وفاقی وزیر برائے سمندری امور ءِ دیوان ءِ سروکی ءَ کنت، پورٹ قاسم ءَ ’سی ٹو اسٹیل‘ منصوبہ ءِ سرا چار ءُ تپاسی  گرگ بوت

اسلام آباد۔13فروری  (اے پی پی): وفاقی وزیر برائے میری ٹائم جنید انور چوہدری ءَ پورٹ قاسم ءَ ’’سی ٹو اسٹیل‘‘ منصوبگ ءِ ترندی ءِ واستہ مزن تک ءِ جائزہ دیوان ءِ سروکی کت، ایشی ءِ تہ ءَ صنعتی وت واجہی ءُ بنجاہی اسٹیل پیداوار ءِ دیمروئی ءِ سر ءَ زور دیگ بوت۔ ادا جاڑی بوتگیں بیان ءِ رد ءَ دیوان ءَ انٹیگریٹڈ میری ٹائم انڈسٹریل کمپلیکس (آئی ایم آئی سی) ءِ سر ءَ سرجمیں رنگ ءَ گپ ءُ تران کنگ بوتگ کہ ایشی ءِ تہ ءَ بندرگاہ ءِ بنیاتی ڈھانچگ ءِ اپ گریڈیشن، جہاز سازی ءُ ری سائیکلنگ ءِ آسراتی آنی جوڑ کنگ ءُ انٹیگریٹڈ صنعتی سٹیل مل ءِ بحالی ءِ سر ءَ ھوار انت ایشی ءِ مول ءُ مراد ایش انت کہ میری ٹائم دیمروئی ءِ وسیلگ ءَ میری ٹائم لنک ءَ را مھکم کنگ بہ بیت۔ گند ءُ نند ءَ چین ءِ شانڈونگ ژینشو گروپ ءِ نمائندگ ءُ وزارت ءِ میری ٹائم امور ءِ مزنیں کارندہ آں بہر زرتگ ءُ کراچی ءَ چہ ویڈیو لنک ءِ وسیلگ ءَ پورٹ قاسم اتھارٹی ءِ چیئرمین ریئر ایڈمرل سید معزام الیاس ءَ بہر زرتگ۔ آئی ایم آئی سی ءِ سئے بنیاتی جز آنی تہ ءَ لوہے ءُ کوئلہ ءِ برتھ جیٹی آنی بحالی ھوار اِنت۔ ءُ اپ گریڈیشن ءِ سرا کار کنگ بوتگ۔ اے آسراتی ءِ چیر دستی ءَ جہاز ری سائیکلنگ ءُ مرمت کنگ بنت وھدے کہ چہ ایشی ءَ دست کپتگیں سکریپ سٹیل مل ءِ بحالی ءِ تہ ءَ کارمرد کنگ بنت۔ اے منصوبہ ءِ نام ”سی ٹو اسٹیل گرین میری ٹائم انڈسٹریل کوریڈور“ ایر کنگ بوتگ کہ ایشی ءَ چہ جہاز ری سائیکلنگ ءَ را دمگی اسٹیل ءِ پیداوار ءَ گوں ہمگرنچ کنگ ءَ درآمد بوتگیں خام مال ءِ سرا انحصار ءَ را کم کنگ ءَ کمک رسیت۔ چینی کمپنی ءَ اے منصوبہ ءِ تہا سک باز دلچسپی ءِ درشانی کتگ ءُ یک جامع فزیبلٹی اسٹڈی ءِ جمع کنگ ءِ یقین دہانی داتگ کہ ایشی ءِ تہا مالی، ساختی ءُ ہائیڈروگرافک تجزیہ ھوار بنت۔ وفاقی وزیر جنید انور چوہدری ءَ گوشت کہ آئی ایم آئی سی بلیو اکانومی ویژن ءِ یک ھاسیں ستون ءِ رنگ ءَ ثابت بوت کنت کہ ایشی ءَ چہ سمندری اثاثہ آنی وسیلگ ءَ صنعتی ارزشت ءِ گیشی ءَ را گیش کنگ بیت۔ آئی ءَ اے گپ ءِ پدرائی کت کہ فزیبلٹی رپورٹ ءِ رسگ ءَ پد ایشی ءِ سرجمیں ءُ شفافیں رنگ ءَ چار ءُ تپاسی کنگ بیت ءُ راجی مفاد ءَ را ھیال ءَ دارگ ءَ گڈی منظوری دیگ بیت۔ آئی ءَ گوشت کہ اگاں اے منصوبگ منظوری دیگ بہ بیت گڈا اے گوستگیں سال آنی تہ ءَ پاکستان ءِ مزنیں میری ٹائم ءُ صنعتی سرمایہ کاری آنی تہ ءَ یک ءِ رنگ ءَ زانگ بیت ءُ خطہ ءِ تہ بھاری صنعت ءُ رسد ءِ واستہ مزنیں مرکز ءِ رنگ ءَ پورٹ قاسم ءَ را مھکم کنت۔ وزیر بحری امور ءَ روزگار ءِ موہ پیداک کنگ، برآمدات ءَ را گیش کنگ ءِ واستہ حکومت ءِ جزم ءِ یک رندے پدا گوشت، درآمد ءِ بل ءَ را کم کنگ ءُ پائیدار دیمروئی ءِ مول ءُ مراد آناں سرجم کنگ ءِ واستہ درملکی سرمایہ کاری ءَ را وش آتک کنت۔ آئی ءَ زور پر دات کہ ھرچ منظوری ءَ را راجی اولویت، ارزشت ءِ گیشی ءُ چاگردی معیار ءِ گوما ھمگرنچ کنگ لوٹ ایت۔