وزیر دفاع خواجہ محمد آصف مراکش ءِ سرکاری تر ءُ تاب ءِ سر ءَ دفاعی کمک ءِ ھوالگ ءَ مفاہمت نامہ ءِ سر ءَ دستخط کنگ بوت

اسلام آباد۔13جنوری  (اے پی پی): وفاقی وزیر دفاع خواجہ محمد آصف ءَ مراکش ءِ سرکاری تر ءُ تاب کتگ۔ تر ءُ تاب ءِ ساھت ءَ پاکستان ءُ مراکش ءِ نیام ءَ دفاعی کمک ءِ ھوالگ ءَ مفاہمت نامہ ءِ سر ءَ دستخط کنگ بوت ایش دوئیں ملک آنی نیام ءَ دو نیمگی دفاعی ءُ سلامتی کمک ءَ را گیش مھکم کنگ ءِ تہ ءَ یک ھاسیں سنگ ءِ انت۔ وزارت دفاع ءِ نیمگ ءَ چہ ادا جاڑی بوتگیں بیان ءِ رد ءَ وفاقی وزیر خواجہ محمد آصف ءَ پاکستانی ڈل ءِ گوما وت مہ وتی سیت ءِ شوبگ آنی تہ ءَ کمک ءَ را دیمروئی دیگ ءِ ھوالگ ءَ ڈل ءِ تک ءَ ھیال ءُ لیکہ ءِ درشان کتگ۔ آئی ءَ گوں وتی مراکشی ھمکار ءَ ھم گند ءُ نند کتگ ءُ گند ءُ نند ءِ گڈ ءَ سوگات ءُ سوگات ءِ بدلی کتگ۔ وفاقی وزیر دفاع خواجہ محمد آصف ءَ مراکش ءِ وزیر دفاع ءَ را پاکستان ءِ جوڑ کتگیں فٹ بال ھم دات۔ دیوان ءَ چہ پیسر وفاقی وزیر دفاع خواجہ محمد آصف ءَ محمد پنجم ءِ مزار ءِ تر ءُ تاب کتگ ات، اودا آئی ءَ فاتحہ پیش کتگ ات ءُ مزار ءِ مہمان کتاب ءِ سرا دستخط کتگ ات۔ تر ءُ تاب ءَ دری کارانی وزیر آناں دو نیمگی ءُ دمگی جیڈھ آنی سر ءَ ھیال ءُ لیکہ ءِ درشان کنگ ءِ موہ رست، ایشی ءَ چہ امن، استحکام ءُ کمک ءِ واستہ وتی یکجائی جزم ءِ پدر کنگ بوت۔ اے تر ءُ تاب ءَ پاکستان ءُ مراکش ءِ نیام ءَ دیریں دوستی ءِ سیادی ءِ درشان کنگ بوتگ ءُ دفاعی، سلامتی ءُ یکجائی دلچسپی ءِ ایندگر شوبگ آنی تہ ءَ کمک ءَ را گیش گہتر کنگ ءِ وت مہ وتی واھشت ءِ سر ءَ ھم پدر کنگ بوتگ۔