بلوچستان وفاقی حکومت ءِ اولی ترجی ءِ تہا ھوار انت، پی ایس ڈی پی ءِ چیر دستی ءَ صوبہ ءَ را وتی آبادی ءَ چہ گیش دیمروئی ءِ فنڈز دیگ بوھگ ءَ انت، ڈاکٹر طارق فضل چوہدری

اسلام آباد۔13فروری  (اے پی پی): پارلیمانی کارانی وزیر ڈاکٹر طارق فضل چوہدری ءَ گوشت کہ بلوچستان وفاقی حکومت ءِ اولی ترجی آنی تہ ءَ ھوار اِنت ءُ پبلک سیکٹر ڈویلپمنٹ پروگرام ءِ چیر دستی ءَ بلوچستان ءَ را وتی آبادی ءَ چہ گیش دیمروئی فنڈ دیگ بوھگ ءَ اِنت۔ جمعہ کوسٹ ءِ دیوان ءَ ایس چوہان جان محمد ءِ جست ءِ پسو ءَ ایم 8 موٹروے ءِ پیشرفت ءِ بابت ءَ سرپدی دیان ءَ وزیر ءَ گوشت کہ اے شاہراہ کہ ایشی ءِ دراجی 890کلومیٹر اِنت، چین ءُ پاکستان اقتصادی راہداری ءِ مغربی روٹ ءِ بھر اِنت، ایشی ءِ مول ءُ مراد اقتصادی دیمروئی ءِ تہ ءَ گہتری ءُ دیمروئی کنگ اِنت۔ آئی ءَ گوشت کہ موٹروے ءِ بازیں بھر سرجم بوتگ ءُ آپریشنل بوتگ، وھدیکہ باقی بھر انگت جوڑیشت ءِ تہ ءَ انت۔ ھوشاب آواران ءُ آواران نال ءَ ھوار رند ءِ بھر جوڑیشت ءِ تہ ءَ اَنت۔ حکومت دسمبر 2026ءَ تاں 314کلومیٹر ءِ رند ءَ سرجم کنگ ءِ ٹارگٹ ءَ انت، البت اے فنڈز ءِ دستیابی ءُ ایمنی ءِ جاور ھال آنی تہ ءَ گہتری ءِ سر ءَ بندوک بیت۔ وزیر ءَ گوشت کہ منصوبگ ءِ سر ءَ کار سیفٹی چیلنج، کار ءِ وھد ءِ کمی ءُ دیمروئی فنڈز ءِ ناکافی ریلیز ءِ سبب ءَ تاخیر ءِ آماچ انت۔ آئی ءَ گیش کرتگ کہ سڑک ءِ لھتیں بھر آنی جاور یا رکھینگ ءِ ھوالگ ءَ جیڈھ آناں سیادی داروکیں واکدار آنی گوما چست کنگ بیت کنت۔ ڈاکٹر طارق فضل چوہدری ءَ دیمروئی ءِ فوکس ءِ پدا زور کنان ءَ گوشت کہ اگاں دیمروئی ھرچ ءُ درچ ءَ را آبادی ءِ رد ءَ چارگ بہ بیت گڈا بلوچستان ءَ پی ایس ڈی پی ءِ فنڈز پنجاب ءَ چہ گیش رسگ ءَ انت۔ آئی ءَ گوشت کہ حکومت صوبگ ءِ انفراسٹرکچر، کنکٹیویٹی ءُ اقتصادی موہ آناں گہتر کنگ ءِ واستہ جزمیگ انت۔