آئی ٹی پارک اٹی 13 کمپنی و سد آئی ٹی چاہندار کاریم کننگ ءُ، وزیراعلیٰ بلوچستان

کوئٹہ۔ 14 جنوری (اے پی پی) وزیراعلیٰ بلوچستان میر سرفراز بگٹی پارینے کہ اسہ سہی و وخت آ فیصلہ سے آن ارب آ روپئی بچفنگا، آئی ٹی پارک اٹی 13 کمپنی و سد آن زیات آئی ٹی چاہندار کاریم کننگ ءُ۔ داخیال آتا درشانی ءِ او راجی رابطہ نا ویب سائٹ ایکس آ تینا کلہو اٹی کرے۔ وزیراعلیٰ بلوچستان پارے کہ اسہ سہی و وخت آ فیصلہ سے نا نتیجہ ٹی بلوچستان نا الس نا ارب آ روپئی تے بچفنگا و بیرہ اِرا تُوانا گونڈ وخت اٹی صوبہ نا اولیکو آئی ٹی پارک ءِ جوڑ کننگا۔ اوپارے کہ اینو دا ٹیکنالوجی پارک اٹی 13 کمپنی و سد آن زیات آئی ٹی چاہندار خذمت سرتننگ ءُ، ہرا نئے بیرہ صوبہ نا ورناتیکن روزگار نا پوسکن وارخواہی ودی کننگ ءُ بلکن بلوچستان ءِ پوسکن ٹیکنالوجی نا سفر اٹی ہم مون آ دننگ ءُ۔ میر سرفراز بگٹی پارے کہ صوبائی حکومت ورناتے واکدار کننگ و آئی ٹی و ٹیکنالوجی نا بشخ ءِ مون آ دننگ کن سنجیدہ گام گیج کننگ ءِ، تانکہ بلوچستان ءِ ڈیجیٹل شونداری نا کسر آ دننگ مرے۔