سیکرٹری دفاع لیفٹیننٹ جنرل (آر) محمد علی ءَ میاں اوستمانی بالی پٹ ءَ نوک جوڑ بوتگیں مین رن وے 07L/25R ءِ بنگیج کتگ

کراچی ۔14فروری  (اے پی پی):سیکرٹری دفاع لیفٹیننٹ جنرل محمد علی ءَ جناح ءِ میاں اوستمانی بالی پٹ ءَ نوک جوڑ بوتگیں رن وے 07L/25R ءِ باقاعدہ بنگیج کت۔ مراگش ءِ تہ ءَ ایڈیشنل سیکرٹری دفاع میجر جنرل قیصر سلیمان ءَ ھم بھر زوری کت۔ شمبے ءِ روچ ءَ پاکستان بالی پٹ اتھارٹی ءِ نیمگ ءَ جاڑی بوتگیں بیان ءِ رد ءَ پاکستان بالی پٹ اتھارٹی ءِ ڈائریکٹر جنرل ایئر وائس مارشل ذیشان سعید، ڈائریکٹر جنرل پاکستان سول ایوی ایشن اتھارٹی نادر شفیع در، ڈپٹی ڈی جی (ورکس اینڈ ڈویلپمنٹ) سمیر سعید، پروجیکٹ ڈائریکٹر ایئر پلان اول ظاشہ عدنان خان ءُ اے دگہ مزنیں اگدہ دار ھم ساڑی بوتگ انت۔ اے رن وے کوڈ 4F اے 380 ءِ بالی گراب آنی واستہ سرجمی ءَ تیار اِنت ءُ اے رن وے ءِ سرجمی ءَ 18 ماہ ءِ تہ ءَ ھچ وڑیں تاخیر، گیشیں ھرچ ءُ درچ، دعویٰ یا حادثہ ءِ ھست نہ بوتگ چوش کہ میاں اوستمانی سول ایوی ایشن آرگنائزیشن ءِ ضمیمہ 14 ءِ رد ءَ بوتگ۔ اے موہ ءِ سر ءَ وزیر دفاع ءَ تران کنان ءَ گوشت کہ اے منصوبگ پاکستان ءِ پیشہ وارانہ ، ڈسپلن ءُ جھان ءِ معیار ءِ رد ءَ انفراسٹرکچر ءِ پھجاری ءِ یک چمکداریں مثال اِنت۔ آئی ءَ پاکستان بالی پٹ اتھارٹی ءِ سروکی، انجینئر، ماہرین ءُ توامیں سیادی داروکیں ٹیم آنی کوشست آناں ساڑات ءُ گوشت کہ جہانی درجہ ءِ منصوبگ ءِ ایر کتگیں وھد ءُ ھرچ ءُ درچ ءِ تہ ءَ سرجم کنگ راجی شان ءِ گپ اِنت۔ مراگش ءِ ساھت ءَ سیکرٹری دفاع ءُ ایڈیشنل سیکرٹری ڈیفنس ءَ را یادگاری شیلڈ پیش کنگ بوت۔ سیکرٹری دفاع ءَ ڈی جی پاکستان ایئرپورٹس اتھارٹی، ڈی جی سی اے اے نادر شفیع در، ڈپٹی ڈی جی (کار ءُ دیمروئی)، پروجیکٹ ڈائریکٹر ءُ ڈائریکٹر پلاننگ اینڈ ڈویلپمنٹ ءَ را وتی مثالی ازمت آنی ستا ءَ ھاسیں اعزازی سپر دات۔ مراگش ءِ گڈسرا سوبمندیں سرجمی ءِ وش آتک کنگ ءِ ھاترا کیک ھم کٹگ بوت۔