صدر ءِ مملکت آصف علی زرداری ءَ خیر پور ءَ ٹریفک ءِ وئیل ءِ سرا دلپدردی ءِ درشانی کتگ، ٹپیگاں جوانیں دوا ءُ درمان ءِ آسراتی پجارینگ ءِ پنت ءُ شون کتگ

اسلام آباد۔15فروری  (اے پی پی):صدر ءِ مملکت آصف علی زرداری ءَ سندھ ءِ شہر خیر پور ءَ راجی شاہراہ ءِ سر ءَ بوتگیں ٹریفک ءِ حادثہ ءِ سر ءَ دلپدردی ءُ رنج ءِ درشانی کتگ ءُ بیران بوتگیں مردم آنی بُرزی ءُ غم ءِ آماچیں کھول آنی واستہ صبر ءُ اوپار ءِ دعا کتگ۔ یک شمبے ءِ روچ ءَ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ اے درگت ءَ سندھ ءِ سر وزیر سید مراد علی شاہ ءَ گوں ٹیلی فون ءِ وسیلگ ءَ رابطہ کتگ ءُ ٹپیگ آناں جوانیں دوا ءُ درمان ءِ آسراتی پجاری کنگ ءِ پنت ءُ شون داتگ۔ صدر ءِ مملکت ءَ گوشت کہ اے رنگیں بدبھتیں واکیہ آنی گر ءُ دار ءِ واستہ جوانیں گامگیج آناں دل یکیمی کنگ ءِ واستہ ھمک رنگ ءِ کوشست کنگ بہ بیت۔ صدر ءِ مملکت ءَ گوشت کہ راجی شاہراہ آنی سر ءَ ٹریفک ءِ رھبند آنی سر ءَ سکیں زور ءَ عمل کنگ ءُ ایمنی ءِ بندوبست آنی تہ ءَ گہتری ءِ واستہ صوبائی ءُ وفاقی تک ءَ یک ھمگرنچیں حکمت عملی جوڑ کنگ بہ بیت تانکہ الس آنی جند ءُ مال دل یکیمی کنگ بہ بیت۔