پاکستان میاں اوستمانی ڈیجیٹل اثاثہ ءِ شوبگ ءَ یک جوانیں  ملکے، موہ ءُ خطرات ءِ توازن ءِ ھاتر ءَ ریگولیشن المی انت، وزیر خزانہ محمد اورنگزیب

اسلام آباد۔13جنوری  (اے پی پی): وفاقی وزیر خزانہ ءُ آمدنی، سٹرور محمد اورنگزیب ءَ گوشت کہ پاکستان میاں اوستمانی ڈیجیٹل اثاثہ آنی شوبگ ءَ یک جوانیں  ملکے، موہ ءُ رسک آنی تہ ءَ توازن ءِ واستہ ریگولیشن المی اِنت۔ آئی ءَ اے گپ سئے شمبے ءِ روچ ءَ آئی کوائن ٹیکنالوجی ءِ ڈل ءَ گوں گند ءُ نند ءِ ساھت ءَ کت، ایشی ءِ چیئرمین ءُ چیف ایگزیکٹو آفیسر سراج چٹا سلویسٹر ءِ سروکی ءَ کت۔ وزیر ءِ ھزانگ ءَ حکومت پاکستان ءِ نیمگ ءَ ڈیجیٹل اثاثہ آنی واستہ یک ڈھانچہ ءُ ذمہ واریں فریم ورک ءِ جوڑ کنگ ءِ واستہ برجاھیں کوشست آناں ڈل ءَ را سرپد کت۔ آئی ءَ ڈل ءَ را پاکستان کریپٹو کونسل ءُ پاکستان ورچوئل اثاثہ ریگولیٹری اتھارٹی ءِ پیشرفت ءِ بابت ءَ ھم سرپدی دات ءُ اے گامگیج آنی پسماندہ، پیسفک ءِ گامگیج آنی ڈھانچہ، مارکیٹ ءِ دیمروئی ءِ سر ءَ ایشی ءِ گیشیں اثر، مالیاتی شمولیت، شفافیت ءُ صارف آنی رکھینگ ءِ بابت ءَ ھم سرپدی دات۔ وزیر خزانہ ءَ ورلڈ بینک ءِ تجزیاتی رپورٹ آنی حوالہ ءَ پاکستان ءِ ڈیجیٹل اثاثہ آنی ھوالگ ءَ کار آنی تہ ءَ گیش بوھوکیں ھوار بوھگ ءِ سر ءَ زور پر دات ءُ اے جزم ءِ درشان کت کہ حکومت اے کار آناں یک جوانیں ریگولیٹڈ ماحول ءِ تہ ءَ ھوار کنگ لوٹ ایت کہ ایشی ءَ چہ صارفین ءِ رکھینگ ءَ را گیش کنگ بیت ءُ ھمے وھد ءَ جدت ءُ سرمایہ کاری ءِ واستہ ھم دلبڈی دیگ بیت۔ آئی ءَ اے گپ ءِ سر ءَ زور پر دات کہ موہ ءُ رسک آنی تہ ءَ توازن ءِ واستہ ضوابط المی اَنت ھاسیں رنگ ءَ اے وھد ءَ کہ پاکستانی شہری آنی نیمگ ءَ ڈیجیٹل اثاثہ آناں کارمرد کنگ ءِ تہ ءَ مزنیں کساسے ءَ گیشی بوھگ ءَ اِنت۔ آئی ءَ گوشت کہ نوکیں ریگولیٹری فریم ورک ءِ جوڑ کنگ بوھگ ءَ اِنت تانکہ مارکیٹ ءِ بھر زوروک آناں ھاسیں رہشونی دیگ بہ بیت، میاں اوستمانی جوانیں کارروائی آنی گوما ھمگرنچ بہ بیت ءُ اسٹیٹ بینک ءَ ھوار درستیں سیادی داروکیں ریگولیٹرز آنی واستہ یکجائی فریم ورک جوڑ کنگ بہ بیت تانکہ منظم مارکیٹ ءِ دیمروئی ءُ ادارگی شمولیت ءِ ھاترا توانمند بہ بیت۔ چٹا سلویسٹر ءَ امریکہ ءُ قذافی مارکیٹانی تجربات ءِ سرا وتی بصیرت شیئر کتگ ءُ مزنیں کارمرز کنوکاں گوں بینک، ایکسچینج ءُ پلیٹ فارمز ءِ گوما آئی کوائن ٹیکنالوجی ءِ کار ءِ حوالہ داتگ۔ آئی ءَ درشان کت کہ دیمروئی کتگیں مارکیٹ آنی تہ ءَ ریگولیٹری وضاحت ءَ روایتی مالیاتی ادارگ آناں بینکنگ سسٹم ءَ را دوبر منظم کنگ ءِ ضلورت ءِ ھستیں انفراسٹرکچر ءِ وسیلگ ءَ ڈیجیٹل اثاثہ آنی گوما یکجا بوھگ ءِ موہ داتگ۔ آئی ءَ پرس ءِ سر ءَ بنیات ءِ مڈل ویئر ءُ سوئچنگ ٹیکنالوجی ءِ کرد ءَ را ھم پدر کت کہ بینک آناں ایکسچینج ءِ گوما ایمنیں رنگ ءَ گوں ھمگرنچ بوھگ ءَ کمک کنت، لیکویڈیٹی ءِ انتظام ءَ کنت، لین دین ءَ را گہتر کنت ءُ وتی واقفیں بینکنگ ایپس ءِ وسیلگ ءَ صارف آناں ڈیجیٹل اثاثہ ءِ سروسز ءِ پجارینگ ءَ کمک کنت۔ ڈل ءَ زور پر دات کہ بلاکچین ٹیکنالوجی ءُ اسٹیبل کوائنز ءَ مالیاتی انفراسٹرکچر ءَ را نوک کنگ ءِ صلاحیت است انت پرچا کہ آ ریگولیٹری نگرانی ءَ را برجم دارگ ءِ وھد ءَ تیز تر، کم لاگت ءُ گیش شفاف لین دین ءَ را اہل کن انت۔ اے درگت ءَ من امریکہ ءَ منظور بوھوکیں نوکیں کانود ءِ ھم حوالہ دیان آں کہ ایشی ءِ مول ءُ مراد ڈیجیٹل اثاثہ آنی ھاسیں رنگ ءَ اسٹیبل کوائنز ءِ ریگولیشن ءَ را ھمگرنچ کنگ ءُ ڈیجیٹل اثاثہ آناں بینکنگ سسٹم ءِ تہ ءَ یکجا کنگ اِنت۔ ڈل ءَ اے گپ ءِ سر ءَ دلگوش گور کت کہ جتا جتائیں ملک آنی تہ ءَ ورنا ءُ ٹیکنالوجی ءِ زانتکاریں آبادی پیسر ءَ چہ ڈیجیٹل اثاثہ آنی گوما ھوار انت ءُ بینک آنی وسیلگ ءَ منظم شمولیت ءَ چہ اے سرگرمی ءَ را باقاعدہ مالیاتی نظام ءِ تہ ءَ دارگ ءَ کمک کنگ بوھگ ءَ انت۔ دیوان ءَ آئی کوائن ءِ جھان ءِ کارانی سر ءَ ھم تران کنگ بوت، ایشی ءِ تہ ءَ شریکداری ءِ منصوبگ ھم ھوار اَنت کہ مزنیں کارمرد آناں ڈیجیٹل اثاثہ ءِ سروسز ءِ رسائی ءَ را پھجارینگ ءَ اَنت۔ ڈل ءَ پاکستان ءَ دمگی شریک آنی گوما موہ آناں شوھازگ ءِ تہ ءَ کمپنی ءِ دلگوشی ءِ درشانی کت ءُ ھمگرنچیں ریگولیٹری راہ ، لائسنسنگ ءِ لوٹ ءُ بینک ءُ ریگولیٹرز ءِ گوما رابطہ ءِ واستہ میکانزم ءِ سر ءَ رہشونی ءِ لوٹ کت۔ وزیر خزانہ ءَ پنت ءُ شون کت کہ چیا کہ ریگولیٹری لینڈ اسکیپ انگت ءَ دیمروئی ءِ پڑ ءَ انت، اے یک جوانیں گامگیج ءِ بیت کہ دلچسپی داروکیں بینک ءُ سیادی داروکیں ادارگ آنی گوما زوتیں رنگ ءَ رابطہ ءِ جوڑ کنگ بہ بیت، ھمے وھد ءَ سرکاری بینک ءُ ریگولیٹرز ءِ گوما برجاھیں گپ ءُ تران ءَ را برجاہ دارگ بہ بیت۔ آئی ءَ یک رندے پدا گوشت کہ پاکستان ڈیجیٹل اثاثہ آنی ماحولیاتی نظام ءِ جوڑیشت ءِ بنداتی بلے المی ئیں پڑ ءَ اِنت، ءُ ما راجی اولویت آنی رد ءَ زانت ءِ تبادلہ ءُ ذمہ واریں سرمایہ کاری ءَ را اولیت دئیں۔ فریسنل ءَ پاکستان ءَ یک شفاف، شمولیت ءُ جوانیں رنگ ءَ ریگولیٹڈ ڈیجیٹل اثاثہ جات ءِ مارکیٹ ءِ جوڑ کنگ ءِ ھاتر ءَ یکے دومی ءِ ھوار بوھگ ءِ برجاہ دارگ، کمک ءِ ممکنہ دمگ آنی چار ءُ تپاسی ءُ ھیال آنی تبادلہ ءَ را برجاہ دارگ ءِ سر ءَ تپاک کت۔ آئی کوائن ٹیکنالوجی انکارپوریٹڈ یک بلاکچین انفراسٹرکچر کمپنی یے کہ کریپٹو کرنسی ءِ ھاتر ءَ جدید ترین ہارڈ ویئر پرس ءِ نظام ءِ دیمروئی ءِ سرا دلگوش دنت۔ اے ڈل ءِ تہ ءَ لیفٹیننٹ جنرل (ر) ٹیری روبلنگ( جو آئیکون ٹیکنالوجی  ءِ  مشیر اِنت)، محمود اظہر جبار چیف ایگزیکٹو آفیسر ٹیک ایکسس   ءُ   طارق حفیظ ملک چیف ٹیکنالوجی آفیسر ٹیک ایکسس   ھوار اتنت۔