سندھ ءِ آپی منوگری ءِ مھتل کنگ دمگی امن ءُ پاکستان ءِ آپی حقانی ھاترا مزنیں ھترہ یے، ہندوستان ءِ آپی جارحیت ءِ مول ءُ مراد مارا آپی ڈکال ءِ تہا آرگ اِنت، وفاقی وزیر پروفیسر احسن اقبال

اسلام آباد۔13جنوری  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ بھارت ءِ نیمگ ءَ سندھ ءِ آپ ءِ منوگری ءِ مھتل کنگ دمگی امن ءُ پاکستان ءِ آپ ءِ ھک آنی واستہ مزنیں ھترہ اِنت، بھارت ءِ آپ ءِ سر ءَ زوراکی ءِ مول ءُ مراد پاکستان ءَ را آپی ڈکال ءِ تہ ءَ ھوار کنگ اِنت۔ ماحولیاتی ءُ موسمی بدلی ءِ سبب ءَ بوتگ۔ آئی ءَ اے گپ سئے شمبے ءِ روچ ءَ ٹاسک فورس برائے نیشنل واٹر سیکورٹی ءِ اولی دیوان ءِ سروکی ءَ کنان ءَ کت۔ وزیر آبی وسائل میاں محمد موئن واٹو ءَ ھم گند ءُ نند ءَ بھر زوری کت۔ وفاقی وزیر ءَ ہدایت کتگ کہ وزارت آبی وسائل ءِ چیر دستی ءَ یک ھاسیں کارگس ءِ جوڑ کنگ ءُ 51 روچ ءِ تہ ءَ پلاننگ کمیشن ءَ کارروائی ءِ لائکیں سفارشات پیش کنگ بہ بنت۔ گند ءُ نند ءَ گوشتگ بوت کہ ہندوکش ءُ ہمالیہ ءِ دمگ ءَ برف ءِ پگھل بوھگ ءِ شرح ءَ ریکارڈ 65درسد گیشی بوتگ ءُ سیاچن گلیشیر سالے 50 ءَ چہ 60 میٹر ءِ شرح ءَ پگھل بوھگ ءَ انت۔ ہمالیہ ءِ کوہانی تہا برف ءِ پگھل بوہگ ءِ شرح سالے 30 میٹر ءَ سر بوتگ۔ منصوبہ بندی ءِ وزیر ءَ آپ ءِ پالیشی آناں عملی منصوبگ آنی تہ ءَ بدل کنگ ءِ واستہ ترندیں تکنیکی ورکشاپ ءِ دعوت دیگ ءِ ہدایت کتگ ءُ گوشت کہ موسمی بدلی ءَ گلیشیر آنی پگھل بوھگ ءَ را ھال ءِ رد ءَ گیش کتگ ءُ 1960ءَ چہ 23درسد گلیشیر پگھل بوتگ ءُ وتی یخ گار کتگ۔ موسمی مٹ ءُ بدلی ءِ سبب ءَ پاکستان ءَ آپ ءِ سنگین ءُ دراجیں مدت ءِ ڈکال ءِ دیمپانی ءِ امکان انت۔ ہندوستان ءِ نیمگ ءَ سندھ ءِ آپ ءِ معاہدہ ءِ مھتل کنگ دمگی امن ءُ پاکستان ءِ آپ ءِ حقانی ھاترا مزنیں ھترہ یے ۔ آئی ءَ گوشت کہ بھارت ءِ آپی زوراکی ءِ مول ءُ مراد پاکستان ءَ را آپی ڈکال ءِ تہ ءَ ایر کنگ اِنت، ءُ دریا آنی روانی ءِ تہ ءَ گیش بوھوکیں بے وسی پاکستان ءِ واستہ مزنیں ھترہ اِنت۔ پروفیسر احسن اقبال ءَ گوشت کہ آپ ءِ ایمنی وردن ءُ وراک ءِ ایمنی ءُ اقتصادی برجائی ءِ ضمانت انت۔ آئی ءَ راجی آپی پالیسی ءِ ھوالگ ءَ فیڈریشن ءُ صوبگ آنی نیام ءَ ہر قیمت ءِ سر ءَ ھمگرنچی ءَ را گیش مھکم کنگ ءِ ہدایت کت۔ آئی ءَ گوشت کہ آپی سلامتی ایوک ءَ یک شوبگ ءِ نہ اِنت بلکینگ ءَ ملک ءِ زندگ بوھگ ءُ حاکمیت ءِ بنیات اِنت۔ پروفیسر احسن اقبال ءَ گوشت کہ ٹاسک فورس ءَ نہ ایوک ءَ جیڈھ آناں پٹ ءُ پول کنگ لوٹ ایت بلکیں ترندیں گیواری ءِ پیشکش ھم کنگی اِنت، پاکستان ءِ 80درسد آپ دریا آنی تہ ءَ چہ زورگ بیت، پاکستان ءَ آبادی ءِ تہ ءَ گیشی ءِ سبب ءَ آپ ءِ سکیں کمی ءِ آماچ اِنت ءُ آپ ءِ بندوبست ءِ مالیاتی ماڈل ءَ را آبادی ءُ موسمیاتی بدلی ءِ رد ءَ اپ ڈیٹ کنگ بوھگ ءَ اِنت۔ آئی ءَ گوشت کہ گران بہائیں وشیں آپ دریا آناں آلودہ کنگ ءُ دریا ءَ روگ ءَ چہ ضائع کنگ بوھگ ءَ انت، پنچیں ایس آنی تہ ءَ یکے آپ ءِ رکھینگ ءِ احاطہ کنت۔ وفاقی وزیر ءَ گوشت کہ یونیورسٹی ءُ آپ ءِ ماہرین یکجائی ءَ آپ ءِ رکھینگ ءِ منصوبگ بندی ءِ واستہ کار کنگ لوٹ ایت، پاکستان ءِ دیم ءَ اوشتاتگیں چیلنج آنی جوانیں گیواری ءِ سوج دیگ ءَ ٹاسک فورس کلیدی کرد پیلو کنت۔ آئی ءَ گوشت کہ ملک ءَ نوکیں ڈیم جوڑ کنئگ وھد ءِ ضلورت اِنت، پاکستان ءَ آپ ءِ ذخیرہ ءِ تہ ءَ گیشی ءِ واستہ دیامر بھاشا ءُ موہمند ڈیم سنگ میل ءِ رنگ ءَ ثابت بنت۔ وفاقی وزیر ءَ گوشت کہ چیئرمین واپڈا، ایرسا، نیشنل فلڈ کمیشن ءُ توامیں صوبگ وتی ماہرین ءِ شور ءُ سلاھاں کارگس ءَ را بہ دنت۔ آئی ءَ آپ ءِ ڈکال ءَ گوں گر ءُ چیل بوھگ ءِ واستہ ٹائم ٹیبل ءِ ٹھینگ ءُ عملی ءُ کارآمدیں گیواری پیش کنگ ءِ ہدایت کت ءُ گوشت کہ آپ ءِ چیلنج ءُ ھترہ آناں اولویت ءِ بنیاد ءَ گیش ءُ گیوار کنگ بیت۔