سیو دی چلڈرن کنٹری ڈائریکٹر ءَ سید یوسف رضا گیلانی ءَ گوں گند ءُ نند کتگ، وت مہ وتی رابطہ ءُ کمک ءِ برجاہ دارگ ءِ عزم ءِ درشان

اسلام آباد۔ 12 جنوری (اے پی پی): سیو دی چلڈرن پاکستان ءِ کنٹری ڈائریکٹر ءَ گوں سینیٹ ءِ چیئرمین سید یوسف رضا گیلانی ءَ گوں گند ءُ نند کتگ ۔ چیئرمین سینیٹ ءَ را سرجمیں پاکستان ءَ زھگ ءُ نزوریں گل آنی گہبود ءِ واستہ برجاہیں پروگرام آنی بابت ءَ سرجمی ءَ سرپد کنگ بوت ءُ آیوکیں گامگیج آنی سر ءَ ھیال ریچی کنگ بوت۔ دوشمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ گند ءُُ نند ءِ ساھت ءَ سیو دی چلڈرن پاکستان ءِ کنٹری ڈائریکٹر ءَ چیئرمین سینیٹ ءَ را تنظیم ءِ برجاہیں منصوبگ آنی ھوالگ ءَ سرجمیں بریفنگ داتگ۔ بریفنگ ءِ تہ ءَ وانگ ءُ زانگ، زھگانی رکھینگ، جان سلامتی ءُ تغذیہ، انسانی کمک ءِ کار ءُ چاگرد ءِ توانائی سازی ءِ ھوالگ ءَ پروگرام ھوار بوتگ اَنت۔ دیوان ءَ تاں انوگ ءَ رستگیں پیشرفت، منصوبگ آنی جغرافیائی دائرہ کار ءُُ ھاسیں رنگ ءَ نزور ءُُ بحران ءِ آماچیں دمگ آنی تہ ءَ زھگ ءُُ ھاندان آنی سر ءَ جوانیں اثر ءِ سر ءَ چمشانک دیگ بوت۔ دیوان ءَ سیو دی چلڈرن ءِ آیوکیں منصوبگ ءُُ اسٹریٹجک اولویت آنی سر ءَ ھم گپ ءُُ تران کنگ بوتگ ءُُ دیمروئی ءُُ انسانی کمک ءِ کوشست آناں راجی اولویت آنی گوما یکجا کنگ ءِ ضلورت ءِ سر ءَ زور پر دیگ بوتگ ءُُ زھگ آنی واستہ پائیدار ءُُ ھواریں آسراتی ءِ ھاترا سرکاری ادارگ آنی گوما کمک ءَ را گیش مھکم کنگ ءِ ضلورت ءِ سر ءَ زور پر دیگ بوتگ۔ چیئرمین سینیٹ ءَ زھگانی ھک آنی دیمروئی ءُُ بنیاتی آسراتی آناں رسائی ءَ را گہتر کنگ ءِ واستہ سیو دی چلڈرن پاکستان ءِ برجاھیں ازمت آناں ساڑات۔ آئی ءَ گوشت کہ زھگ آنی دیم ءَ اوشتاتگیں دیریں چیلنج آنی گیواری ءِ واستہ حکومت، سول سوسائٹی ءُ دیمروئی شریک آنی نیام ءَ یکجائی ءُ یکجائی کوشست المی اِنت، ایشی ءِ تہ ءَ کوالٹی ءِ وانگ ءُ زانگ، زھگ آنی رکھینگ ءُُ یکسانیں جان سلامتی ءِ آسراتی ھوار اَنت۔ گند ءُ نند ءِ گڈ ءَ دوئیں نیمگاں زھگ ءُ نزوریں آبادی ءِ وشھالی ءُُ رکھینگ ءِ یکجائی مول ءُ مراد آنی سر ءَ سر بوھگ ءِ واستہ وت مہ وتی رابطہ ءُُ کمک ءَ را برجاہ دارگ ءِ وتی عزم ءِ پدر کنگ بوت۔