وزیراعظم شہباز شریف نا طارق رحمان ءِ بنگلہ دیش نا پارلیمانی گچین کاری تیٹی شاندار سرسہبی آ مبارکباد

اسلام آباد۔ 13 فروری (اے پی پی) وزیراعظم محمد شہباز شریف طارق رحمان ءِ بنگلہ دیش نا پارلیمانی گچین کاری تیٹی بنگلہ دیش نیشنلسٹ پارٹی (بی این پی) نا شاندار سرسہبی آ مبارکبادی تسنے۔ جمعہ نادے آ ’’ایکس‘‘ آ تینا کلہو اٹی وزیراعظم پارے کہ او بنگلہ دیش نا الس ءِ ہم گچین کاری تا سرسہب اڈتننگ آمبارکبادی ایتک۔اوبنگلہ دیش نا پوسکن آ سرکڑدہ غاتون خڑکی رابطہ جوڑ کننگ نا است خواہی نا درشانی ءِ کرسا پارے کہ او ہڑتوم آ ملک آتا نیام اٹ تاریخی، ایلمی و ہمہ جہتی تعلقداری تے پین سوگو کننگ و سویلی ایشیا و اوڑآن پیشن ہم امن، سوگوی و شونداری نا اسیجائی ہدف آتے مون آدننگ کن اواری اٹ کاریم کننگ نا خواہندار ءِ۔