پی سی بی ءِ چیئرمین محسن نقوی پاکستان ءُ ہندوستان ءِ ٹی ٹوئنٹی ورلڈ کپ ءِ میچ ءِ چارگ ءِ ھاترا سری لنکا ءَ روگ ءَ انت

لاہور۔14فروری  (اے پی پی):پاکستان کرکٹ بورڈ ءِ چیئرمین محسن نقوی ٹی ٹوئنٹی ورلڈ کپ ءِ مزنیں پاکستان ءُ بھارت ءِ میان ءَ میچ ءِ چارگ ءِ واستہ سری لنکا ءَ شتگ۔ پی سی بی ءِ بیان ءِ رد ءَ آ کولمبو ءَ راجی ٹیم ءِ کھڈکاراں گوں گند ءُ نند کنت ءُ جتا جتائیں کرکٹ بورڈ آنی سروک آنی گوما ھم ھاسیں گند ءُ نند کنت۔ ھال شنگ اِنت کہ بنگلہ دیش کرکٹ بورڈ ءِ صدر امین اسلام ءُ ایشیائی کرکٹ کونسل ءِ دگہ باسک ھم کولمبو ءَ سر بوھگ ءِ گمان اِنت۔ اے ھاسیں موہ ءِ سر ءَ انٹرنیشنل کرکٹ کونسل ءِ مزنیں کارندہ آنی ھم بھر زوری ءِ درشان کنگ بوھگ ءَ اِنت ایشی ءَ چہ میچ ءِ ارزشت ءَ را گیش گیش کتگ۔ زانگ بہ بیت پاکستان ءُ انڈیا ءِ ٹیم باندا (یک شمبے 15 فروری) پاکستانی وھد ءُ پاس ءِ وھد ءَ شپ ءِ 7 بج ءَ دیم پہ دیم بنت۔ روایتی حریفانی نیام ءَ اے میچ ءَ را ایونٹ ءِ مستریں جنگ لیکگ بوھگ ءَ اِنت کہ ایشی ءِ سر ءَ کرکٹ ءِ شائقین وتی چماں شانک داتگ اَنت۔ دومی نیمگ ءَ سری لنکا ءِ موسمیات ءِ محکمہ ءَ کولمبو ءَ آیوکیں دو سئے روچ ءَ ہلکی ءَ چہ گیش ھور ءِ پیش گوئی کتگ کہ ایشی ءِ سبب ءَ میچ ءِ وھد ءَ موسم ءِ ھاسیں کرد پیلو بوت کنت، البت انتظامیہ ءُ ٹیم ھرچ ممکنیں جاور ھال ءَ گوں دیم پہ دیم بوھگ ءِ ھاترا تیار اَنت۔