سید مصطفی کمال ءِ گشگ انت کہ ڈراپ ءِ تہا جاڑی اصلاحات ءَ چہ دواسازی ءِ صنعت ءَ را مھکم کنگ بیت، سرمایہ کارانی اعتماد ءِ بحالی ءِ سبب جوڑ بیت

اسلام آباد۔16فروری  (اے پی پی): راجی جان سلامتی ءِ وفاقی وزیر سید  مصطفیٰ کمال ءَ گوشت کہ ڈریپ ءِ تہ ءَ برجاھیں اصلاحات ءَ چہ دوائی آنی صنعت ءَ را مھکم کنگ ءُ سرمایہ کار آنی دلبڈی بحالی بیت، دوائی آنی برآمد آنی تہ ءَ گیشی ءِ واستہ موثر گامگیج کنگ بوھگ ءَ انت وھدیکہ میڈیکل ڈیوائسز ءِ نظام ءَ را ڈیجیٹل کنگ بیت۔ آئی ءَ اے ھیالانی درشانی ایبٹ لیبارٹریز پاکستان ءِ منیجنگ ڈائریکٹر ءُ فارما بیورو ءِ چیئرمین ءِ گوما گند ءُ نند ءِ ساھت ءَ کت، ایشی ءِ تہ ءَ جان سلامتی ءِ شوبگ ءَ برجاھیں اصلاحات، دوائی آنی دستیابی ءُ ریگولیٹری جیڈھ آنی سر ءَ سرجمیں رنگ ءَ ھیال ءُ لیکہ آنی مٹ ءُ بدلی کنگ بوت۔ گند ءُ نند ءِ ساھت ءَ چیف ایگزیکٹو آفیسر ءَ ڈرگ ریگولیٹری اتھارٹی آف پاکستان ءِ نیمگ ءَ چہ کتگیں عملی گامگیج آناں ساڑات ءُ گوشت کہ اے اصلاحات دواسازی ءِ صنعت ءَ را کمک رسیت۔ وفاقی وزیر ءَ گوشت کہ اصلاحات ءِ گامگیج آنی سبب ءَ ھما کار کہ گوستگیں سال آنی تہ ءَ بوتگ ات نوں 20 روچ آنی تہ ءَ سرجم بوھگ ءَ انت۔ آئی ءَ اے گپ ءِ سر ءَ زور پر دات کہ دوا سازی ءِ صنعت ءَ بے دروریں گنجائش است انت ءُ حکومت اے شوبگ ءِ دیمروئی ءِ واستہ ھمک رنگ ءِ کمک ءَ کنت۔