تہی کارانی وزیر محسن نقوی ءَ مزن وزیر محمد شہباز شریف ءَ گوں گند ءُ نند کتگ، تہی کارانی وزیر ءَ را ہدایت کتگ کہ اسلام آباد ءَ ایمنی ءِ جاور ءُ اے دگہ جیڈھ آناں جوانیں رنگ ءَ گیش ءُ گیوار بہ کنت

لاہور ۔14فروری  (اے پی پی):مزن وزیر محمد شہباز شریف ءَ تہی کارانی وزیر محسن نقوی ءَ را فرمان داتگ کہ آ اسلام آباد ءَ ایمنی ءِ جاور ءُ اے دگہ جیڈھ آناں جوانیں رنگ ءَ گیش ءُ گیوار بہ کنت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ تہی کارانی وزیر محسن نقوی ءَ مزن وزیر محمد شہباز شریف ءَ گوں گند ءُ نند کتگ ایشی ءِ ساھت ءَ آئی ءَ مزن وزیر ءَ را ملک ءِ سرجمیں ایمنی ءِ جاور ھال آنی بابت ءَ سرپد کتگ۔ آئی ءَ مزن وزیر ءَ را اسلام آباد ءِ استیں سرجمیں ءُ سیکورٹی ءِ جاور ھال ءِ ھوالگ ءَ سرجمیں بریفنگ ھم دات۔ مزن وزیر محمد شہباز شریف ءَ تہی کارانی وزیر ءَ را فرمان داتگ کہ آ اسلام آباد ءَ ایمنی ءِ جاور ءُ اے دگہ جیڈھ آناں جوانیں رنگ ءَ گیش ءُ گیوار بہ کنت۔ وزیر داخلہ محسن نقوی زوت سری لنکا ءِ تر ءُ تاب ءَ کنت ءُ سری لنکا ءِ صدر انورا کمارا دسنایک ءَ را مزن وزیر محمد شہباز شریف ءِ ھاسیں پیغام ھم سر کنت۔