راجی میراث ءُ دود ءُ ربیدگ ءِ وفاقی وزیر ءَ سری لنکا ءِ سفیر ءَ گوں گند ءُ نند کتگ، دوئیں ملک آنی نیام ءَ دود ءُ ربیدگ ءِ کمک ءُ مذہبی میراث ءِ دیمروئی ءِ سر ءَ تپاک

اسلام آباد۔13جنوری  (اے پی پی): پاکستان ءُ سری لنکا ءِ نیام ءَ دو نیمگی سیادی ءَ را گیش مھکم کنگ ءِ واستہ دود ءُ ربیدگی کمک ءَ را دیمروئی دیگ ءِ سر ءَ تپاک کنگ بوتگ ایشی ءِ تہ ءَ ھاسیں رنگ ءَ دود ءُ ربیدگی مڈی، آرٹس ءُ مذہبی مڈی ءِ سر ءَ دلگوشی دیگ بوتگ۔ اے تپاک پاکستان ءَ راجی مڈی ءُ دود ءُ ربیدگ ءِ وفاقی وزیر اورنگزیب خان کھیچی، سیکرٹری راجی مڈی ءُ دود ءُ ربیدگ ءِ ڈویژن اسد رحمان گلہنی ءُ سری لنکا ءِ سفیر ریئر ایڈمرل فریڈ سنوری ءِ نیام ءَ بوتگیں گند ءُ نند ءِ ساھت ءَ بوتگ۔ اے موہ ءِ سر ءَ وفاقی وزیر ءِ اعزازی مشیر سیدی عثمان شاہ ھم ساڑی ات۔ گند ءُ نند ءَ دوئیں ملک آنی دود ءُ ربیدگی میراث، ازم ءُ روایتی دود ءُ ربیدگ ءِ دیمروئی ءِ سر ءَ زور پر دات۔ دوئیں رہشوناں یکجائی دود ءُ ربیدگ ءِ نمائش، آرٹ ءِ نمائش ءُ ستا ءِ پروگرام آنی برجم دارگ ءِ ارزشت ءِ سر ءَ زور پر دات تانکہ پاکستانی ءُ سری لنکا ءِ ازمکار، کاریگر ءُ دود ءُ ربیدگ ءِ ادارگ آناں وتی کار آنی دیم ءَ آرگ ءِ واستہ موہ پجارینگ بہ بیت۔ وفاقی وزیر اورنگزیب خان کھیچی ءَ دود ءُ ربیدگی سفارتکاری ءَ را مھکم کنگ ءِ حکومت ءِ جزم ءِ درشان کنان ءَ گوشت کہ مزن وزیر یکجائی دود ءُ ربیدگی منصوبگ آنی برجائی ءِ واھشت مند اِنت۔ آئی ءَ جار جتگ کہ سری لنکا ءَ پاکستان ہائی کمیشن پاکستانی آرکیٹیکچرل ماڈل ءُ دود ءُ ربیدگ ءِ نمائش آناں دیمروئی دیگ ءِ واستہ گامگیج چست کنت۔ وفاقی وزیر ءَ پاکستان ءِ منفرد بودائی مڈی ءِ ارزشت ءِ سر ءَ ھم زور پر دات ءُ گوشت کہ گندھارا تہذیب ءُ ایشی ءِ آثار قدیمہ ءِ جاھ مذہبی سیل ءُ سواد ءِ واستہ مزنیں کشش ءِ جوڑ بوت کن اَنت۔ آئی ءَ گوشت کہ مذھبی مراگش آنی وسیلگ ءَ مردم آنی نیام ءَ رابطہ دود ءُ ربیدگ ءِ تبادلہ ءِ یک جوانیں وسیلگ ءِ بیت ءُ دوئیں ملک آنی نامداریں ٹور آپریٹر ھاسیں مذھبی ءُ دود ءُ ربیدگ ءِ تر ءُ تاب ءِ برجم دارگ ءَ بھر زوری کن اَنت۔ سری لنکا ءِ ڈل ءَ اے گامگیج ءِ وش اتک کتگ ءُ پاکستان ءِ عجائب گھر آنی تہ ءَ ھاسیں رنگ ءَ تکسالہ ءُ لاہور ءَ چہ رکینگ بوتگیں آرٹ ءُ آثار قدیمہ ءِ تہ ءَ دلگوشی ءِ درشانی کتگ۔ سیکرٹری راجی مڈی ءُ دود ءُ ربیدگ اسد رحمان گیلانی ءَ گند ءُ نند ءَ گوشت کہ پاکستان ءِ ھاسیں بودھ مڈی ءِ جاھ آنی ورچوئل ٹور پیسر ءَ چہ دستیاب انت، ایشی ءَ چہ جھان ءِ تک ءَ ثقافتی مڈی ءِ دیمروئی ءَ کمک رسیت۔ دوئیں نیمگ ءَ اے گپ ءِ سر ءَ تپاک کنگ بوت کہ پاکستان ءُ سری لنکا ءِ نیام ءَ وت مہ وتی تپاکی، مردم آنی نیام ءَ رابطہ ءُ دراجیں مدت دوستی ءِ سیادی ءَ را دیمروئی دیگ ءَ دود ءُ ربیدگی سفارتکاری ءِ ھاسیں کرد انت۔ ایشی ءَ ابید دوئیں ملک آنی تہ ءَ یکجائی دود ءُ ربیدگ ءِ نمائش ءُ مراگش آنی منصوبگ بندی ءُ برجم دارگ ءِ تہ ءَ وتی نزیکیں کمک ءَ را برجاہ دارگ ءِ سر ءَ تپاک کنگ بوتگ۔