مزن وزیر شہباز شریف آسٹریا ءِ دو روچی سرکاری تر ءُ تاب ءَ روادگ

لاہور ۔15فروری  (اے پی پی):مزن وزیر محمد شہباز شریف آسٹریا ءِ چانسلر کرسچن اسٹاکر ءِ دعوت ءِ سرا دو روچی سرکاری تر ءُ تاب ءَ آسٹریا ءِ شہر ویانا ءَ شتگ۔ مزن وزیر ءِ ھمراھی ءَ پاکستانی ڈل ءِ تہ ءَ نائب مزن وزیر ءُ درئی کارانی وزیر سینیٹر محمد اسحاق ڈار، وفاقی وزیر ءِ ھال ءُ اھوال عطا اللہ تارڑ ءُ ھاسیں کمکار طارق فاطمی ھوار اَنت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ویانا ءِ فیڈرل چانسلری ءَ کرسچن اسٹاکر ءَ گوں دو نیمگی ءُ ڈل ءِ تک ءَ گند ءُ نند کنت۔ مزن وزیر ءُ آسٹریا ءِ چانسلر دوئیں ملک آنی نیام ءَ سرمایہ کاری ءَ را گیش کنگ ءِ واستہ نامداریں کاروباری مردم آنی دیوان ءِ یکجاھیں سروکی ءَ کن اَنت۔ ایشی ءَ چہ پد مزن وزیر پاکستان آسٹریا بزنس فورم ءَ بہر زوریت ءُ گشتانک دنت۔ مزن وزیر اقوام متحدہ ءِ چیردستی ءَ ویانا ءَ برجم داشتگیں ’’پائیدار دیمروئی، جھان ءِ امن ءُ وشھالی ءِ راہ‘‘ ءِ بنگپ ءِ سر ءَ ھاسیں مراگش ءَ ھم بھر زوری ءُ گشتانک دنت۔ ایشی ءَ ابید آئی ءَ میاں اوستمانی ایٹمی توانائی ءِ ادارگ ءِ ڈائریکٹر جنرل ءَ گوں ھم گند ءُ نند کنت۔ بیان ءِ رد ءَ مزن وزیر ءِ آسٹریا ءِ سرکاری تر ءُ تاب ءَ چہ دوئیں ملک آنی نیام ءَ دو نیمگی سیادی آنی تہ ءَ نوکیں رنگ ءُ دروشم ھوار بنت۔