صدر آصف علی زرداری ءَ پاکستانی راج ءِ نیمگ ءَ چین ءِ راج ءَ را بہار ءِ میلہ ءِ سلام ءُ نیکیں واھگ درشان کتگ اَنت

اسلام آباد۔14فروری  (اے پی پی):صدر ءِ مملکت آصف علی زرداری ءَ آیوکیں چینی نوکیں سال ءِ دیم ءَ پاکستانی الس ءِ نیمگ ءَ چینی الس ءَ را بہار ءِ میلہ ءِ مبارک بات ءُ نیکیں واھشت گوشت اَنت۔ صدارتی محل ءَ چینی رسانکدر ءَ را داتگیں انوگیں انٹرویو ءِ وھد ءَ آئی ءَ ”نوکیں سال مبارک بات!“ ءِ پیغام سر کتگ۔ چینی زبان ءَ۔ صدر ءِ مملکت ءَ اے امیت سہرا کت کہ دوئیں ملک جتاجتائیں پڑ آنی تہ ءَ کمک ءَ را گیش مھکم کن اَنت ءُ پاک چین ءِ دوستی نسل نسل ءَ دیم ءَ برگ بیت۔ آئی ئَ گوشت کہ پاکستان ئُُ چین ئِ نیام ئَ مردم آنی نیام ئَ مردم آنی رابطہ ئُُ ثقافتی تبادلہ ئِ دیمروئی ئِ واستہ مزنیں گنجائش است انت۔ آئی ءَ امیت سہرا کت کہ آیوکیں وھد ءَ چین ءَ گیش ءَ چہ گیش پاکستانی فلم ریلیز کنگ بنت ءُ پاکستانی ءُ چینی ازمکار آنی یکجائی کوشست ءَ چہ جوڑ بوتگیں کوالٹی کریشن دوئیں ملک آنی ناظرین ءِ دیم ءَ ایر کنگ بنت۔ صدر ءِ مملکت ءَ اے گپ ءِ سر ءَ ھم زور پر دات کہ ورنا پاک چین ءِ دو نیمگی سیادی آنی آیوکیں وھد اَنت، ءُ دوئیں ملک آنی نیام ءَ نودربر آنی تبادلہ ءِ پروگرام آنی تہ ءَ گیشی ءِ سر ءَ وشی ءِ درشان کت۔