وت ھیل کاریئ  زانت ءُ زانش  آؤکیں وھد ءِ بنیاتی لوٹ جوڑ بوتگ، ایشی ءِ تہ ءَ مہارت ءِ ھست نہ بوھگ ءَ دیمروئی ممکن نہ اِنت، اسپیشل اسسٹنٹ ھارون اختر خان

لاہور۔15فروری  (اے پی پی):صنعت ءُ پیداوار ءِ بابت ءَ مزن وزیر ءِ ھاسیں کمکار ہارون اختر خان ءَ گوشت کہ مزن وزیر محمد شہباز شریف ءِ وژن اِنت کہ آ پاکستان ءِ ورنا آناں نوکیں ٹیکنالوجی ھاسیں رنگ ءَ آرٹیفیشل انٹیلی جنس ءِ تہ ءَ مہارت پجاری بہ کنت تانکہ آ جھان ءِ مقابلہ ءِ واستہ تیار بہ بنت۔ مصنوعی ذہانت آؤکیں وھد ءِ بنیاتی لوٹ جوڑ بوتگ ءُ ایشی ءِ تہا مہارت ءِ ہست نہ بوہگ ءَ دیمروئی ممکن نہ انت۔ آ یک شمبے ءِ روچ ءَ پاکستان صنعتی ءُ ٹیکنیکل اسسٹنس سینٹر لاہور ءَ نوکیں آرٹیفیشل انٹیلی جنس سینٹر ءِ بنگیج ءِ مراگش ءَ گوں گشتانک دیگ ءَ ات۔ اے موہ ءِ سر ءَ الیکٹرک گاڑی ءِ آسراتی ءُ پوڈ کاسٹ سینٹر ءِ ھم باقاعدہ بندات کنگ بوت کہ ایشی ءِ مول ءُ مراد ورنا آناں نوکیں تکنیکی مہارت آنی گوما لیس کنگ اِنت۔ ہارون اختر خان ءَ گوشت کہ مزن وزیر محمد شہباز شریف ءِ وژن ایش انت کہ پاکستان ءِ ورنا آناں نوکیں ٹیکنالوجی ھاسیں رنگ ءَ آرٹیفیشل انٹیلی جنس ءِ تہ ءَ مہارت پجارینگ بہ بیت تانکہ آ جھان ءِ مقابلہ ءِ واستہ تیار بہ بنت۔ ہارون اختر خان ءَ گوشت کہ دگنیا ءَ گوں تیزی ءَ ڈیجیٹل ءُ ٹیکنالوجی ءِ دور ءَ داخل بوتگ پمیشکا پاکستان ءَ ھم ھمے رفتار ءَ وتی نوکیں باھند ءَ را تیار کنگی انت۔ آئی ءَ گوشت کہ مزن وزیر ءِ پنت ءُ شون ءِ پد ءَ پیٹاک ءَ نوکیں تربیتی آسراتی جوڑ کنگ بوتگ تانکہ ورنا عملی ہنر ءِ حاصل کنگ ءَ چہ روزگار ءِ موہ پیداک بہ بنت۔ آئی ءَ گیش گوشت کہ پاکستان ءِ راستیں مھکم ورنا اَنت ءُ اے ورنا نوآبادیاتی، اسٹارٹ اپس ءُ نوکیں کاروباری موہ آنی وسیلگ ءَ ملک ءِ معیشت ءَ را دیم ءَ برت کن اَنت۔ آئی ءَ جار جتگ کہ آرٹیفیشل انٹیلی جنس سینٹر ءَ جھان ءِ تک ءِ تربیت ءِ واستہ درملک ءَ چہ کوالیفائیڈ ٹرینر آناں ھم دعوت دیگ بیت۔ ہارون اختر خان ءَ پیٹاک ءِ کارکردگی ءِ توسیپ کت ءُ گوشت کہ اے ادارگ نوکیں تکنیکی مہارت آناں دیمروئی دیگ ءِ واستہ ھاسیں کرد پیلو کنگ ءَ انت ءُ حکومت ایشی ءَ را میاں اوستمانی تک ءَ سر کنگ ءِ واستہ جزمیگ انت۔ آئی ءَ اے آئی سینٹر، الیکٹرک گاڑی بائیک سہولت، ءُ پوڈ کاسٹ سینٹر ءِ بنگیج ءِ سر ءَ انتظامیہ ءُ کارندہ آناں مبارکی دات ءُ آھانی واستہ وتی نیکیں واھگ آنی درشان کت۔