موسمیاتی بدلی ءِ باوجود دگنیا اے جیڈھ ءَ بے پرواہ اِنت، دیمروئی کتگیں ملکانی ذمہ واریں دیمروئی ءِ بار کم دیمروئی کتگیں ملکانی سر ءَ ایر کنگ بوھگ ءَ اِنت، وفاقی وزیر پروفیسر احسن اقبال

اسلام آباد۔13جنوری  (اے پی پی): منصوبہ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ موسمیاتی بدلی ءِ باوجود اے جیڈھ ءِ سر ءَ جھان ءِ تک ءَ بے پرواہی است انت، دیمروئی کتگیں ملک آنی ذمہ واریں دیمروئی ءِ بار کم دیمروئی کتگیں ملک آنی سر ءَ ایر کنگ بوھگ ءَ انت، دیمروئی کتگیں ملک آناں مالیاتی اثر ءُ رسوخ ءِ دیم ءَ آرگ لوٹ ایت۔ دیمروئی کنوکیں ملکاں موسمیاتی بدلی ءِ گوں گر ءُ چیل بوھگ ءِ ھاتر ءَ موسمیاتی بدلی ءِ رد ءَ میاں اوستمانی مالیاتی نظام ءِ زوتیں نوک کنگ ءُ اصلاحات ءِ ضلورت اِنت، پاکستان موسمی بدلی ءَ چہ آماچیں دگنیا ءِ 10 مزنیں ملکانی تہ ءَ ھوار اِنت، گرین ہاؤس گیس ءِ کشگ ءِ تہ ءَ مئے بھر ءُ بانگ یک درسد ءَ چہ کم اِنت، بلے موسمیاتی دیمروئی ءِ سبب ءَ دیمروئی ءِ آماچ اِنت۔ مارا بار بار بحالی ءِ سرا ھرچ کنگی اِنت۔ آئی ءَ اے کمی آنی درشانی موسمیاتی بدلی ءِ جائزہ ءِ واستہ مشاورتی ورکشاپ ءَ گوں تران کنان ءَ کت۔ وفاقی وزیر ءَ گوشت کہ پاکستان موسمی مٹ ءُ بدلی ءَ چہ آماچیں دگنیا ءِ 10 مزنیں ملک آنی تہ ءَ ھوار اِنت۔ آئی ءَ گوشت کہ گرین ہاؤس گیس ءِ کشگ ءِ تہ ءَ مئے بھر یک درسد ءَ چہ کم اِنت بلے موسمی آفت آنی سبب ءَ مارا پدا پدا بحالی ءِ سر ءَ دیمروئی وسیلگ آناں ھرچ کنگی اِنت۔ وفاقی وزیر برائے منصوبہ بندی ءَ گوشت کہ 2022ءِ تباہ کنوکیں سیلاب ءَ پاکستان ءَ را نزیک ءَ 30ارب ڈالر ءِ تاوان رستگ ایشی ءَ چہ گریب ءُ پدمنتگیں دمگ آنی تہ ءَ گریبی، نادراھی ءُ جیڈھ آناں گیش گیش بوتگ۔ پروفیسر احسن اقبال ءَ گشتگ کہ 2025 ءِ مزنیں سیلاب ءَ پنجاب ءِ جتا جتائیں دمگ سک باز تاوان داتگ انت۔ آئی ءَ گوشت کہ سرمایہ کاری ءَ را کلائمیٹ پروف جوڑ کنگ ءِ واستہ نوکیں منصوبگ ءِ رہبند جوڑ کنگ بوھگ ءَ انت۔ پروفیسر احسن اقبال ءَ گوشت کہ شدیدیں گرم ءِ لہر ءُ شدیدیں موسم نوں پاکستان ءِ واستہ رہبند انت۔ آئی ءَ گوشت کہ موسمی بدلی ءِ باوجود جھان ءِ تک ءَ اے جیڈھ ءِ ھوالگ ءَ بے ھیالی گندگ ءَ کیت، دیمروئی کتگیں ملک آنی ذمہ واریں دیمروئی ءِ بار کم دیمروئی کتگیں ملک آنی سر ءَ ایر کنگ بوھگ ءَ اِنت۔ پروفیسر احسن اقبال ءَ گشتگ کہ دیمروئی کتگیں ملک وتی ذمہ واریاں پیلو بہ کن انت ءُ موسمی بدلی ءَ گوں گر ءُ چیل بوھگ ءِ ھاتر ءَ دیمروئی کنوکیں ملک آناں جوانیں مالی ءُ تکنیکی کمک بہ کن انت۔ آئی ءَ گوشت کہ موسمی مٹ ءُ بدلی ءِ درگت ءَ میاں اوستمانی مالیاتی نظام ءِ نوک کنگ ءُ اصلاح کنگ ءِ زوتیں ضلورت انت۔ منصوبہ بندی ءُ دیمروئی ءِ وفاقی وزیر احسن اقبال ءَ گوشت کہ اے ورکشاپ ٹھوس عمل درآمد ءِ نیمگ ءَ یک ھاسیں سنگ میل ءِ انت۔ آئی ءَ گوشت کہ پی ایس ڈی پی ءِ تہ ءَ اقتصادی ءُ تکنیکی تجزیہ ءَ را گیش مھکم کنگ بوھگ ءَ اِنت، ءُ منصوبگ بندی ءِ نظام ءَ اصلاحات کنگ بوھگ ءَ اِنت تانکہ پی ایس ڈی پی ءِ تہ ءَ موسمی تابکاری ءَ را ھوار کنگ بہ بیت۔ پروفیسر احسن اقبال ءَ گوشت کہ چاگرد ءِ رکھینگ پاکستان ءِ بالی گراب ءِ صنعت ءِ یک ستونے جوڑ بوتگ۔