پاکستان ءَ میراث سفارتکاری ءِ بھر ءِ رد ءَ کرغز کلچرل ڈے ءِ روچ ءِ میزبانی کنگ بیت

اسلام آباد۔15فروری  (اے پی پی):پاکستان ءَ میان اُستمانی دود ءُ ربیدگ ءِ رنگ ءُ دروشم ءِ مراگش ءِ وش آتک کنگ ءِ تیاری کنگ ءَ اِنت چیاکہ مارچ 2026 ءِ گڈی ھپتگ ءِ تہ ءَ کرغزستان ءِ دود ءُ ربیدگ ءِ روچ ءِ مراگش وفاقی دارالحکومت اسلام آباد ءَ برجم دارگ بیت۔ ورثہ ءِ یک مزنیں رنگے ءَ ، دستکاری ءِ نمائش ، روایتی ورگ ، پوشاک ، وشیں آرٹ ءُ فوٹو گرافی ، فلم ءِ پیشدارگ ، ءُ موسیقی ءُ ناچ ءِ نمائش ھوار انت۔ پاکستان کرغزستان ءِ ڈل ءِ سرجمی ءَ میزبانی کنت۔ راجی ورثہ ءُ دود ءُ ربیدگ ءِ وفاقی وزیر محمد اورنگزیب خان خیچی ءَ اے پی پی ءَ گوں ھاسیں گپ ءُ تران کنان ءَ پاکستان ءِ نوکیں دود ءُ ربیدگ ءِ سفارتکاری ءِ بابت ءَ تران کت ءُ یک جامع ایجنڈے ءِ بابت ءَ گپ ءُ تران کت کہ ایشی ءِ تہا میاں اوستمانی شریکداری، ورثہ ءِ رکھینگ ءُ ادارگی اصلاحات ھوار انت، ایشی ءَ چہ پاکستان ءَ را یک انچیں کوھنیں دود ءُ ربیدگ ءِ سر ءَ پیش دارگ بیت۔ کرغزستان ءِ مراگش ءَ ابید پاکستان نوروز ءِ مراگشانی میزبانی ءِ ھم تیاری ءَ اِنت ءُ ھما ملکاں دعوت نامہ دیم دیگ بوھگ ءَ اِنت کہ آھانی گوں پاکستان ءَ سفارتی سیادی ھست ایشانی تہ ءَ کرغزستان ھم ھوار اِنت۔ اے مراگش دود ءُ ربیدگ ءِ سیادی ءِ یک پراھ ءُ شاھگانیں رھبند ءِ درشان اَنت کہ پاکستان ءِ پرامنیں پجار ءِ پدر کنگ ءُ راج ءِ نیام ءَ سیادی ءِ دیمروئی ءِ ھاترا المی زانگ بیت۔ وفاقی وزیر ءَ یک ھاسیں سنگ ءِ ذکر کنان ءَ گوشت کہ مزن وزیر ءِ پنت ءُ شون ءِ رد ءَ ملک ءَ زوت راجی دود ءُ ربیدگی پالیشی ءِ بندات کنگ بیت۔ اے پالیسی کہ گوں درستیں صوبہاں شور ءُ سلاہ ءَ تیار کنگ بوتگ، ایشی ءِ مول ءُ مراد پاکستان ءِ دود ءُ ربیدگی پجار ءِ رکھینگ ءُ ازمکار ءُ نبشتہ کاراں بااختیار کنگ اِنت۔ آئی ءَ گوشت کہ اے راجی مشن اِنت ایشی ءِ مول ءُ مراد پاکستان ءِ پرامن ءُ کوھنیں دود ءُ ربیدگی پجار ءَ را دگنیا ءِ دیم ءَ پدر کنگ اِنت۔ راجی دود ءُ ربیدگی پالیشی ءِ بندات ءَ گوں پاکستان دود ءُ ربیدگ ءِ سفارتکاری، میراث ءِ رکھینگ ءُ نرمیں پجار ءِ دیمروئی ءِ نوکیں دور ءِ بندات ءَ کنت۔ پاکستان ءِ دود ءُ ربیدگی عزائم ءِ دائرہ کار آئی ءِ دیمروئی کنوکیں میاں اوستمانی شریکداری نیٹ ورک ءَ چہ پدر اِنت۔ وزارت ءِ منصوبہ انت کہ دود ءُ ربیدگ ءِ معاہدہ آنی کساس ءَ را انوگیں تقریباً 86 ملک آنی تہ ءَ چہ زوت 125 ءَ سر کنگ بہ بیت کہ ایشی ءَ چہ فنکارانہ ءُ تعلیمی تبادلہ ءِ یک مزنیں نیٹ ورک ءِ جوڑ کنگ بیت۔ پاکستان ءِ اولی ڈگری گرانٹنگ انسٹی ٹیوٹ برائے فائن آرٹس سال ءِ گڈ ءَ جوڑ کنگ بیت وھدیکہ لوک ورسا ءَ آرٹ کلاس پیسر ءَ چہ بندات کنگ بوتگ انت۔ ایشی ءِ ہمراہی ءَ نیشنل لائبریری، پاکستان اکیڈمی آف لیٹر ءُ نیشنل انسٹی ٹیوٹ فار پروموشن آف نیشنل لینگویج ءَ ڈیجیٹلائزیشن ءِ گامگیج برجاہ انت تانکہ پاکستان ءِ لبزانکی ءُ زبانی سرمایہ ءِ رکھینگ ءُ آیوکیں نسلانی دست ءَ بہ بیت۔ آئی ءَ گوشت کہ پاکستان ءِ آثار قدیمہ ءِ ورثہ ءَ را دگنیا ءَ را آشنا کنگ ءِ واستہ دستاویزی فلم ھم جوڑ کنگ بوھگ ءَ انت ایشی ءَ چہ پاکستان ءِ دود ءُ ربیدگ ءِ اثاثہ آنی وسعت ءَ را پدر کنگ بیت، کوھنیں جاھاں چہ ملک ءِ جتا جتائیں دود ءُ ربیدگی دود ءُ ربیدگ آناں دیم ءَ آرگ بیت۔ وفاقی وزیر ءَ گوشت کہ پاکستان وتی میاں اوستمانی حکمت عملی ءِ تہ ءَ دود ءُ ربیدگ ءَ را مرکزیت دیگ ءَ انت۔ آئی ءَ گوشت کہ انوگیں دود ءُ ربیدگی سوبمندی یکجائی ورثہ ءِ وسیلگ ءَ چہ میاں اوستمانی سیادی ءَ را گیش مھکم کنگ ءِ پاکستان ءِ جزم ءِ درشان انت۔ آئی ءَ مزن وزیر ءِ ورنا پروگرام ءِ چیر دستی ءَ اسلام آباد ءَ برجم داشتگیں پاک ترک دوستی ءِ ہفتگ ءِ ھم ذکر کت کہ ایشی ءِ تہ ءَ یونس ایمری انسٹی ٹیوٹ ءُ پاکستان نیشنل کونسل آف آرٹس ءِ کمک ءَ پاکستان ءُ ترکی ءِ نیام ءَ دود ءُ ربیدگی موسیقی ءُ دود ءُ ربیدگی کارکردگی ءِ وسیلگ ءَ گہتریں دوستی، یکجائی ورثہ ءُ مھکمیں دو نیمگی سیادی ءِ سر ءَ چمشانک دیگ بوتگ۔ ہفتہ ءِ دراجیں مراگش اے گپ ءِ ثبوت ات کہ دود ءُ ربیدگ ءِ تبادلہ سفارتی سیادی ءَ را مھکم کنت ءُ مردم ءِ نیام ءَ سیادی ءَ را برجاہ دار ایت۔ پاکستان ءِ نوکیں دود ءُ ربیدگ ءِ کوشست آنی تہ ءَ مستریں سوبمندی دسمبر 2025 ءَ بوتگ کہ یونیسکو ءَ سرکاری رنگ ءَ ”بورینڈو“ وتی لسٹ ءِ تہ ءَ ھوار کتگ کہ ایشی ءِ تہ ءَ زوتیں رکھینگ ءِ ضلورت اِنت۔ اے سوبمندی کہ راجی ورثہ ءُ دود ءُ ربیدگ ءِ بہر ءِ کوشست آنی وسیلگ ءَ رستگ، پاکستان ءِ کوھنیں موسیقی ءِ دود ءُ ربیدگ آنی واستہ فخر ءِ وسیلہ ءُ سنگ میل اِنت۔ سندھ سرکار ءِ نیمگ ءَ نامینتگ ءُ لوک ورسا ءِ کمک ءَ پیش کنگ بوتگیں بورینڈو یک کسانیں ءُ گولیں مٹی ءِ سازے کہ ایشی ءِ عمر نزیک ءَ پنچ ہزار سال اِنت ءُ سندھ وادی ءِ تہذیب ءَ گوں ہمگرنچ اِنت۔ نرم ءُ وشیں توار ءِ چہ سداں سالاں میتگ ءِ دود ءُ ربیدگ ءُ  برجم دارگ بوھگ ءَ اَنت۔