وزارت ماحولیات، اقوام متحدہ ءِ رہائش گاہ ءِ نیام ءَ شہراں پائیدار اقتصادی مرکز جوڑ کنگ ءِ ھاتر ءَ گامگیج آنی سر ءَ گپ ءُ تران

اسلام آباد۔14فروری  (اے پی پی):موسمیاتی بدلی ءُ چاگردی تابکاری ءِ وزارت ءُ اقوام متحدہ ءِ ہیبی ٹیٹ ءِ ڈل ءَ پاکستانی شہر آناں موسمی تابکاری ءُ پائیدار اقتصادی مرکز جوڑ کنگ ءِ عملی حکمت عملی ءِ سر ءَ تران کت، ایشی ءِ تہ ءَ راجی شہری حکمت عملی ءِ سر ءَ ھاسیں دلگوشی دیگ بوت۔ اے گپ وزارت ءِ جارکش محمد سلیم شیخ ءَ شمبے ءِ روچ ءَ وتی بیان ءِ تہ ءَ گوشت کہ اے گند ءُ نند موسمیاتی بدلی ءُ چاگردی ردوم ءِ وفاقی وزیر ڈاکٹر مصدق ملک ءُ ایشیا ءُ پیسفک ءِ دمگی ڈائریکٹر کازوکو ایشیگاکی ءِ نیام ءَ بوتگ کہ آئی ءَ اقوام متحدہ ءِ ڈیلیگیشن ءِ سروکی کتگ۔ ترجمان ءِ رد ءَ دیوان ءِ مول ءُ مراد موسمیاتی رد ءَ شہری دیمروئی ءِ تہ ءَ کمک ءَ را گیش کنگ بوتگ کہ ایشی ءِ تہ ءَ پائیداریں لوگ جوڑ کنگ، زمین ءِ جوانیں منصوبگ بندی ءُ غیر رسمی آبادی آنی اپ گریڈ کنگ ھوار بوتگ۔ دوئیں نیمگاں شہر آناں سیلاب، ھشک سالی ءُ گرم ءِ لہر ءَ چہ ایمن جوڑ کنگ ءُ دراجیں مدت ءِ اقتصادی دیمروئی ءَ را دل یکیمی کنگ ءِ سر ءَ زور پر دات۔ گند ءُ نند ءِ ساھت ءَ محترمہ ایشگاکی ءَ وزیر ءَ را اقوام متحدہ ءِ رہائش گاہ ءِ 2026-2029ءِ اسٹریٹجک پلان ءِ بابت ءَ سرجمیں بریفنگ داتگ کہ ایشی ءِ تہا ہاؤسنگ، زمین ءُ بنیاتی آسراتی آنی رسائی ءَ را اولیت دیگ بوتگ ءُ موسمیاتی ردوم ءُ تابکاری ءَ را مھکمیں رنگ ءَ ھوار کنگ بوتگ۔ آئی ءَ شہری سیلاب، ھشک سالی ءِ اثر ءُ موسمیاتی ایندگر ھترہ آناں گر ءُ دار ءِ واستہ حکمت عملی جوڑ کنگ ءِ واستہ پاکستان ءِ کمک کنگ ءِ وتی عزم ءِ ھم پدر کت۔ آئی ءَ 13می جھان ءِ شہری فورم (ڈبلیو یو ایف 13) ءِ تہ ءَ پاکستان ءِ مزنیں تک ءِ بھر زوری ءِ ارزشت ءِ سر ءَ ھم زور پر دات کہ 17 ءَ چہ 22 مئی 2026 ءَ باکو ءَ برجم دارگ بیت ءُ گوشت کہ اے فورم ءَ چہ پاکستان ءَ را وتی شہری لچک ءِ گامگیج آناں میاں اوستمانی بھر زوروک ءُ ماہر آنی دیم ءَ پیش کنگ ءِ موہ رس ایت۔ وفاقی وزیر ڈاکٹر مصدق ملک ءَ شہری چیلنج آنی سر ءَ سرجمیں چمشانک پیش کنان ءَ گوشت کہ ترندیں شہری کنگ، شہری گرمی ءِ جزیرہ، ناکافی ڈرینیج ءُ سیوریج ءِ نظام، آپ ءِ آلودگی، تجاوزات، لوگ آنی کمی ءُ ریگولیٹری نفاذ ءِ تہ ءَ کمزوری ءِ مستریں جیڈھ اَنت۔ آئی ءَ گوشت کہ نا شریں شہری ڈیزائن ءُ بے ھمگرنچیں منصوبگ بندی اے جیڈھ آنی بُنکی سبب اَنت۔ وفاقی وزیر ءَ گوشت کہ پاکستان ءَ یک خاصیں ءُ کارروائی ءِ لائکیں راجی شہری حکمت عملی ءِ ضلورت اِنت، حکومت ءَ ایڈاپٹیشن فنڈ ءِ چیر دستی ءَ جاری راجی شہری حکمت عملی منصوبگ ءَ را فعال کنگ ءِ واستہ گامگیج چست کتگ۔ محمد سلیم شیخ ءَ گوشت کہ گند ءُ نند پاکستان ءِ شہر آناں موسمیاتی رد ءَ برجم داروکیں، ھواریں ءُ معاشی رد ءَ زندگ دارگ ءِ جزم ءِ درشان اِنت۔ آئی ءَ گوشت کہ دوئیں نیمگ ءَ اے گپ ءِ سر ءَ زور پر دات کہ وفاقی، صوبائی ءُ بنجاہی حکومت، دیمروئی شریک ءُ جندی شوبگ ءِ نیام ءَ مھکمیں کمک ءُ زانت ءِ مٹ ءُ بدلی ءَ چہ شہری منصوبگ بندی، ڈیجیٹل گورننس ءُ نوکیں انفراسٹرکچر ءِ دیمروئی ءَ کمک رسیت۔ گند ءُ نند ءَ وزارت ءِ سیکرٹری عائشہ حمیرا موریانی، ڈائریکٹر جنرل (ماحولیاتی مٹ ءُ  بدلیءُ  ماحولیات) آصف صاحبزادہ خان، ڈپٹی ڈائریکٹر (آرکیٹیکچر) فیاض میمن اور ڈپٹی ڈائریکٹر (میڈیا و کمیونیکیشن) محمد سلیم ءَ ھم بھر زوری کت۔