مزن وزیر شہباز شریف آسٹریا ءِ تر ءُ تاب ءِ وھد ءَ آسٹریا ءِ ھمکار ءِ گوما دو نیمگی گپ ءُ تران کنت، درئی کارانی کارگس

اسلام آباد۔15فروری  (اے پی پی):مزن وزیر محمد شہباز شریف آسٹریا ءِ چانسلر کرسچن اسٹاکر ءِ دعوت ءِ رد ءَ 15 ءَ بگر داں 16 فروری 2026 ءَ آسٹریا ءِ شہر ویانا ءِ سرکاری تر ءُ تاب ءَ انت۔ آئی ءِ اے تر ءُ تاب دوئیں ملک آنی نیام ءَ سفارتی سیادی ءِ برجائی ءِ 70 سال ءِ درگت ءَ انت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ مزن وزیر ءِ ھمراھی ءَ مزن تک ءِ ڈل ءِ تہ ءَ نائب مزن وزیر ءُ دری کارانی وزیر سینیٹر محمد اسحاق ڈار، وزیر ءِ اھوالکاری عطا اللہ تارڑ، مزن وزیر ءِ ھاسیں کمکار سید طارق سمبادور امباریچ افتیمی ءُ دری کارانی ھوار انت۔ تر ءُ تاب ءِ ساھت ءَ مزن وزیر آسٹریا ءِ ھمکار ءِ گوما دو نیمگی گپ ءُ تران کنت ایشی ءِ تہ ءَ دوئیں رہشون پاک آسٹریا ءِ سیادی ءِ توامیں تک ءُ پھنات آنی سرجمیں رنگ ءَ چار ءُ تپاسی کن اَنت۔ مزن وزیر پاکستان ءُ آسٹریا بزنس فورم ءِ ھم سروکی ءَ کنت کہ آسٹریا ءِ اقتصادی چیمبر ءِ نیمگ ءَ برجم دارگ بوھگ ءَ انت۔ آئی ءَ ویانا ءَ بنجاہی کثیر جہتی تنظیم آنی تر ءُ تاب ھم کنت۔ پاکستان ءُ آسٹریا ءِ نیام ءَ دلپھکی ءُ دوستی ءِ سیادی است انت کہ ایشی ءِ بنیات گپ ءُ تران، کمک، اقوام متحدہ ءِ منشور ءِ اصولانی سر ءَ یک جھان ءِ رھبند، کثیر جہتی ءُ میاں اوستمانی کانود ءِ احترام ءِ وڑیں یکجائی قدر ءُ قیمت آنی سر ءَ انت۔ مزن وزیر شہباز شریف ءِ ویانا ءِ تر ءُ تاب سئے دہائی ءَ چہ گیش ءِ تہا پاکستانی مزن وزیر ءِ اولی تر ءُ تاب اِنت، ایشی ءَ چہ پیسر آسٹریا ءِ تر ءُ تاب ہما وہد ءِ مزن وزیر نواز شریف ءَ 1992 ءَ کتگ۔