چانسلر کرسچن اسٹاکر ءِ گوما سک باز وشیں ءُ پائدگ مندیں گند ءُ نند بوتگ، اقتصادی کمک ءُ سرمایہ کاری ءَ ھوار جتا جتائیں پڑاں کمک ءِ دیمروئی ءِ جزم ءِ دوبر پدر کنگ بوتگ، مزن وزیر شہباز شریف

ویانا۔16فروری  (اے پی پی): مزن وزیر محمد شہباز شریف ءَ آسٹریا ءِ تر ءُ تاب ءَ را ھاسیں ارزشت ءِ لیکگ ءَ گوشت کہ آئی ءَ چانسلر کرسچن اسٹاکر ءِ گوما سک باز وشیں ءُ پائدگ مندیں گند ءُ نند کتگ، اقتصادی کمک، آئی ٹی، سرمایہ کاری ءِ تہ ءَ ھوار جتا جتائیں پڑ آنی تہ ءَ کمک ءِ دیمروئی ءِ جزم ءِ پدا پدر کتگ۔ مزن وزیر ءَ گوشت کہ اے یک دہائی ءَ چہ گیش پد آسٹریا ءِ مزن تک ءِ تر ءُ تاب اِنت۔ اے تر ءُ تاب پاکستان ءُ آسٹریا ءِ نیام ءَ سفارتی سیادی ءِ برجائی ءِ 70 سال سرجم بوھگ ءِ روچ ءَ ھم ھمگرنچ انت۔ آئی ءَ گوشت کہ آئی ءَ چانسلر کرسچن اسٹاکر ءِ گوما سک باز وشیں ءُ پائدگ مندیں گند ءُ نند کتگ، ایشی ءَ چہ اقتصادی کمک، تجارت ءُ سرمایہ کاری، سیل ءُ سواد، مہمان نوازی، وانگ ءُ زانگ، آئی ٹی، جان سلامتی، انسانی وسائل ءِ دیمروئی ءُ مردمی قوت ءَ ھوار جتا جتائیں شوبگ آنی تہ ءَ دو نیمگی سیادی ءَ را گیش کنگ ءِ واستہ وت مہ وتی کمک ءَ را گیش کنگ ءِ وتی جزم ءِ پدا زور دات۔