جہانی وڑاٹ ڈیجیٹل میرات آتا بابت سرجزآتیٹی پاکستان فعال ملک اسے نا وڑاٹ اوار، وزیرخزانہ محمد اورنگزیب

اسلام آباد۔ 13 جنوری (اے پی پی) بنجائی وزیر خزانہ ومحصولات سینیٹر محمد اورنگزیب پارینے کہ جہانی وڑاٹ ڈیجیٹل میرات آتا بابت سرجزآتیٹی پاکستان فعال ملک اسے نا وڑاٹ اوار ءِ، وارخواہی و خطرہ غاتا نیام اٹ توازن قائم کننگ کن ضابطہ کاری المی ءِ۔ اوداہیت ءِ سے شنبے نادے آ داڑے آئی کوئن ٹیکنالوجی نا ڈل اتون اوڑدہی ٹی پارے ہرانا کماشی ءِ چیئرمین و چیف ایگزیکٹیو آفیسر چیٹ سلویستری کریکہ۔ وزیرخزانہ ڈل ءِ حکومت پاکستان نا کنڈآن ڈیجیٹل میرات آتیکن منظم و زموارانہ فریم ورک اناٹہیفنگ کن برجاکوشست آتیان معلومدار کرے۔ اوڈل ءِ پاکستان کرپٹو کونسل و پاکستان ورچوئل میرات ریگولیٹری اتھارٹی نا قیام نا بابت پیش رفت آن ہم معلومدار کرے و دا گام گیج آتا پس منظر، پالیسی گام گیج آتا ترتیب، مارکیٹ نا شونداری، مالی شمولیت، شفافیت و صارف آتا رکھ آ اونا گیشتر اثرآتا وضاحت کرے۔ وزیرخزانہ جہانی جاچکاری رپورٹ آتا حوالہءِ ترسا جہانی کہول آ ڈیجیٹل میرات آتا بابت سرجزآتیٹی پاکستان نا ودوک شمولیت ءِ تالان کرے و داعزم انا درشانی ءِ کرے کہ حکومت دا سرجزآتے اسہ ہندن ءُ گچین وڑاسے آ منظم چاگڑداسے ٹی شاغنگ خواہک ہرا صارف آتا رکھ ءِ پک کے و اوڑتون اوار ہی جدت و زرکاری نا است بڈی ءِ کے۔ اوداہیت آ زور شاغا کہ خاص کر ہندن ءُ وخت اسے ٹی ہراتم پاکستان شاری تا کنڈآن ڈیجیٹل میرات آتا کاریم اٹ اتنگ اٹی تیزی اٹ ودکی مننگ ءِ ، وارخواہی و خطرہ غاتا نیام اٹ توازن قائم کننگ کن ضابطہ المی ءِ۔