ءَ۔ آئی ءَ معدنیات ئُُ کان کنی ءِ شوبگ ءَ وت مہ وتی کمک ءَ را گیش کنگ ءِ واھشت ءِ ھم سہرا کت ئُُ گوشت کہ پاکستان قدرتی وسیلگ ءَ چہ زرباری ملک اِنت۔ آئی ءَ آسٹریا ءِ کاروباری براتی ءَ را جتا جتائیں شوبگ آنی تہ ءَ سرمایہ کاری ءِ دعوت دات ءُ گوشت کہ پاکستان ءَ سیل ءُ سواد، قابل تجدید توانائی، انجینئرنگ، ٹیکسٹائل، لیڈر، ہائیڈرو، بجلی، سولر، بائیوماس، سمارٹ سولیوشن، گرڈ جدید کنگ، صنعتی آٹومیشن، مشینری ءُ ایندگر شوبگ آنی تہ ءَ دلکشیں سرمایہ کاری ءِ موہ است انت۔ ما اقتصادی شوبگ ءِ شریکداری ءَ را نوکیں بالاد ءَ سر کنگ ءِ واھشت مند ایں ۔ پاکستان ای بزنس فورم اپریل ءِ ماہ ءَ اسلام آباد ءَ برجم دارگ بیت۔ مزن وزیر ءَ آسٹریا ءِ سرمایہ کار آناں زور پر دات کہ آ حکومت ءِ دعوت ءِ سر ءَ پاکستان ءَ بیا اَنت، مئے مہمان بہ بنت، ءُ پاکستان ءَ سرمایہ کاری ءِ موہ آناں پٹ ءُ پول بہ کن اَنت۔ ایشی ءَ چہ پیسر نائب مزن وزیر ءُ دری کارانی وزیر محمد اسحاق ڈار ءَ بزنس فورم ءَ گوں گشتانک دیان ءَ گوشت کہ فورم ءِ برجائی اقتصادی ءُ تجارتی چست ءُ ایر آناں دیمروئی دیگ ءِ واستہ المی انت ۔ مزن وزیر شہباز شریف ءُ چانسلر کرسچن اسٹاکر ءِ نیام ءَ گپ ءُ تران پائدگ مند بوتگ۔ مزن وزیر شہباز شریف ءِ ایجنڈا اقتصادی سفارتکاری ءِ سرا انت۔ پاکستان وتی جاہ ءُ اقتصادی موہ آنی سبب ءَ یک ھاسیں مارکیٹ ءِ انت، ءُ اقتصادی استحکام ءُ دیمروئی ءِ ھاتر ءَ اصلاحات ءِ عمل ءَ را دیم ءَ برگ ءِ ضلورت انت۔ آئی ءَ انوگیں دور ءَ اقتصادی سفارتکاری ءُ دیمروئی ءَ را سک باز المی لیک اتگ ءُ گوشت کہ آسٹریا ءِ جہانی سفارتکاری ءِ تہ ءَ المی کرد ءَ را من ایت ءُ برآمدات ءِ سر ءَ مبنی معیشت ءِ دیمروئی ءِ واستہ کوشست کنگ ءَ انت۔ آئی ءَ حکومت ءِ معاشی گامگیج آنی بابت ءَ گپ جتگ ءُ گوشت کہ پاکستان ءِ معیشت راستیں نیمگ ءَ روگ ءَ اِنت۔ ورنا آنی مزنیں آبادی ءِ سبب ءَ پاکستان ءَ ٹیکنالوجی ءُ نوآبادیاتی ءِ پڑ ءَ مزنیں موہ است انت کہ ایشی ءِ تہ ءَ آسٹریا ءَ را ھاسیں مہارت است انت۔ آئی ءَ دو نیمگی تجارت ءِ کساس ءَ را گیش کنگ ءِ سر ءَ زور پر دات ءُ گوشت کہ استیں تجارت ءِ کساس دوئیں ملک آنی نیام ءَ دوستی ءِ سیادی ءِ راستیں رنگ ءَ پدر نہ کنت۔ پاکستانی ءُ آسٹریا ءِ کاروباری مردم ءُ کمپنی ءِ نمائندگاں مزنیں کساسے ءَ فورم ءَ بہر زرتگ ات۔