پاکستان ءُ ہندوستان ءِ میان ءَ میچ مدام غیر معمولی اہمیت ءِ واھند اِنت، ھرچ وڑ ءَ کہ یک کھڈکارے وت ءَ سرد ءُ آرام بہ کنت، آ ھما وڑ ءَ شرتر لیب ءُ  گوازی ءِ وس ءَ کنت، بابر اعظم

کولمبو۔14فروری  (اے پی پی):نیشنل ٹیم ءِ بلے بازیں رند ءَ بابر اعظم ءَ گشتگ کہ پاکستان ءُ ہندوستان ءِ میان ءَ میچ مدام غیر معمولی اہمیت ءِ واھند بیت، اے مقابلہ ایوک ءَ دوئیں ملک آنی تہ ءَ بندوک نہ انت بلکیں سرجمیں دگنیا ءِ چم اے میچ ءِ سر ءَ سک انت، ایشی ءِ سبب ءَ ایشی ءِ شدت ءُ دباؤ چہ عادی میچاں باز گیش گیش بیت۔ آئی ءَ اے گپ وتی ویڈیو بیان ءَ وتی مزنیں حریف بھارت ءِ ھلاپ ءَ ھاسیں میچ ءَ چہ پیسر کتگ۔ بابر اعظم ءَ گوشت کہ اے وڑیں مزنیں میچ آنی تہ ءَ کھڈکار آنی نیمگ ءَ چہ ھم اُمیت سک باز بنت ءُ شائقین آنی دلگوش ھمک کھڈکار ءِ کارکردگی ءِ سر ءَ انت۔ آئی ءَ گوشت کہ گوستگیں وھد ءَ پاکستان ءُ ھندوستان ءِ بازیں مزن نامیں میچ آنی بھر بوتگ آں ءُ اے میچ آنی تہ ءَ من ءَ بازیں چیزے سکین داتگ۔ چوشیں زھرناکیں میچ ءِ تہ ءَ مستریں چیز ایش اِنت کہ وتی دل ءَ سکون ءُ وت ءَ وتی سرا دارگ بہ بیت۔ ھرچے گیشتر یک کھڈکارے وت ءَ سرد ءُ وش ءُ وشحال بہ کنت، آ ھما وڑ ءَ شرتر لیب ءُ  گوازی ءِ وس ءَ کنت۔ بابر اعظم ءَ گوشت کہ درائیں توار، تنقید یا بے وسی ءِ زور ءِ سر ءَ دلگوش دیگ ءِ بدل ءَ اگاں لیب کنوک ایوک ءَ میدان ءُ وتی کارکردگی ءِ سر ءَ دلگوش بہ کن اَنت گڈا سوبمندی ءِ گمان گیش بنت۔ آئی ءَ گوشت کہ اے میچ ءِ جوش وتی جاہ ءَ انت بلے اے المی انت کہ لیب کنوک وت ءَ ٹینشن فری بہ دار انت۔ جذبات ءِ کنٹرول کنگ ءُ میچ ءِ جاور ءِ رد ءَ گوازی کنگ سوبمندی ءِ کلید اِنت۔ آئی ءَ وتی جزم ءِ درشان کت کہ ٹیم سرجمیں تیاری ءَ گوں میدان ءَ روت ءُ جوانیں رنگ ءَ لیب کنگ ءِ کوشست ءَ کنت۔