مزن وزیر شہباز شریف ءَ گوں ایرکسن ءِ ڈل  ءِ  گند ءُ نند کتگ ، آئی ٹی انفراسٹرکچر ءَ را گیش گہتر کنگ ءِ ھاتر ءَ حکومت ءِ کوشست آنی توسیپ

اسلام آباد۔13جنوری  (اے پی پی): مزن وزیر محمد شہباز شریف ءَ 5جی ءَ ھوار نوکیں نیٹ ورک آنی تہ ءَ ایرکسن ءِ جھان ءِ تجربگ آناں چہ پائدگ چست کنگ ءِ واستہ پاکستان ءِ واھشت ءِ سر ءَ زور پر دات ءُ راجی لوٹ آنی رد ءَ ایمن ءُ پائیدار آئی ٹی انفراسٹرکچر ءِ دیمروئی ءَ را دل یکیمی کنگ ءِ واستہ وتی جزم ءِ سر ءَ زور پر دات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سئے شمبے ءِ روچ ءَ سویڈن ءِ نامداریں ٹیلی کمیونیکیشن کمپنی ایرکسن ءِ ڈل ءَ مزن وزیر محمد شہباز شریف ءَ گوں مزن وزیر گس ءَ گند ءُ نند کت۔ ڈل ءِ سروکی ءَ کمپنی ءِ صدر ءُ مارکیٹ ایریا یورپ، میاں اوستمانی ءُ افریقہ ءِ سروک پیٹرک جوہانسن ءَ کتگ۔ مزن وزیر ءَ ڈل ءَ را وش اتک کنان ءَ پاکستان ءَ ایرکسن ءِ شش دہائی ءِ سرمایہ کاری ءُ ملک ءِ ٹیلی کمیونیکیشن شوبگ ءِ دیمروئی ءِ تہ ءَ آئی ءِ کرد ءَ را ساڑات۔ گند ءُ نند ءَ اقتصادی دیمروئی، پیداواری ءُ سرکاری ازمت ءِ پجاری ءِ واستہ آیوکیں نسل ءِ ڈیجیٹل کمیونیکیشن ءِ ارزشت ءِ سر ءَ ھیال ریچی کنگ بوت۔ مزن وزیر ءَ 5 جی ءَ ھوار نوکیں نیٹ ورک آنی تہ ءَ ایرکسن ءِ جھان ءِ تجربگ ءَ چہ سیت چست کنگ ءِ پاکستان ءِ واھشت ءِ سر ءَ زور پر دات ءُ راجی لوٹ آنی رد ءَ ایمن ءُ پائیدار آئی ٹی انفراسٹرکچر ءِ دیمروئی ءَ را دل یکیمی کنگ ءِ واستہ وتی جزم ءِ سر ءَ زور پر دات۔ گند ءُ نند ءَ ڈیجیٹل مہارت آنی دیمروئی، مالی شمولیت ءُ کیش لیس ادائیگی ءِ نظام ءِ تہ ءَ گیشی ءِ ھوار ٹیکنالوجی ءِ کارمرد کنگ ءِ سر ءَ ھم گپ ءُ تران کنگ بوتگ تانکہ قدرتی آفت آنی واستہ تیاری ءُ ادارگی تیاری ءَ را گیش گہتر کنگ بہ بیت۔ مزن وزیر ءَ ٹیکنالوجی ءِ شوبگ ءَ درملکی سرمایہ کار ءُ اسٹریٹجک پارٹنر آنی کمک ءِ واستہ حکومت ءِ جزم ءِ سر ءَ پدا زور دات۔ ایرکسن ءِ ڈل ءَ 5جی سپیکٹرم ءِ نیلامی ءَ ھوار ملک ءِ آئی ٹی انفراسٹرکچر ءَ را گیش گہتر کنگ ءِ واستہ حکومت پاکستان ءِ کوشست آناں ساڑات۔ گند ءُ نند ءَ نائب مزن وزیر ءُ دری کارانی وزیر محمد اسحاق ڈار، آئی ٹی ءِ وزیر شازہ فاطمہ خواجہ، ھاسیں کمکار سید طارق فاطمی ءُ سرکاری مزنیں کارندہ آں ھم بھر زوری کتگ۔