وفاقی سیکرٹری انفارمیشن ءُ براڈکاسٹنگ اشفاق احمد خلیل ءَ ریڈیو ءِ جھان ءِ روچ ءِ درگت ءَ گوشت کہ ریڈیو پاکستان ءَ راج ءِ سرپدی ءِ تہ ءَ گیشی، وھد ءِ سر ءَ سرپدی پجاری، چاگردی سرپدی پجاری، دلگوشی، لبزانک ءُ دود ءُ ربیدگ ءِ دیمروئی ءِ تہ ءَ مزنیں کردے پیلو کتگ

اسلام آباد۔13فروری  (اے پی پی): وفاقی سیکرٹری انفارمیشن اینڈ براڈکاسٹنگ اشفاق احمد خلیل ءَ گوشت کہ ریڈیو پاکستان ءَ الس ءِ سرپدی ءِ تہ ءَ گیشی، وھد ءِ سر ءَ سرپدی ءِ پھجارینگ، چاگردی سرپدی، دلگوشی، لبزانک ءُ دود ءُ ربیدگ ءِ دیمروئی ءِ تہ ءَ مزنیں کرد پیلو کتگ ءُ راج ءِ ھرچ ھاسیں پڑ ءَ راج ءِ رھشونی کتگ۔ آئی ءَ جہانی ریڈیو روچ ءِ موہ ءَ وتی کلوہ ءِ تہ ءَ نشریات ءِ شوبگ ءَ گوں ھمگرنچیں توامیں افسر ءُ کارندہ آناں مبارکی دات ءُ گوشت کہ وزارت ءِ ھال ءُ اھوال ءَ را اے شرف انت کہ دو مزنیں راجی نشریات ءِ ادارگ ریڈیو پاکستان ءُ پاکستان ٹیلی ویژن اے وزارت ءِ انتظامی ءِ چیر دستی ءَ وتی ازمت آناں پیلو کنگ ءَ انت۔ اے دوئیں گلاں چہ وتی بندات ءَ بگر داں مرچیگیں روچ ءَ ملک ءَ راج ءِ سرپدی ءِ دیمروئی ءَ وتی کرد پیلو کتگ۔ آئی ءَ وانگ ءُ زانگ ءِ دیمروئی، وھد ءِ سر ءَ سرپدی دیگ، چاگردی سرپدی، وانگ ءُ زانگ، لبزانک ءُ دود ءُ ربیدگ ءِ تہ ءَ مزنیں کردے پیلو کتگ ءُ راجی زند ءِ ھر ھاسیں پڑ ءَ راج ءِ رھشونی کتگ۔ آئی ءَ گوشت کہ ریڈیو پاکستان ءِ راجدپتر ءَ 1965 ءِ جنگ ءِ ھوالگ ءَ یک انچیں بے دروریں راجی ازمت ءِ ھم ھوار انت۔ اے ھاسیں وھد ءُ پد ءَ 1971 ءِ جنگ ءِ وھد ءَ ریڈیو ءَ راج ءِ حوصلہ ءِ چست کنگ ، پاکستانی سلاہ بندیں اُرد ءِ سوبمندی ءِ سر ءَ چمشانک دیگ ءُ سرجمیں راج ءَ را یکجاھیں محاذ ءِ تہ ءَ یکجاہ کنگ ءِ جوش ءُ جزبگ ءِ رنگ ءَ مئے شنگکاری ءِ راجدپتر ءِ یک زرینیں بابے ۔ آئی ءَ گوشت کہ انتظامی تک ءَ وزارت ءِ اھوالکاری ریڈیو پاکستان ءَ را نوکیں لوٹ آنی گوما ھمگام جوڑ کنگ ءِ واستہ جزمیگ انت۔ انوگیں وھد ءَ ریڈیو پاکستان ءَ وتی پنشن ءِ نظام ءَ سرجم ءَ دیمروئی کتگ کہ اے دگہ کارپوریشنانی واستہ یک مثالے کہ آ ایشانی رندگیری ءَ بہ کن اَنت۔ اے گامگیج ءَ چہ نہ ایوک ءَ ساپ ءُ سلہ ایںیت ءِ تہ ءَ گیشی بوتگ بلکیں مالیاتی نظم ءُ ضبط ءَ را ھم گہتر کتگ۔ آئی ئَ گوشت کہ ریڈیو پاکستان ئَ مالی رد ئَ مھکم جوڑ کنگ مئے اولی کار آنی تہ ئَ ھوار اِنت۔ وفاقی وزارت اھوالکاری ءِ نیمگ ءَ ریڈیو پاکستان ءَ را گوستگیں وھد ءَ ھم مالی کمک کنگ بوتگ ءُ انشاء اللہ آیوکیں وھد ءَ ھم لائکیں مالی کمک برجاہ دارگ بیت تانکہ اے راجی ادارگ وتی کاراں جوانیں رنگ ءَ پیلو بہ کنت۔ انفارمیشن سیکرٹریٹ ءَ گوشت کہ ریڈیو پاکستان ءَ وت ءَ را اے گپ ءِ لائق سابتگ کہ اگاں وزارت ءِ سرپرستی برجاہ بہ بیت گڈا اے ادارگ یک مھکمیں ءُ مثالی کارپوریشن ءِ بستار ءَ گیش دیمروئی کنت۔ ما وتی اے جزم ءَ پدا پدر کنیں کہ انتظامی ساپ ءُ سلہ ایںیت، پیشہ وارانہ مہارت ءُ نوکیں اصلاحات ءِ وسیلگ ءَ ریڈیو پاکستان ءَ را یک فعال، باوقار ءُ مھکمیں راجی ادارہ جوڑ کنگ بیت۔