مزن وزیر ءَ ملک ءِ 1 کروڑ 21 لکھ  بزگیں ھاندان ءِ واستہ رمضان ءِ پیکج ءِ جار جت، یک ھاندان ءِ واستہ 13 ہزار کلدار دیگ بیت، محمد شہباز شریف

اسلام آباد۔14فروری  (اے پی پی):مزن وزیر محمد شہباز شریف ءَ رمضان ءِ ساھت ءَ 12.1ملین بزگیں ھاندان آنی واستہ 38ارب کلدار ءِ رمضان پیکج ءِ جار جنان ءَ گوشت کہ ڈیجیٹل پابندی ءِ وسیلگ ءَ ملک ءِ ھمک کون ءَ بزگیں وائٹ کالر کارندہ آناں ادائیگی کنگ بیت۔ آئی ءَ شمبے ءِ روچ ءَ مزن وزیر رمضان پیکج 2026ءِ بنگیج ءِ مراگش ءَ گوں گشتانک دیگ ءَ ات۔ غربت ءِ ھلاسی ءُ چاگردی رکھینگ ءِ وفاقی وزیر سید عمران احمد شاہ، وفاقی وزیر ءِ اطلاعات ءُ شنگکاری عطا اللہ ترار، وفاقی وزیر پارلیمانی امور ڈاکٹر طارق فضل چوہدری، وفاقی وزیر مالیات سینیٹر محمد اورنگزیب، ھاسیں کمکار خارون ایس پی روسون اختر، اے موہ ءِ سر ءَ سرکاری کارندہ ھم ساڑی بوتگ اَنت۔ مزن وزیر ءَ مراگش ءَ گوں گشتانک دیان ءَ گوشت کہ پاکیں ماہ رمضان ایوک ءَ جسمانی عبادت ءِ ماہ نہ انت بلکینگ ءَ حلال رزق ءِ وسیلگ ءَ وسیلگ بھر ءُ بانگ ءِ ماہ انت۔ ماضی ءِ پرانے نظام ہما وہد ءَ ہلاس کنگ بوتگ کہ مستحقاں وتی عزت ءِ قربانی کنان ءَ غیر معیاری وردن ءُ وراک ءِ چیزانی گرگ ءِ ہاترا یوٹیلٹی اسٹورز ءِ تہا قطاراں اوشتگی بوتگ۔ ایشی ءِ تہا کرپشن ہم بوتگ۔ گوستگیں سال ءَ ڈیجیٹل ادائیگی ءِ شفافیں نظام ءِ ھاتر ءَ سپیدیں پوشاکیں مردمانی ھاتر ءَ دیم ءَ آرگ بوتگ۔ اے سال ءَ ایشی ءَ را گیش گہتر کنگ ءَ چہ آزات کشمیر ءُ گلگت بلتستان ءَ ھوار چاریں صوبگ ءُ ملک ءِ ھر کون ءَ 12.1 ملین بزگیں ھاندان آناں 38 ارب کلدار ءِ زرّ 10کروڑ کلدار ءِ شرح ءَ بھر ءُ بانگ کنگ بیت۔ 13،000 ہر خاندان ءِ سرا۔ اے گپ ءِ تہا سیاسی تبعیض نیست۔ من ذاتی طور ءَ اے نظام ءِ دیمروئی ءِ سر ءَ نگرانی کتگ۔ کیش لیس معیشت ءُ ڈیجیٹل ادائیگی ءِ تہا بازیں مشکلات بوتگ انت پمیشکا جیڑہ ءُ رکاوٹ دور کنگ بوتگ انت۔ سیمی پارٹی ءِ توثیق ءَ آئی ءِ شفافیت ءِ تصدیق کتگ۔ مزن وزیر ئَ فنڈز ئِ ٹرانسفر ئِ گامگیج یک بٹن ئِ جنئگ ئَ کت۔ ایشی ءَ چہ پیسر گریبی ءِ ھلاسی ءُ چاگردی رکھینگ ءِ وفاقی وزیر سید عمران احمد شاہ ءَ مراگش ءَ گشتانک دیان ءَ گوشت کہ گریبی ءِ ھلاسی ءِ گامگیج، چاگردی رکھینگ ءُ انسانیت ءِ ھزمت استیں حکومت ءِ شعار انت۔ سیکرٹری بی آئی ایس پی عامر احمد علی ءَ گوشت کہ بزگیں تبک آنی واستہ شفاف ادائیگی ءِ نظام مزن وزیر ءِ وژن اِنت۔ گوستگیں سال ءَ پنچ ہزار ءِ پیکج بوتگ کہ اے سال ءَ 13 ہزار ءَ گیش کنگ بوتگ۔ آئی ءَ گوشت کہ پروگرام ءِ بابت ءَ سرپدی چہ ہیلپ لائن 9999.\932 ءَ چہ زورگ بوت کنت۔