ریلوے ءِ وفاقی وزیر محمد حنیف عباسی ءَ  گوشتگ  کہ پنجاب ءَ جان سلامتی ءِ شوبگ ءِ اصلاحات ءُ نوکیں آسراتی معیاری علاج ءِ ھاتر ءَ بنیاتی سنگ ثابت بنت

راولپنڈی ۔16فروری  (اے پی پی): ریلوے ءِ وفاقی وزیر محمد حنیف عباسی ءَ گوشت کہ پنجاب ءِ جان سلامتی ءِ شوبگ ءَ جاری اصلاحات ءُ نوکیں آسراتی الس ءِ واستہ جوانیں علاج ءِ رسگ ءِ واستہ بنیاتی سنگ ثابت بنت۔ صوبائی حکومت ءِ کوشست ءَ گوں شہری ءُ میتگ ءِ مردم آناں برابر ، بروقت ءُ شفاف درمان ءِ آسراتی پجاری کنگ بیت ۔ برزمی بھٹو ہسپتال ءِ نوکیں آسراتی مرکز ءَ چہ ہزاراں شہری سیت چست کن اَنت۔ اے ھیالانی درشانی آئی ءَ برزمی بھٹو ہسپتال راولپنڈی ءَ نوکیں آسراتی مرکز ءِ بُن ھشت ایر کنگ ءِ مراگش ءَ گوں تران کنان ءَ کت۔ محمد حنیفہ عباسی ءَ گوشت کہ اے نوکیں آسراتی ءَ چہ ھمک روچ ھزاراں مردم سیت چست کن اَنت ءُ اے ہسپتال ءِ نظام ءَ نادراہ آنی رہشونی، رجسٹریشن ءُ اے دگہ انتظامی معاملات آنی تہ ءَ آسراتی ءِ تہ ءَ ھاسیں کرد پیلو کنت۔ وفاقی وزیر ءَ گوشت کہ سرجمیں پنجاب ءَ ہسپتال آنی تہ ءَ یک آٹومیٹک سسٹم ءِ بندات کنگ بوھگ ءَ اِنت ایشی ءِ چیر دستی ءَ نادراہ آنی رجسٹریشن، رپورٹ ءُ ایمرجنسی سروسز ءِ تفصیل پلیٹ فارم ءَ را دیم دیگ بنت تانکہ نادراہ آنی وھد ءَ ھچ وڑیں غیر ضروری رکاوٹ ءُ سفارشات ءِ ھست نہ بوھگ ءِ وھد ءَ علاج رس ایت۔ آئی ءَ گوشت کہ پنجاب ءِ سر وزیر مریم نواز شریف ءَ راولپنڈی ءِ اسپتال آنی تہ ءَ مہاکالا، ہولی فیلڈ ءُ ڈی ایچ کوئی اسپتال آنی تہ ءَ نوکیں دوا ءُ درمان آسراتی آنی پجاری ءَ را وش اتک کتگ ءُ گوشت کہ اے گامگیج آنی تہ ءَ نہ ایوک ءَ الاج ءِ معیار برز بیت بلکینگ ءَ میڈیکل پٹ ءُ پول ءُ دیمروئی ءِ واستہ نوکیں موہ ھم رس ایت۔ محمد حنیفی عباسی ءَ صوبائی حکومت ءِ کوشست آناں ساڑات کنان ءَ گوشت کہ پنجاب ءَ ہسپتال آنی اپ گریڈیشن، نوکیں جان سلامتی مراگش آنی جوڑ کنگ، وارڈ آنی تہ ءَ گیشی ءُ نوکیں طبی سامان آنی پجاری ءِ منصوبگ سرجم بوتگ اَنت یا ایشی ءِ سر ءَ عمل کنگ بوھگ ءَ اَنت۔ آئی ءَ گوشت کہ آیوکیں شش ماہ ءِ ساھت ءَ جان سلامتی ءِ نظام ءَ گیش شفاف ءُ منظمیں اصلاحات سرجم کنگ بنت ءُ نادراہ آناں وھد ءِ سر ءَ الاج ءِ آسراتی ءَ پجاری کنگ بیت۔ وفاقی وزیر ءَ گوشت کہ نوآبادیاتی، تربیت ءُ نوکیں بنیاتی ڈھانچہ ءِ دیمروئی ءِ گوما انسانیت ءِ ھزمت ءِ مشن ھم مدام برجاہ دارگ بیت ءُ حکومت ءِ نیمگ ءَ چہ درستیں دستیابیں وسیلگ آناں کارمرد کنان ءَ الس ءَ را مزنیں کوالٹی ءِ طبی آسراتی رس ایت۔