چیئرمین سی ڈی اے ءُ چیف کمشنر اسلام آباد محمد علی رندھوا ءَ دارالحکومت ءِ نوکیں شعبہ آنی تہ ءَ دیمروئی ءِ کار آنی سر ءَ چار ءُ تپاسی ءُ الاٹ ءِ زوتیں قبضہ ءِ سر ءَ چار ءُ تپاسی ءِ واستہ مزن تک ءِ دیوان ءِ سروکی

اسلام آباد۔14فروری  (اے پی پی):چیئرمین سی ڈی اے ءُ چیف کمشنر اسلام آباد محمد علی رندھوا ءِ سروکی ءَ مزن تک ءِ دیوان برجم دارگ بوت کہ ایشی ءِ تہ ءَ وفاقی دارالحکومت ءِ نوکیں شعبہ آنی تہ ءَ دیمروئی ءِ کار ءُ الاٹ ءِ زوتیں قبضہ ءِ سر ءَ چار ءُ تپاسی کنگ بوت۔ دیوان ءَ ممبر ایڈمن اینڈ اسٹیٹ، ممبر انجینئرنگ، ممبر پلاننگ ءُ ڈیزائن ءَ ھوار سیادی داروکیں افسر آنی بھر زوری بوتگ۔ شمبے ءِ روچ ءَ سی ڈی اے ءِ نیمگ ءَ جاڑی بوتگیں بیان ءِ رد ءَ سیادی داروکیں افسر آں چیئرمین سی ڈی اے ءَ را شوبگ ءِ دیمروئی ءِ تہ ءَ پیشرفت ءِ بابت ءَ سرپد کت۔ بریفنگ ءِ تہ ءَ ھال دیگ بوتگ کہ سیکٹر سی 14 ءِ تہ بنیاتی انفراسٹرکچر ءِ کار سرجمی ءِ پڑ ءَ اِنت، ءُ اودا پلاٹ آنی قبضہ ءِ ھاتر ءَ الاٹ بوتگیں مردم آناں دیم دیگ ءِ ھاتر ءَ تیار اِنت۔ اے درگت ءَ سیکٹر سی 14 ءِ پلاٹ آنی قبضہ ءَ دئیگ ءِ عمل زوت بندات کنگ بیت۔ سی ڈی اے ءِ چیئرمین ءَ ہدایت کتگ کہ سیکٹر سی 14 ءَ سڑک نمبر ءِ دیم ءَ آرگ ءُ گوگل میپس ءِ سر ءَ جاہ ءِ پجارینگ ءِ عمل ءَ را زوتاں چہ زوت آسر کنگ بہ بیت۔ سیادی داروکیں افسر آں سیکٹر ای 12 ءِ دیمروئی کار آنی تہ ءَ پیشرفت ءِ ھوالگ ءَ چیئرمین سی ڈی اے ءَ را سرپد کت۔ بریفنگ ءِ تہ ءَ سرپدی دیگ بوتگ کہ سیکٹر ای 12 ءِ سب سیکٹر یک ءُ 2 ءَ بنجاہی انفراسٹرکچر ءِ کار سرجم بوتگ، ءُ سیکٹر ای 12 ءِ سب سیکٹر 2 ءُ 3 ءِ پلاٹ ھم الاٹ بوتگیں مردم آنی دست ءَ دیگ ءِ واستہ تیار انت۔ چیئرمین سی ڈی اے ءَ سیکٹر ای 12 ءِ دروازگ ءِ راہ ءِ کلیئرنس ءَ را زوتاں چہ زوت سرجم کنگ ءِ ھم ہدایت کتگ ءُ گوشت کہ اے سیکٹر ءَ چہ کانود ءِ رد ءَ ہر وڑیں ناجائزیں جوڑیشت ءُ تجاوزات دور کنگ بہ بنت ءُ سیکٹر ءِ تہ ءَ گوگل میپس ءِ سر ءَ پلاٹ آنی جاہ ءِ پجارینگ ءِ عمل ءَ را زوتاں چہ زوت آسر کنگ بہ بیت۔ تعلقداریں افسراں سیکٹر آئی 12 ءِ دیمروئی کارانی تہ ءَ پیشرفت ءِ بابت ءَ چیئرمین سی ڈی اے ءَ را سرپدی دات، ایشی ءِ تہ ءَ ھال دات کہ سیکٹر آئی 12 ءِ تہ ءَ نزیک ءَ سرجمیں رہائشی ءُ تجارتی پلاٹ دیمروئی کنگ بوتگ اَنت، ءُ دیمروئی کتگیں پلاٹ آنی قبضہ ءَ را زوت مالک آناں دیگ بہ بیت۔ اے عمل باقاعدہ بندات کنگ بیت۔ چیئرمین سی ڈی اے ءَ گوشت کہ وتی دیمروئی کتگیں پلاٹ آناں شہری آناں قبضہ ءِ پھجارینگ ادارگ ءِ اولی ترجی اِنت ءُ اے عمل زوت بندات کنگ بہ بیت۔ آئی ءَ گوشت کہ سی ڈی اے دہائی آنی پد ءَ وفاقی دارالحکومت ءَ نوکیں شوبگ آنی تہ ءَ دیمروئی کتگیں پلاٹ آناں وتی قبضہ ءَ کنگ ءَ اِنت، گوگل میپس ءِ سر ءَ درستیں شوبگ آنی تہ ءَ پلاٹ آناں پجارینگ بہ بیت ءُ شہری آناں وتی پلاٹ آنی جاہ ءِ بابت ءَ سرپدی دیگ بہ بیت۔ آئی ءَ گوشت کہ توامیں شوبگ آنی تہ ءَ نہ ایوک ءَ پلاٹ آنی ھوالگ ءِ کار ترندی ءَ گوں کنگ بہ بیت، بلکینگ ءَ دیمروئی ءِ باکی ءِ کار ءُ بنیاتی آسراتی آنی پھجاری ءَ را ھم دل یکیمی کنگ بہ بیت۔ وفاقی دارالحکومت ءِ شہری آناں جوانیں رہائشی آسراتی ءِ پھجارینگ ءِ واستہ نوکیں شعبہ آنی دیمروئی ءِ واستہ درستیں وسیلگ آناں کارمرد کنگ بہ بیت۔