بانُک اول آصفہ بھٹو زرداری ءَ سئے روچی سالانہ پُلانی شو: آرٹس، سائنس ءُ دود ءُ ربیدگی نمائش 2026 ءِ بنگیج کت، بختاور کیڈٹ کالج ءِ کیڈٹ آں ھاسیں مہمان ءَ را گارڈ آف آنر دات

اسلام آباد۔14فروری  (اے پی پی):بانُک اول ءُ باسک راجی اسمبلی بی بی آصفہ بھٹو زرداری ءَ گوں صوبائی جان سلامتی ءِ وزیر ڈاکٹر عزرا فضل پچوہو ءَ سئے روچی سالانہ پُل شو: آرٹس، سائنس ءُ دود ءُ ربیدگ ءِ نمائش 2026 ءِ بنگیج کت کہ ایچ ایم خوا خوشا گارڈن ءَ برجم دارگ بوتگ۔ شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ افتتاحی مراگش ءِ ساھت ءَ بختاور کیڈٹ کالج ءِ کیڈٹ آں ھاسیں مہمان ءَ را گارڈ آف آنر پیش کت، وھدیکہ زھگاں رنگ رنگیں ٹیبلو ءِ وسیلگ ءَ بانُک اول بی بی آصفہ بھٹو زرداری ءَ را گرمیں رنگ ءَ وش آتک کت۔ ایشی ءَ پد بانُک اول ءُ صوبائی جان سلامتی ءِ وزیر ءَ بختاور کیڈٹ کالج ءُ ایندگر بھر زوروکیں ادارگ آنی نیمگ ءَ جوڑ کتگیں جتا جتائیں اسٹال آنی تر ءُ تاب کت۔ بی بی آصفہ بھٹو زرداری ءَ شاہ جو ریسالو ءِ اسٹال ءِ ہم چار ءُ تپاسی کت ءُ نمائش ءِ تہا پیش کنگ بوتگیں موسمی، آرائشی ءُ نادریں پُل ءِ وڑ ءُ پیم ءِ تہا سک باز دلچسپی ءِ درشانی کت۔ سرکاری ءُ نجی وانگ ءُ زانگ ءِ ادارگ آنی نیمگ ءَ جوڑ کتگیں اسٹال ءُ دلکشیں ٹیبلو ءِ سرا مہمان آنی ھاسیں دلگوشی ءِ مرکز بوتگ۔ جارچین آنی کوشست آناں ساڑاتگ ءَ بانُک اول ءَ گوشت کہ اے رنگیں جوانیں ءُ جان سلامتی ءِ چست ءُ ایر آنی تہ ءَ نا ایوک ءَ چاگرد ءِ زیبائی گیش بیت بلکینگ ءَ چاگرد ءِ تہ ءَ ھمگرنچی ءُ وشھالی ھم دیم ءَ کیت۔ آئی ءَ گوشت کہ پُل فطرت ءِ یک جوانیں سوگات انت کہ آ مھر، امن ءُ تازگی ءِ علامت انت۔ آئی ءَ گوشت کہ الس آناں جان سلامتی ءِ تفریحی موہ پجاری پاکستان پیپلز پارٹی ءِ وژن ءِ بھر اِنت۔ اے موہ ءِ سر ءَ دود ءُ ربیدگ ءِ پروگرام ھم پیش کنگ بوت کہ ایشی ءِ تہ ءَ زھگاں راجی زیمر، ٹیبلو ءُ اے دگہ ازمی پیشدارگ پیش داشت اَنت۔ مراگش ءَ باسک سندھ اسمبلی غلام قادر چانڈیو، کمشنر شہید بے نظیر آباد ڈویژن شہمیر خان بھٹو، ڈپٹی کمشنر عبدالصمد نظامی، ایڈیشنل ڈپٹی کمشنر صدام حسین میمن، پیپلز پارٹی ءِ ڈسٹرکٹ صدر محمد سلیم محمد دی شریک بوتگ انت۔ محکمہ ءُ منتخب نمائندگاں چہ دیم ءَ اتکگ۔ سالانہ پُل شو: آرٹس، سائنس ءُ کلچرل نمائش 2026 سئے روچ ءَ برجاہ بیت۔