وزیر خزانہ محمد اورنگزیب ءَ گوشت کہ گوستگیں 3 سال آنی تہ ءَ سرکاری پڑ ءِ ادارگ آنی سرجمیں خسارہ 74ارب کلدار کم بوتگ

اسلام آباد۔16فروری  (اے پی پی): وفاقی وزیر ءِ مالیات ءُ آمدنی محمد اورنگزیب ءَ گوشت کہ سرکاری پڑ ءِ ادارگ آنی سرجمیں خسارہ کم کم ءَ کم بوھگ ءَ انت۔ گوستگیں 3سال آنی تہ ءَ اے ادارگ آنی خسارہ ءِ تہ ءَ کل ءَ 74ارب کلدار کمی بوتگ۔ ادارہانی بند کنگ ءِ مستریں تب ءُ مئیل ھم معاوضہ بوتگ۔ سرکار ءِ تاوان کرپشن، دُزی ءُ سبسڈیانی لیک ءِ سبب ءَ بوتگ۔ نجکاری ءِ عمل شفافیں رنگ ءَ کنگ ءَ انت۔ سیو رپورٹ ءِ ھوالگ ءَ پریس ءَ گوں تران کنان ءَ وزیر ءِ ھزانگ ءَ گوشت کہ ایس او ای ایس ءِ بابت ءَ رپوٹ پارلیمنٹرین ءُ الس ءِ گوما دارگ بیت۔ وزیر ءِ ھزانگ ءَ گوشت کہ سرکاری ادارگ آنی سرجمیں تاوان کم کم ءَ کم بوھگ ءَ انت۔ 2023ءَ مجموعی تاوان 905ارب کلدار بوتگ، 2024ءَ 851ارب کلدار بوتگ ءُ گوستگیں مالی سال ءِ تہا SOES ءِ تاوان ءِ کساس 832ارب کلدار بوتگ۔ گوستگیں سئے سالانی تہ ءَ اے ادارگ آنی تاوان ءِ تہ ءَ کل 74 ارب کلدار کم بوتگ ءُ کل تاوان 142 ملین کلدار کم بوتگ۔ وزیر ءِ ھزانگ ءَ گوشت کہ او جی ڈی سی ایل ءِ وڑیں منافع ءِ ادارگ انگت ءَ منافع ءِ واھند اَنت بلے آھانی منافع کم بوھگ ءَ اِنت۔ تیل ءِ عالمی نرخانی تہ ءَ کمی منافع ءِ تہ ءَ کمی ءِ مستریں سبب اِنت۔ وزیر خزانہ ءَ گوشت کہ اے ادارگ آنی حکومت مالیاتی درآمد 2.078کرب کلدار اِنت۔ اے گپ ءِ یک تبے ءِ سرا انت۔ جست ایش انت کہ اے ادارہاں چہ سرکار ءَ ٹیکس ءُ منافع ءِ شکل ءَ چنچو آمدنی رسگ ءَ انت۔ گوستگیں سال ءَ اے کساس 2.119 کھرب کلدار بوتگ۔ اے رنگ ءَ حکومت ءِ تہ ءَ 40ارب کلدار ءِ جوانیں آمد اِنت۔ وزیر خزانہ ءَ گوشت کہ سرکاری ادارگ آنی تاوان سال آنی واستہ نہ بلکیں دہائی آنی واستہ جم بوھگ ءَ انت۔ انوگیں سرکار ءَ اے ادارہانی گورننس گہتر کتگ۔ اے ادارگ آنی بورڈ آنی تہ ءَ پرائیویٹ سیکٹر ھوار کنگ بوھگ ءَ اِنت ءُ SOEs ایکٹ ءِ رد ءَ پرائیویٹ سیکٹر ءَ چہ چیئرمین ھم گچین کنگ بوھگ ءَ اِنت۔ اے ادارہانی تہا لازمی براؤنی آڈٹ ءِ ھاتر ءَ ہدایت شنگ کنگ بوتگ۔ اے بازیں ادارہانی تہا عمل کنگ بوہگ ءَ انت۔ گورننس اسکور کارڈ جاری کنگ بوھگ ءَ انت کہ ایشی ءِ تہا لین دین ءُ کارکردگی ھوار انت۔ اے ادارہ کاروباری برادری ءِ نیمگ ءَ چہ ارزشت دیگ بوھگ ءَ انت۔ منصوبہ بندی کنگ بوتگ ءُ گوستگیں سال ءَ چہ کار برجاہ انت۔ مارا ادارگ آنی نیمگ ءَ چہ کاروباری منصوبگ رسگ ءَ اَنت کہ آھانی سر ءَ چار ءُ تپاسی کنگ بوھگ ءَ اِنت دانکہ آیوکیں وھد ءِ رد ءَ کار ھم دیم ءَ اتک کن اَنت۔ وزیر ءِ ھزانگ ءَ گوشت کہ درستاں چہ مستریں گپ ایش انت کہ ما لھتیں دل ءَ تچکیں پیسلہ ءُ گامگیج کتگ، مزن وزیر ءِ کمک ءَ ما وت ایشی ءِ سر ءَ عمل کنگ ءَ آں۔ بازیں ادارہ بوتگ کہ بند بوتگ انت ءُ بازیں ادارہ بند بوہگ ءَ انت۔ اے گپ پی ڈبلیو بی ءَ چہ بندات بوتگ، ایشی ءَ پد ووٹنگ باس اسٹورز کارپوریشن بند کنگ بوتگ، پاسکو بند کنگ ءِ عمل برجاہ اِنت۔ اے درست ھما ادارہ اَنت کہ شفافیں رنگے ءَ بند کنگ بنت۔ ادارہانی کارمند کہ بند کنگ بوھگ ءَ انت آھاں موزوں ءُ معقولیں پیکج دیگ بوتگ انت۔ وزیر ءِ ھزانگ ءَ گوشت کہ ادارگ آنی بند کنگ ءِ مستریں پڑ معاوضہ ھم بوتگ۔ ارباں کلدار ءِ سبسڈی ہمے ادارہاں دیگ بوتگ کہ آہانی تہا کرپشن، دُزی ءُ لیک ءِ ہلاس بوتگ۔ حکومت ءَ را نا مناسب کرپشن، دُزی ءُ سبسڈی ءِ لیک ءِ سبب ءَ تاوان رسگ ءَ ات۔ وزیر خزانہ ءَ گوشت کہ وفاقی حکومت ءِ رائٹ سائزنگ پروگرام ءِ چیر دستی ءَ ایندگر ایس او اے آنی سر ءَ زوت پیسلہ کنگ بیت۔ آئی ءَ گوشت کہ ڈھانچہ اصلاحات ءِ عمل ءِ تہ ءَ نجکاری پروگرام ءِ سر ءَ ھم کار کنگ بوھگ ءَ انت۔ فرسٹ وومن بینک ءِ نجکاری سرجم بوتگ۔ پی آئی اے ءِ نجکاری ءِ عمل شفافیں رنگ ءَ کنگ بیت ۔ اپریل ءَ پی آئی اے ءِ آپریشنل کنٹرول نجی شعبہ ءَ را دیم دیگ بیت۔ زیڈ ٹی بی ایل ءِ نجکاری ءِ تہ ءَ مزنیں پیشرفت بوتگ۔ ھمے رنگ ءَ ایچ بی ایف سی ءِ معاملہ ھم دیم ءَ برگ بوھگ ءَ انت ۔ پنچ بجلی ءِ بہر ءُ بانگ ءِ کمپنی آنی نجکاری ھم اے سال ءَ ممکن اِنت۔ کل 26 ایس او آئی نجکاری کمیشن ءِ حوالہ کنگ بوتگ انت۔ مزن وزیر ءَ ہدایت کتگ کہ نجکاری ءِ عمل ءَ را شفافیت ءُ انصاف ءِ گوما دیم ءَ برگ بہ بیت، ءُ اے ہدایت آنی رد ءَ یک سلسلہ ءِ گامگیج کنگ بوھگ ءَ انت۔ ما ایوک ءَ 26 SOIs ءِ سر ءَ دلگوش نہ دئیں بلکیں کم کم ءَ سرجمیں SEO ءِ حوالہ ءَ کنیں۔