بنگلہ دیش نیشنلسٹ پارٹی ءِ صدر آصف علی زرداری ءِ منت گپت کہ آ گچین کاری ءِ سوبمندی ءِ مبارک بات ءِ پیغام ءُ نیکیں واھگ ءِ درشان

اسلام آباد۔14فروری  (اے پی پی):بنگلہ دیش نیشنلسٹ پارٹی ءَ بنگلہ دیش ءَ پارلیمانی گچین کاری ءَ سوبمندی ءِ سر ءَ صدر آصف علی زرداری ءِ مبارکی کلوہ ءُ نیکیں واھگ آنی پد ءَ منت گپتگ۔ شمبے ءِ روچ ءَ سوشل میڈیا پلیٹ فارم ایکس ءِ سر ءَ جاڑی بوتگیں بیان ءِ تہ ءَ بنگلہ دیش نیشنلسٹ پارٹی ءَ گوشت کہ بنگلہ دیش ءُ پاکستان ءِ سیادی ءِ یکجائی راجدپتر ءِ است انت کہ ایشی ءِ تہ ءَ چیلنج ءُ کمک دوئیں ھوار بوتگ انت بلے دوئیں ملک آنی الس ءَ مدام گپ ءُ تران، وت مہ وتی احترام ءُ دمگی سیادی ءَ را ارزشت داتگ۔ بیان ءِ تہ ءَ گوشت کہ بی این پی ءَ را اُمیت اِنت کہ آیوکیں سال آنی تہ ءَ دوئیں ملک آنی نیام ءَ جوڑیشت ءِ سیادی گیش مھکم بنت، اقتصادی کمک ءُ مردم آنی نیام ءَ رابطہ آناں دیمروئی دیگ بیت ءُ یک پرامن ءُ وشھالیں جنوبی ایشیا ءِ واستہ یکجائی ءَ کار کنگ بیت۔