استاداں گوں نوکیں وانگ ءُ زانگ ءِ لوٹاں ھمگرنچ کنگ سرکار ءِ اولی ترجی اِنت، وجیہہ قمر

اسلام آباد۔13جنوری  (اے پی پی): وفاقی وانگ ءُ زانگ ءُ پیشہ وارانہ تربیت ءِ وزیر مملکت واجہ قمر ءَ گوشت کہ استاد آناں نوکیں وانگ ءُ زانگ ءِ لوٹ آنی گوما ھمگرنچ کنگ حکومت ءِ اولی ترجی اِنت۔ غیر رسمی تعلیم ءِ دیمروئی ءِ ہمراہی ءَ استادانی اعزاز ءِ منظوری ہم اے جزم ءِ عملی درشان انت۔ آئی ءَ زور پر دات کہ استاد راج ءِ آیوکیں وھد ءِ جوڑ کنگ ءَ بنیاتی کرد پیلو کن اَنت ءُ حکومت آوانی پیشہ وارانہ مہارت آناں گیش کنگ ءِ واستہ سنگینیں گامگیج زورگ ءَ اِنت۔ آ سئے شمبے ءِ روچ ءَ اسلام آباد ءِ فیڈرل کالج آف ایجوکیشن ءَ آزات کشمیر ءِ بسق ایجوکیشن کمیونٹی اسکول آنی 201 استاد آنی واستہ ڈائریکٹوریٹ جنرل نان فارمل ایجوکیشن ءِ نیمگ ءَ برجم داشتگیں پنچ روچی تربیتی ورکشاپ ءِ بنگیج ءِ مراگش ءَ گوں تران کنگ ءَ ات۔ مراگش ءَ گوں تران کنان ءَ ڈائریکٹر جنرل بی ای سی ایس ہدرانیزی ءَ مزنیں مہمان ءُ شریکیں مردم آناں وش آتک کت ءُ گوشت کہ اے بسک ایجوکیشن پروگرام گوستگیں لھتیں دہائیاں چہ چاگرد ءِ نزوریں تبک ءِ ھزمت کنگ ءَ انت، ایشی ءِ وسیلگ ءَ لکھوں زھگ آناں بنیاتی وانگ ءُ زانگ ءِ موہ رستگ۔ آئی ءَ گوشت کہ اے وھد ءَ آزات کشمیر ءَ جوڑ بوتگیں 201 کمیونٹی اسکول آنی تہ ءَ نزیک ءَ دہ ھزار زھگ وانگ ءَ انت ایشانی تہ ءَ گیشتریں بہر زھگ انت۔ آئی ءَ گوشت کہ اے ٹریننگ ورکشاپ ءِ برجم دارگ ءِ واستہ استاد آناں نوکیں وانینگ ءِ رھبند آنی گوما آشنا کنگ ءُ آوانی رابطہ کاری ءِ ازم ءَ را گیش کنگ ءِ واستہ جوڑ کنگ بوتگ۔ چار سال ءَ پد نودربراں وانینگ ءِ سامان دیگ بنت وھدے کہ ھشت سال ءِ فرق ءَ پد اے تربیتی پروگرام ءِ برجم دارگ بوھگ ءَ انت کہ وانینگ ءِ رہبند ءُ اسکول آنی سرجمیں کارکردگی ءَ را گہتر کنگ بہ بیت۔ وزیر مملکت ءَ ڈائریکٹوریٹ جنرل آف نان فارمل ایجوکیشن ءُ بی ای سی ایس ءِ کارکردگی ءِ توسیپ کنان ءَ گوشت کہ اے وڑیں تربیتی پروگرام استاد آناں استیں وانگ ءُ زانگ ءِ ضلورت آنی گوما یکجا کنگ ءِ واستہ ھاسیں کرد پیلو کن اَنت۔ آئی ءَ گوشت کہ آزات کشمیر ءَ چہ اسلام آباد ءَ آیوکیں استاد آنی بھر زوری ستا کرز ایت ءُ حکومت اے گپ ءَ دل یکیمی کنت کہ آیوکیں وھد ءَ ھم اے رنگیں پروگرام باقاعدہ برجم دارگ بہ بنت۔ واجہک قمر ءَ استاد آناں دل یکیمی دات کہ حکومت نودربر آناں وھد ءِ سر ءَ وانگ ءُ زانگ ءِ سامان آنی پجارینگ ءِ نیمگ ءَ سرجمیں کمک ءَ برجاہ دار ایت۔ آئی ءَ جار جتگ کہ ماہانہ 100کروڑ کلدار ءِ اعزاز ءِ زرّ دیگ بیت۔ استاد آنی واستہ 37500 کلدار منظور کنگ بوتگ کہ آیوکیں مالی سال ءَ چہ ایشی ءِ سر ءَ عمل کنگ بیت۔ آئی ءَ اے جزم ءِ پدا زور پر دات کہ ھچ زھگ وانگ ءُ زانگ ءَ چہ زبھر کنگ مہ بیت۔ آئی ءَ گوشت کہ ھمک زھگ ءَ را جوانیں وانگ ءُ زانگ ءِ پھجارینگ یکجائی ءِ ذمہ واری اِنت ءُ اے راجی مشن ءِ تہ ءَ استاد سروکیں کرد ءَ پیلو کنگ ءَ اَنت۔ آئی ءَ گوشت کہ منی کارگس ھمک وھد ءَ استاد آنی واستہ دسترس ءِ تہ ءَ مانیت۔ وزیر ءِ مملکت ءَ گوشت کہ آیوکیں تربیتی پروگرام یا اسلام آباد ءَ برجم دارگ بنت یا آزات کشمیر ءَ تاں سر کنگ بنت تانکہ استاد آناں برجاھیں پیشہ وارانہ تربیت ءَ را دل یکیمی کنگ بہ بیت ءُ وانگ ءُ زانگ ءِ راہداری دمگ ءِ ھمک دمگ ءَ سر بہ بنت۔