چیئرمین واپڈا ءَ ڈائیمر بھاشا ڈیم ءُ داسو ہائیڈرو پاور منصوبہ ءِ تر ءُ تاب کتگ، منصوبہ آنی سر ءَ جوڑیشت ءِ پیشرفت ءِ چار ءُ تپاسی

اسلام آباد۔15فروری  (اے پی پی):واپڈا ءِ چیئرمین لیفٹیننٹ جنرل (ریٹائرڈ) محمد سعید ءَ زیر تعمیر دیمر بھاشا ڈیم ءُ داسو ہائیڈرو پاور پروجیکٹ ءِ تر ءُ تاب کتگ ءُ دوئیں منصوبگ آنی سر ءَ جوڑیشت ءِ پیشرفت ءِ چار ءُ تپاسی کتگ۔ منصوبگ ءِ حکام ءِ بریفنگ ءِ ساھت ءَ آئی ءَ را گوشگ بوت کہ دوئیں منصوبگ آنی مستریں ڈیم آنی سر ءَ رولر کمپیکٹڈ کنکریٹ (آر سی سی) ءِ کار ھمے سال ءَ بندات بیت۔ تر ءُ تاب ءِ ساھت ءَ چیئرمین واپڈا ءَ دوئیں منصوبگ آنی جنرل مینیجرز، کنسلٹنٹس ءُ ٹھیکیدار آناں ہدایت کت کہ آ جوڑ کتگیں تعمیراتی منصوبگ ءِ سر ءَ عمل کنگ ءَ را دل یکیمی کنگ ءَ کار ءَ را ترند بہ کن اَنت تانکہ اے منصوبگ پاکستان ءِ آپ، وردن ءُ توان ءِ سلامتی ءِ واستہ سک باز المی اَنت ءُ شیڈول ءِ رد ءَ سرجم کنگ بہ بنت۔ اولی بھر ءَ چیئرمین ءَ چیلاس شہر ءَ چہ 40کلومیٹر ءِ جہل ءَ دریائے سندھ ءِ سر ءَ جوڑ کنگ بوھگ ءَ اِنت ، ڈائیمر بھاشا ڈیم منصوبگ ءِ سرجمیں تر ءُ تاب کت۔ آئی ءَ کلیدی منصوبگ ءِ جاھ آنی سر ءَ جوڑیشت ءِ کار آنی سر ءَ چار ءُ تپاسی کت، ایشی ءِ تہ ءَ بجلی ءِ زورگ، ڈیم ءِ بُن ھشت، مین ڈیم ءِ جوڑیشت ءِ واستہ کشگ بوتگیں چپیں کش، ڈاؤن اسٹریم کوفر ڈیم، فلشنگ ٹنل، گائیڈ وال، آر سی سی بیچنگ پلانٹ ءُ لیبارٹری ھوار اَنت۔ جنرل منیجر ءَ مشیر ءُ ٹھیکیدار آنی گوما چیئرمین ءَ را درستیں سائٹ آنی سر ءَ ٹارگٹ ءُ پیشرفت ءِ بابت ءَ سرپدی دات۔ آئی ءَ را گوشگ بوت کہ اے وھد ءَ منصوبگ ءِ 20 جاگہ ​​آنی سر ءَ جوڑیشت ءِ کار برجاہ انت۔ ڈیم ءِ بُن ھشت ءُ چپیں کش ءِ کشگ ءِ کار نزیک ءَ سرجم اِنت۔ مین ڈیم ءِ ھاتر ءَ آر سی سی ءِ آزمائش ھم سوبمندیں رنگ ءَ سرجم کنگ بوتگ اَنت۔ دائیں کش ءِ کھنائی ءِ سرجم بوھگ ءَ پد اے سال ءَ مین ڈیم ءِ آر سی سی ءِ کار بندات بنت۔ ڈیم ءِ 2030 ءَ سرجم بوھگ ءِ گمان اِنت۔چیئرمین واپڈا ءَ اے تر ءُ تاب ءِ ساھت ءَ دمگی زانتکاراں گوں ھم گند ءُ نند کتگ۔ گند ءُ نند ءَ دمگی الس آنی دیمروئی ءِ واستہ اعتماد سازی ءِ گامگیج آنی سر ءَ پیشرفت ءِ سر ءَ ھیال ریچی کنگ بوت۔ بریفنگ ءِ تہ ءَ گوشگ بوت کہ واپڈا پروجیکٹ ءِ دمگ ءَ الس ءِ چاگردی ءُ اقتصادی دیمروئی ءِ واستہ مزنیں کساسے ءَ ھرچ ءُ درچ کنگ ءَ انت ۔ کیڈٹ کالج چیلاس ءِ کار سرجم بوتگ۔ ہرپان داس ماڈل ویلیج ءِ سر ءَ پیشرفت 61درسد ءِ کساس ءَ اِنت وھدیکہ پلاٹ آنی پچ کنگ ءِ ھوار سڑک آنی جوڑیشت، آپ ءِ رسگ ءُ گٹر ءِ نظام ءِ سر ءَ گیشیں کار ھم جاری اِنت۔ ایشی ءَ ابید چیلاس ٹاؤن ءَ آپ ءِ سپلائی ءِ اسکیم ءِ ھاتر ءَ ھم کنٹریکٹ دیگ بوتگ وھدے کہ بالائی کوہستان ءِ شتیال تحصیل ءَ میتگ ءِ جان سلامتی ءِ مرکز ءِ جوڑیشت ءِ کار بنداتی پڑ ءَ اِنت۔ دیمر بھاشا ڈیم 8.1ملین ایکڑ فٹ آپ ءِ ذخیرہ کنت، ایشی ءِ سبب ءَ سرجمیں ملک ءَ 1.2ملین ایکڑ ءِ گیشیں زمین ءِ کاشت ءِ چیر دستی ءَ کیت۔ 4.5 ہزار میگاواٹ ءِ پیداواری گنجائش ءِ گوما ڈائیمر بھاشا ڈیم ءَ چہ ہر سال راجی گرڈ ءَ را 18ارب یونٹ کم ھرچ ءُ چاگرد دوستیں بجلی ءِ پجارینگ بیت۔ تر ءُ تاب ءِ دومی بھر ءَ چیئرمین واپڈا ءَ داسو ہائیڈرو پاور پروجیکٹ ءِ تر ءُ تاب کت کہ خیبر پختونخوا ءِ بالائی کوہستان ضلع ءَ دریائے سندھ ءِ سر ءَ جوڑ کنگ بوھگ ءَ انت۔ آئی ءَ منصوبگ ءِ درستیں ھاسیں جاھ آنی سر ءَ ڈیم ءِ بُن ھشت، زیر زمین پاور ھاوس ءُ زیر زمین ٹرانسفارمر ہال ءِ سر ءَ سرجمیں تر ءُ تاب کتگ۔ جنرل منیجر ءَ چیئرمین ءَ را پیشرفت ءِ بابت ءَ سرپدی دات کہ منصوبگ ءِ 23سائٹ آنی سر ءَ یکیں وھد ءَ جوڑیشت ءِ کار برجاہ اِنت۔ کرشنگ ءُ بیچنگ پلانٹ سرجم بوتگ انت۔ مین ڈیم ءِ ھاتر ءَ آر سی سی ءِ کار اے سال ءَ بندات بیت۔ مین ڈیم ءِ جوڑیشت ءِ وھد ءَ مھکمیں بجلی ءِ رسگ ءِ واستہ 132کے وی ٹرانسمیشن لائن ءِ ٹیسٹنگ ءُ کمیشننگ ءِ گڈی پڑ ءَ اِنت ءُ لھتیں روچ ءَ پد کارمرد کنگ بیت۔ داسو ہائیڈرو پاور پروجیکٹ ءَ چہ بجلی ءِ پیداکی 2028 ءَ چہ بندات بیت۔چیئرمین ءَ را گوشگ بوت کہ سی پیک ءِ معیار ءِ رد ءَ نوک جوڑ بوتگیں 20.5کلومیٹر دراجیں قراقرم ہائی وے ھم اے سال ءَ سرجم کنگ بیت۔ چیئرمین ءَ را دمگی الس آناں چاگردی ءُ اقتصادی رنگ ءَ بااختیار جوڑ کنگ ءِ واستہ واپڈا ءِ نیمگ ءَ چست کتگیں اعتماد سازی ءِ گامگیج آنی بابت ءَ ھم سرپد کنگ بوت۔ آئی ءَ را گوشگ بوت کہ لوکل رورل ایریا ڈویلپمنٹ پروگرام ءِ چیر دستی ءَ تاں انوگ ءَ انفراسٹرکچر، راجمانی جان سلامتی ءُ وانگ ءُ زانگ ءِ 31 دیمروئی منصوبگ سرجم کنگ بوتگ اَنت وھدیکہ رند ءِ منصوبگ آنی سر ءَ کار برجاہ اِنت۔ چیئرمین ءَ داسو ہائیڈرو پاور پروجیکٹ ءِ واستہ 132کلوویو گرڈ اسٹیشن ءِ ہم بنگیج کت۔ 4320میگاواٹ ءِ پیداواری گنجائش ءِ گوما داسو ہائیڈرو پاور پروجیکٹ دو بھر ءَ سرجم کنگ بیت۔ اے وھد ءَ واپڈا 2160 میگاواٹ ءِ سر ءَ ھواریں منصوبگ ءِ اولی بھر ءِ جوڑیشت ءَ کنگ ءَ اِنت کہ ایشی ءِ سرجمی ءَ پد نیشنل گرڈ ءَ را سالانہ 12ارب یونٹ سستی ءُ چاگرد دوستیں بجلی ءِ پجارینگ بیت۔