پاکستان دمگی فورم آنی تہ ءَ بیپار، دیمپان، دود ءُ ربیدگ ءِ تبادلہ ءُ کمک ءَ را مھکم کنگ ءِ واستہ بنگلہ دیش ءِ نوکیں حکومت ءِ گوما کار کنگ ءِ واھشت مند اِنت، صدر آصف علی زرداری ءَ بی این پی ءِ سروک طارق رحمن ءَ را گچین کاری ءِ سوبمندی ءِ سر ءَ مبارک بات

اسلام آباد۔13فروری  (اے پی پی): صدر آصف علی زرداری ءَ بنگلہ دیش نیشنلسٹ پارٹی ءُ آئی ءِ سروک طارق رحمان ءَ را راجی گچین کاری آنی تہ ءَ مزنیں سوبمندی ءِ سر ءَ مبارک بات داتگ ءُ آیوکیں حکومت ءِ جوڑ کنگ ءِ مینڈیٹ ءِ رسگ ءِ سر ءَ مبارکی داتگ۔ جمعہ ءِ روچ ءَ صدارت ءِ پریس ونگ ءِ رد ءَ صدر ءَ بنگلہ دیش ءِ الس ءَ را 299سیٹ آنی سر ءَ گچین کاری آنی سوبمندیں برجم دارگ ءُ 127ملین ءَ چہ گیش رجسٹرڈ ووٹر آنی بھر زوری ءِ سر ءَ ھم مبارک بات داتگ۔ صدر ءِ مملکت ءَ بنگلہ دیش ءِ وت واجہی ءُ جمہوری واھشت آنی واستہ پاکستان ءِ کمک ءِ یک رندے پدا گوشت کہ پاکستان دمگی فورم آنی تہ ءَ تجارت، دیمپان، دود ءُ ربیدگی تبادلہ ءُ کمک ءَ را مھکم کنگ ءِ واستہ نوکیں حکومت ءِ گوما کار کنگ ءِ ودار ءَ انت۔ صدر آصف علی زرداری ءَ گوشت کہ بنگلہ دیش ءِ گچین کاری جنوبی دمگ ءِ واستہ گوستگیں وھد ءَ چہ دیم ءَ روگ ءِ موہ انت۔ اے گوستگیں پڑانی تہا دمگی کمک ہم ہوار انت، ایشی ءِ تہا سارک ہم ہوار انت کہ 1985 ءَ بنگلہ دیش ءَ بندات بوتگ ات، پدا ہم اے تنظیم ہندوستان ءِ اثر ءِ چیر ءَ بوتگ ات کہ اے مزنیں فورم ءَ انگت ءَ فالج کنگ ءَ انت۔ آئی ءَ امیت سہرا کت کہ ڈھاکہ ءِ نوکیں سیاسی چاگرد ءَ چہ سرجمیں خطہ ءَ گیش متوازن، آزات ءُ یکے دومی ءِ احترام ءِ سیادی ءَ را دیمروئی رسیت۔ صدر ءَ بنگلہ دیش ءِ استحکام، دیمروئی ءُ وشھالی ءِ واستہ ھم نیکیں واھگ آنی درشانی کتگ۔