مزن وزیر محمد شہباز شریف ءَ این آئی ٹی بی ءِ کارانی بابت ءَ چار ءُ تپاسی دیوان ءِ سروکی کت، ٹیکنالوجی ءِ کارمردی ءَ چہ شہری آنی واستہ سرکاری آسراتی آناں رسگ ءَ را آسان جوڑ کنگ ءِ پنت ءُ شون دات

اسلام آباد۔ 12 جنوری (اے پی پی): مزن وزیر محمد شہباز شریف ءَ ٹیکنالوجی ءِ کارمردی ءَ چہ شہری آنی واستہ سرکاری آسراتی آنی تہ ءَ دسترس ءَ را آسان جوڑ کنگ ءِ ہدایت کتگ ءُ گوشت کہ حج ءِ دراہیں المی ئیں پڑ اے سال ءَ چہ سرجمی ءَ ڈیجیٹل کنگ بہ بنت تانکہ زائرین آنی آسراتی بہ بیت۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ این آئی ٹی بی ءِ کار آنی ھوالگ ءَ مزن وزیر محمد شہباز شریف ءِ سروکی ءَ چار ءُ تپاسی دیوان برجم دارگ بوت۔ گند ءُ نند ءَ وفاقی وزیر برائے اقتصادی امور احد خان چیما، وفاقی وزیر انفارمیشن ٹیکنالوجی شزہ فاطمہ خواجہ ءُ سرکاری مزنیں افسر آں شریک کت۔ گند ءُُ نند ءَ مزن وزیر ءَ اسلام آباد ءَ آسانیں ازمت ءُ کمک جاہ ءِ جوڑیشت ءِ واستہ وزارت ءِ انفارمیشن ٹیکنالوجی ءُ اے دگہ سیادی داروکیں وزارت آنی نیمگ ءَ کتگیں مزنیں تیاری آناں ساڑات۔ مزن وزیر ءَ ہدایت کت کہ زائرین ءِ آسراتی ءِ واستہ اے سال ءَ چہ حج ءِ توامیں المی ئیں مراگش سرجمی ءَ ڈیجیٹل کنگ بہ بنت، اوورسیز پاکستانی آنی واستہ کیو آر دیوان ءَ زوت بیسڈ فیڈ بیک سسٹم ءِ سرا چار ءُ تپاسی کنگ بیت۔ دیوان ءَ را بریفنگ ءِ تہ ءَ گوشت کنگ بوت کہ این آئی ٹی بی ءِ نوکیں سی ای او ءِ گچین کنگ ءَ پد ادارگ ءِ سرجمیں ڈھانچہ ءَ را ھما وھد ءِ لوٹ آنی رد ءَ نوکیں رنگ ءَ جوڑ کنگ بوھگ ءَ انت۔ اسلام آباد ءَ شہری آنی واستہ آسانیں سروس سنٹر ءِ پچ کنگ ءِ واستہ کلیں تیاری سرجم انت۔ سرکاری پڑ ءِ درستیں ادارگ آنی واستہ زوت یک نوکیں سیکیور ایپ ءِ بندات کنگ بیت۔ یک یکجاھیں ون پیٹینٹ ون شناسنامہ ءِ نظام ہسپتال آنی تہ ءَ وھد ءُُ پاس ءِ سر ءَ ءُُ جوانیں رنگ ءَ آسراتی ءِ پھجارینگ ءِ واستہ تیاری ءِ گڈی پڑ ءَ اِنت۔ اے نظام ءَ چہ ہسپتال آنی کارکردگی گہتر بیت ءُُ نادراہ آنی جوانیں چار ءُ بچار کنگ بیت۔ عدلیہ ءِ ھاتر ءَ یک تجزیاتی ڈیش بورڈ ءِ ھم زوت ءَ مزنیں ڈیٹا ءِ کارمرد کنگ ءَ جوڑ کنگ بوھگ ءَ اِنت۔ این آئی ٹی بی 145 ءَ چہ گیش سرکاری ویب سائٹ، 126 ءَ چہ گیش پورٹل، ءُ 31 ءَ چہ گیش موبائل فون ایپلی کیشنز ءِ کار ءَ کنگ ءَ اِنت۔