پارلیمانی امور ءِ وفاقی وزیر ڈاکٹر طارق فضل چوہدری ءَ اسلام آباد ءِ جی سون ٹو ءَ گیس ءِ لیک ءِ تراک ءَ بیران بوتگیں مردمانی ھاندان ءَ گوں گند ءُ نند کتگ ءُ اے وئیل ءِ سر ءَ دلپدردی ءِ درشان

اسلام آباد۔13جنوری  (اے پی پی): وفاقی وزیر برائے پارلیمانی کار ڈاکٹر طارق فضل چوہدری ءَ سئے شمبے ءِ روچ ءَ اسلام آباد ءِ جی سون ٹو ءَ گیس ءِ لیک ءِ تراک ءَ بیران بوتگیں مردمانی ھاندان ءَ گوں آھانی گس ءَ گند ءُ نند کتگ ءُ آھاں گوں دلپدردی ءِ درشانی کتگ۔ اے موہ ءِ سر ءَ رسانکدر ءِ نمائندگاں گوں تران کنان ءَ آئی ءَ گوشت کہ اے سکیں دلپدردی ءِ وئیل اِنت کہ ایشی ءِ تہ ءَ 8 مردم بیران بوتگ اَنت، 12 ٹپیگ بوتگ اَنت، ایشانی تہ ءَ 4 مردم الاج ءَ اَنت، وھدیکہ 8 مردم الاج ءَ پد نادراھجاہ ءَ چہ ڈسچارج کنگ بیتگ اَنت۔ آئی ءَ گوشت کہ پٹ ءُ پول ءَ پد اے گپ پدر بوتگ کہ اے وئیل گیس ءِ لیک ءِ سبب ءَ بوتگ، وئیل آروس ءِ گس ءَ بوتگ۔ آئی ءَ گوشت کہ بیران بوتگیں مردمانی غم ءَ گوں ھمگرنچ آں، حکومت تراک ءَ بیران بوتگیں مردمانی کھول آناں کمک کنت، ءُ بوتگیں تاوان ءَ را ھما حد ءَ کہ بوت کنت ھلاس کنگ بیت، ءُ یلہ داتگیں لوگ آنی جوڑ کنگ ءِ واستہ ھم کمک کنگ بیت۔ یک جُستے ءِ پسو ءَ آئی ءَ گْوشتگ کہ گیس ءِ لیکگ انسانی لاپروائی بوت کنت بلے ایشی ءَ مجرمانہ لاپروائی گْوشگ نہ بیت۔