مصنوعی ذہانت سرجمیں دنیا ءَ بدل کنگ ءَ اِنت، پاکستان ھم اے ٹیکنالوجی ءِ انقلاب ءِ بھر بوھگ ءَ اِنت، وفاقی وزیر شزہ فاطمہ خواجہ

لاہور۔14فروری  (اے پی پی):انفارمیشن ٹیکنالوجی ءُ ٹیلی کام ءِ وفاقی وزیر شزہ فاطمہ خواجہ ءَ گوشت کہ آرٹیفیشل انٹیلی جنس سرجمیں دگنیا ءَ بدل کنگ ءَ اِنت، پاکستان ھم اے جھان ءِ ٹیکنالوجی ءِ انقلاب ءِ بھر جوڑ بوھگ ءَ اِنت۔ حکومت ءَ اے آئی ءِ شوبگ ءَ یک ارب ڈالر ءِ سرمایہ کاری ءِ ٹارگٹ ایر کتگ وھدیکہ آیوکیں پنچ سال آنی تہ ءَ یک ملین زھگ اے آئی ءِ تہ ءَ تربیت دیگ بنت تانکہ ورنائیں نسل ءَ را نوکیں ڈیجیٹل مہارت آنی گوما لیس کنگ بہ بیت۔ اے ھیالانی درشانی آئی ءَ شمبے ءِ روچ ءَ لاہور چیمبر آف کامرس اینڈ انڈسٹری ءَ برجم داشتگیں انڈس اے آئی کانفرنس 2026 ءَ گوں گشتانک دیان ءَ کت۔ کانفرنس ءَ لاہور چیمبر آف کامرس اینڈ انڈسٹری ءِ صدر فہیم الرحمن سہگل، سینئر نائب صدر تنویر احمد شیخ، نائب صدر خرم لودھی، پیسریگیں صدر میان انجم نثار، محمد علی میان، چیئرمین پاشا سجاد سید ءُ آئی ٹی انڈسٹری ءِ یک لار ءِ ماہرین ءَ بہر زرتگ ات۔ وفاقی وزیر شزہ فاطمہ خواجہ ءَ گشتانک دیان ءَ گوشت کہ پاکستان ءِ کلیں آبادی ءِ تہ ءَ 60درسد ورنا اَنت، آھاں نوکیں زانت ءُ زانشت ءَ چہ لیس کنگ وھد ءِ لوٹ اِنت۔ اے آئی ءِ تہا ورناہاں تربیت دیگ ءَ چہ زراعت، صنعت، ءُ تجارت ءَ ھوار ہر شعبہ ءَ انقلاب آرگ بوت کنت ءُ پاکستان راجانی زانت ءِ تہا یک نامداریں جاہ جوڑ کت کنت۔ آئی ءَ گوشت کہ 2030ءَ تاں ما مصنوعی ذہانت ءِ پڑ ءَ یک ارب ڈالر ھرچ کنگ ءَ ایں، اے آئی ءِ نصاب جوڑ کنگ ءَ ایں، اے آئی ءِ تہ ءَ پی ایچ ڈی ءِ واستہ یک ھزار اسکالرشپ ءِ پجارینگ ءَ ایں، آئی ٹی ءُ اے آئی ءِ تہ ءَ گنجائش ءَ را گیش کنگ ءِ واستہ راجی پروگرام ءِ بندات کنگ ءَ ایں ۔ اے آئی ءِ وسیلہ ءَ دیمروئی ءِ تہا انقلاب آرگ بیت کنت، ایشی ءِ تہا صنعت، زراعت ءُ تجارت ھوار انت۔ ما اے درگت ءَ بازیں گامگیج کتگ بلے انگت بازیں کار کنگ لوٹیت۔ دگنیا ءِ تہا پاکستان وتی نام ءَ جوڑ کنت۔ آئی ءَ گوشت کہ پاکستان ءِ اولی راجی اے آئی پالیشی ستمبر 2025 ءَ بندات کنگ بوتگ، اے آئی پالیشی ءِ سر ءَ عمل درآمد 2026 ءَ بندات بوتگ ءُ سندھ اے آئی ہفتگ ءَ چہ یونیورسٹی، اسٹارٹ اپس ءُ گلوبل کمپنی آنی نیام ءَ کمک ءِ وسیلگ جوڑ بیت۔ ڈیجیٹل ٹرانسفارمیشن ءِ رہشونی ءَ پرائیویٹ سیکٹر بہ کنت، پاکستان نوآبادیاتی، زانت ءُ دیمروئی ءِ سفر ءَ را برجاہ دار ایت۔ وفاقی وزیر ءَ گوشت کہ پاکستان ءَ ڈیجیٹل فرسٹ اکانومی ءَ را آسانی ءَ گوں جوڑ کنگ بوت کنت پرچا کہ ٹیک انڈسٹری ءَ گوں ترندی ءَ گوں دیمروئی کنگ ءَ انت ءُ حکومت ٹیکنالوجی ءِ ماحولیاتی نظام ءَ را آسراتی دیگ ءِ واستہ سک باز کار کنگ ءَ انت۔ سندھ اے آئی ہفتگ ءِ چیر دستی ءَ سرجمیں ملک ءَ 90 ءَ چہ گیش پروگرام برجم دارگ بوتگ۔ وفاقی وزیر شزہ فاطمہ خواجہ ءَ انٹرنیٹ ءُ ڈیجیٹل انفراسٹرکچر ءِ کوالٹی ءِ بابت ءَ گپ ءُ تران کنان ءَ گوشت کہ 2022ءَ وھدے کہ استیں حکومت ءَ اقتدار گپت گڈا معیشت ءَ را سکیں چیلنج آنی دیم ءَ ات ءُ روپیہ ءِ ارزشت ءَ را مدام کمی کنگ ءَ ات۔ آئی ءَ گوشت کہ ملکی معیشت ءَ را برجائی ءِ واستہ سوداگر ءُ کاروباری برات ءَ حکومت ءِ گوما سرجمی ءَ کمک کتگ۔ آئی ءَ جار جت کہ آیوکیں روچ آنی تہ ءَ انٹرنیٹ ءِ کوالٹی ءَ را مزنیں کساسے ءَ گہتری کیت، 4G ءَ را گہتر کنگ حکومت ءِ اولی ترجی اِنت، وھدیکہ 5G سروس پنچ مزنیں شہر آنی تہ ءَ بندات کنگ بیت۔ آئی ءَ گوشت کہ سئے نوکیں سب میرین کیبل آنی بندات کنگ بوتگ، ایشی ءَ چہ میاں اوستمانی انٹرنیٹ رابطہ ءَ را گہتری کیت۔ وفاقی وزیر ءَ لیپ ٹاپ بھر ءُ بانگ ءِ پروگرام ءِ ھوالگ ءَ تران کنان ءَ گوشت کہ اے گامگیج ءَ چہ ورنا آناں وتی آیوکیں باندات ءِ رژنائیں جوڑ کنگ ءَ سک باز آسراتی رستگ ءُ اے درگت ءَ آئی ءَ لیہ ءِ یک نودربر ءِ کامیابی آنی ھم ھاسیں رنگ ءَ گوشت۔ آئی ءَ اے آئی ءِ نپ ءُ سیت آنی سر ءَ چمشانک دات ءُ گوشت کہ ردیں ھال ءُ اھوال ءِ وڑیں جیڈھ مصنوعی ذہانت ءِ وسیلگ ءَ ھم دیم ءَ اتک کن اَنت پمیشکا حکومت سائبر سیکورٹی ءِ پڑ ءَ ھم کار کنگ ءَ اِنت۔ آئی ءَ ٹیکنالوجی کمپنی آناں زور پر دات کہ آ کاروبار ءُ صنعت ءِ جیڈھ آنی گیواری ءُ نوکیں ڈیجیٹل گیواری ءِ واستہ دیم ءَ بیا اَنت۔ آئی ءَ گوشت کہ حکومت سوداگر آنی جیڈھ آنی گیواری ءِ واستہ ھمک رنگ ءِ کمک ءَ کنت ۔ پنجاب ءَ ڈیجیٹل گامگیج آنی ھوالگ ءَ آئی ءَ گوشت کہ صوبگ ءَ ڈیجیٹل معیشت ءِ دیمروئی ءِ واستہ تیزی ءَ گوں کار بوھگ ءَ انت ءُ پنجاب ءِ سر وزیر مریم نواز اے شوبگ ءَ مزنیں کردے پیلو کنگ ءَ انت۔ اے موہ ءِ سر ءَ تران کنان ءَ لاہور چیمبر آف کامرس اینڈ انڈسٹری ءِ صدر فہیم الرحمن سہگل ءَ گوشت کہ حکومت آئی ٹی ءِ دیمروئی ءِ واستہ انقلابی گامگیج کنگ ءَ انت ءُ پاکستان اے آئی ءَ را وھد ءِ سر ءَ کارمرد کنان ءَ گلوبل اسٹیج ءَ وتی جاگہ ​​ءَ جوڑ کنگ ءَ انت۔ آئی ٹی ءِ برآمدات ءِ تہ ءَ مزنیں گیشی بوتگ ایشی ءِ تہ ءَ پاکستانی ورنا آنی تہ ءَ بے دروریں گنجائش است انت۔ اگاں حکومت ھمے رنگ ءَ آئی ٹی ءِ شوبگ ءِ سر ءَ دلگوشی ءَ برجاہ بہ دار ایت گڈا آ روچ دور نہ اِنت کہ پاکستان جھان ءِ تک ءَ آئی ٹی ءِ پڑ ءَ سروک بہ بیت۔ آئی ءَ گوشت کہ اے آئی ءِ راستیں کارمردی ءَ گوں کاروبار ءَ را گیش کنگ بوت کنت، پاکستان ءِ 60درسد ءَ چہ گیش آبادی ورنا آں چہ جوڑ بیت، اے ملک ءِ مستریں طاقت اِنت۔ آئی ءَ ورنا آنی واستہ سازگار روزگار ءِ موہ پجاری ءِ سر ءَ زور پر دات ءُ گوشت کہ پاکستان ءَ بھارت ءِ ھلاپ ءَ وتی جدید دفاعی حکمت عملی ءَ گوں دگنیا ءِ تہ ءَ وتی صلاحیت آنی درشان کتگ۔ ایشی ءَ چہ پیسر وفاقی وزیر شزہ فاطمہ خواجہ ءَ لاہور چیمبر آف کامرس اینڈ انڈسٹری ءَ ایل سی سی آئی ءِ باسک ءِ واستہ آن لائن پورٹل ءِ ھم بنگیج کت۔ میڈیا ءَ گوں تران کنان ءَ آئی ءَ گوشت کہ مزن وزیر ءِ وژن ءِ چیر دستی ءَ ما ڈیجیٹل ٹرانسفارمیشن آرگ لوٹاں، بزنس کمیونٹی ءِ واستہ آسراتی جوڑ کنگ بوھگ ءَ انت۔ کاروبار ءِ آسراتی ءِ سر ءَ کار برجاہ اِنت ءُ جتا جتائیں ملک آنی تہ ءَ کاروبار ءِ آسراتی ءِ ماڈل وتی کنگ ءَ اَنت۔ آئی ءَ گوشت کہ اے آئی ئِ دور ءَ کوھنیں کارروائی آناں مٹ کنگ ضلورت اِنت، سرجمیں سرکاری کاگد آناں ڈیجیٹل کنگ بوھگ ءَ اِنت۔ خودکار نظام ءِ چیر دستی ءَ ، درستیںڈیجیٹل اسناد شہری آناں پجارینگ بنت تانکہ رکاوٹ ھلاس کنگ بہ بنت ءُ شہری آنی سرکاری کارگس آنی گوما مستقیم رابطہ کم کنگ بہ بیت۔ آئی ءَ گوشت کہ آیوکیں وھد ءَ شہری وتی گس ءَ نندگ ءِ وھد ءَ ھمک آسراتی آن لائن ءِ وسیلگ ءَ رسگ ءَ سوبین بنت۔ وفاقی وزیر ءَ گوشت کہ لاہور چیمبر آف کامرس اینڈ انڈسٹری اولی چیمبر انت کہ آئی ءَ آن لائن پورٹل ءِ بنگیج کتگ، ایندگر چیمبر ھم ایشی ءِ رندگیری ءَ کن انت۔ آئی ءَ لاہور چیمبر ٹیم ءَ را اے گامگیج ئِ پد ءَ مبارکی دات۔