اسلام آباد۔ 14 جنوری (اے پی پی) بنجائی وزیر واپار جام کمال خان پارینے کہ پاکستان و متحدہ عرب امارات نا نیام اٹ سی ای پی اے آ تکنیکی مذاکرات گڈیکو ریسہ غاتیٹی پترینگانے، ہڑتوم آ ملک آک زوت معاہدہ غا دستخط کیرہ۔ داخیال آتا درشانی ءِ او چارشنبے نادے آ یواے ای نا سفیر سالم محمد الزعبی تون اوڑدہی کرے۔ وزیر واپار پارے کہ تکنیکی ٹیم تا خواری …
پاکستان و متحدہ عرب امارات نا نیام اٹ سی ای پی اے آ تکنیکی مذاکرات گڈیکو ریسہ ٹی پترینگا، جوان اقتصادی شریداری معاہدہ زوت نافذ العمل مریک، بنجائی وزیر واپار جام کمال خان
گیشتریں ھال
اسلام آباد۔ 14 جنوری (اے پی پی) بنجائی وزیر واپار جام کمال خان پارینے کہ پاکستان و متحدہ عرب امارات نا نیام اٹ سی ای پی اے آ تکنیکی مذاکرات گڈیکو ریسہ غاتیٹی پترینگانے، ہڑتوم آ ملک آک زوت معاہدہ غا دستخط کیرہ۔ داخیال آتا درشانی ءِ او چارشنبے نادے آ یواے ای نا سفیر سالم محمد الزعبی تون اوڑدہی کرے۔ وزیر واپار پارے کہ تکنیکی ٹیم تا خواری رنگ ایسنے، سی ای پی اے معاہدہ زوت نافذ العمل مریک۔ اوپارے کہ پاکستان یواے ای جوان اقتصادی شریداری معاہدہ (سی ای پی اے ) نا وخت آ پوروی کن سنبرینگوک ءِ، سی ای پی اے پاکستان و یواے ای نا نیام اٹ واپار و زرکاری ٹی پوسکن ءُ وارخواہی ملک۔ جام کمال پارے کہ پاکستان و یواے ای نا نیام اٹ تاریخی سی ای پی اے زوت عملی دروشم اس اختیار کیک۔ داوخت آ متحدہ عرب امارات نا سفیر پارے کہ پاکستان نا زرگزرانی اصلاحات آن کاروباری چاگڑد گچین مننگ ءِ۔ اوپاکستان اٹ واپار، لاجسٹکس ، بندرگاہ و زرکاری نا بشخ آتیٹی است خواہی نا درشانی ءِ کرے۔ اوپارے کہ سی ای پی اے نا کمک اٹ پاکستان ویواے ای نا تعلقداری پوسکن آ زرگزرانی جہت اختیار کیک، سی ای پی اے معاہدہ ہڑتوم آملک آتا نیام اٹ واپار اٹی نمان ودکی کیک۔
