انڈونیشیا ءِ وزیر دفاع ءَ دفاعی اُرد ءِ سروک ءُُ آرمی چیف فیلڈ مارشل سید عاصم منیر ءَ گوں گند ءُُ نند کت، دو نیمگی دفاعی کمک ءَ را گیش کنگ ءِ موہ آنی سر ءَ گپ ءُ تران

راولپنڈی- 12 جنوری (اے پی پی): دفاعی افواج ءِ سروک ءُ آرمی چیف فیلڈ مارشل سید عاصم منیر ءَ انڈونیشیا ءِ وزیر دفاع لیفٹیننٹ جنرل شافری شمس الدین ءَ گوں جنرل ہیڈ کوارٹر راولپنڈی ءَ گند ءُُ نند کتگ۔ گند ءُ نند ءِ ساھت ءَ وت مہ وتی دلچسپی ءِ جیڈھ، پیداکیں دمگی جاور ھال، جھان ءِ سیکورٹی ڈائنامکس ءُ دو نیمگی دفاعی کمک ءَ را گیش کنگ ءِ موہ آنی سر ءَ گپ ءُ تران کنگ بوت۔ آئی ایس پی آر ءِ رد ءَ دوئیں نیمگ ءَ پاکستان ءُُ انڈونیشیا ءِ نیام ءَ دفاعی صنعت ءِ تہ ءَ ادارگی سیادی آناں گیش مھکم کنگ، تربیتی کمک ءُ کمک ءِ سر ءَ زور پر دات۔ پُرمڈائیں مہمان ءَ پاک سلاہ بندیں اُرد ءِ پیشہ وارانہ رنگ ءَ ساڑات ءُ ناشرکاری ءِ ھلاپ ءَ جنگ ءَ وتی قربانی ءِ منوگری کت۔ آئی ءَ انڈونیشیا ءِ پاکستان ءِ گوما جتا جتائیں پڑ آنی تہ ءَ دفاعی سیادی آناں گیش شاھیگانی دیگ ءِ واھشت ءِ ھم درشان کت۔ فیلڈ مارشل عاصم منیر ءَ انڈونیشیا ءِ گوما یکجائی قدر، یکوئی ءِ شرپ ءُ اسٹریٹجک مفاد آنی یکوئی ءِ بنیات ءَ مھکم ءُ برجائی دفاعی سیادی ءِ دیمروئی ءِ واستہ پاکستان ءِ جزم ءِ پدا زور دات۔